एक कॉल….. प्रॉब्लेम सॉल….
आष्टा येथे बिबट्याच्या हल्यात १ शेळी ठारब♦
अकलूज वैभव न्यूज नेटवर्क
आष्टा/ प्रतिनिधी दिनांक 14/12/2024 : आष्टा (ता. वाळवा, जि सांगली) येथे मेंढरांच्या कळपावर बिबट्याने हल्ला करून एका शेळीस ठार केले ही घटना गुरूवारी रात्री घडली.याबाबत सविस्तर माहिती अशी मेंढपाळ आनंदा तुकाराम लांडगे, माणिक शेळके, प्रमोद चोरमुले, सोन्या रासकर, प्रदीप ढोले, रा. या सर्व मेंढपाळांच्या सुमारे ३०० मेंढरांचा कळप आष्टा येथीलच शेतकरी वरद माणिक शेळके, यांच्या पुंदीकर मळा नावाने ओळख असणाऱ्या गट नंबर. २५५/१ शेतात चार पाच दिवसापासून खतासाठी बसायला आहे.गुरूवार दि. १२/१२/२४ रोजी रात्री १ वा. शेळीवर अचानक बिबट्या सदृश्य वन्यप्राण्याने हल्ला करून शेळीस ठार मारले. हि घटना मेंढपाळांच्या समोरच घडली. मेंढपाळ प्रतिकार करताना बिबट्यासदृष्य प्राणी गुरगुरत मेंढपाळांच्या अंगावर आला. तरीही मेंढपाळानी बिबट्यासदृष्य प्राण्याच्या जबड्यातुन शेळी काढून घेतली. बिबट्या शेळी टाकून ऊसाच्या शेतात पळून गेला. हि घटना रात्री १ वा घडली. परंतु पुन्हा दुसऱ्यांदा बिबट्यासदृष्य प्राणी तळावर आला. व मृत शेळीस पाठीमागून खाऊ लागला मेंढपाळांनी पुन्हा परतवून लावले.
सकाळी या घटनेची माहिती संघटनेचे आष्टा शाखेचे अध्यक्ष तानाजी किसन गावडे यांनी तात्काळ यशवंत क्रांती संघटनेचे संस्थापक अध्यक्ष संजय वाघमोडे यांना कळवले. व मदत करण्यासाठी विनंती केली.वाघमोडे यांनी ही घटना वनरक्षक भिवा कोळेकर यांना कळवून घटनास्थळी पंचनामा करण्याची विनंती केली. वनरक्षक श्र भिवा कोळेकर, वनसेवक विजय मदने यांनी घटनास्थळी हजर राहून घटनेचा पंचनामा केला. डॉ. टेकाडे ( मँडम) पशुवैद्यकीय अधिकारी आष्टा यांनी मृत मेंढीचे शवविच्छेदन केले. घटनास्थळी , एकाच आठवड्यात शिये, पोखले आष्टा, तीन ठिकाणी हल्ला झाल्याने सगळीकडे घबराटीचे वातावरण निर्माण झाले आहे.
यशवंत क्रांती संघटना शाखा आष्टा ( दोन्ही शाखा) चे सर्व पदाधिकारी व सदस्य उपस्थित होते.
