💢 वैधमापन शास्र पुणे विभागा द्वारे अचानक “श्री शंकर” कारखान्याच्या ऊस वजन काट्याची तपासणी 🟩 ऊसाचे वजन काटे अचूक असल्याचा अहवाल

Chief Editor06/12/2024Last Updated: 06/12/2024

140 1 minute read

💢 वैधमापन शास्र पुणे विभागा द्वारे अचानक “श्री शंकर” कारखान्याच्या ऊस वजन काट्याची तपासणी

🟩 ऊसाचे वजन काटे अचूक असल्याचा अहवाल

अकलूज वैभव न्यूज नेटवर्क
आकाश भाग्यवंत नायकुडे
मुंबई दिनांक 06/12/2024 : सोलापूर जिल्ह्याच्या माळशिरस तालुक्यातील श्री शंकर सहकारी साखर कारखाना लि. सदाशिवनगर येथे ६ डिसेंबर २०२४ रोजी वैधमापन शास्र पुणे विभागातील अधिकाऱ्यांनी अचानकपणे ऊसाचे वजन काटे चेक केले.
सदरील वजन काट्याची तपासणी करताना वाहन मालक व कारखान्याचे अधिकारी व कर्मचारी उपस्थित होते. सदरील तपासणी पथकाने ऊसाचे वजन काटे चेक केले असता त्यात कोणतीही तफावत त्यांना आढळून आलेली नाही. कारखान्याचे ऊसाचे वजन काटे अचूक असल्याचा त्यांनी अहवाल दिला.
तपासणी पथकामध्ये वैधमापन पुणे येथील उप नियंत्रक, निरीक्षक व अधिकारी हजर होते. त्यांनी ऊसाचे वजन काट्याची तपासणी करून वजन काटे अचूक असल्याचे तपासणी अहवालात नमूद केले आहे. तरी सभासदांनी व ऊस उत्पादकांनी कारखान्यास जास्तीत जास्त ऊस गळीतास देऊन सहकार्य करावे असे कारखान्याच्या प्रशासनातर्फे आवाहन करण्यात आले आहे.