🟪 एफ आर पी नुसार व आसपासच्या कारखान्या प्रमाणे दर तर “पहिल्या हप्त्यापोटी रुपये 2500/- देणार” : आ. रणजितसिंह मोहिते पाटील 🟦 श्री शंकर सहकारी साखर कारखान्याच्या 50 व्या ऊस गळीत हंगामाचा धूमधडाक्यात शुभारंभ

🟪 एफ आर पी नुसार व आसपासच्या कारखान्या प्रमाणे दर तर “पहिल्या हप्त्यापोटी रुपये 2500/- देणार” : आ. रणजितसिंह मोहिते पाटील

🟦 श्री शंकर सहकारी साखर कारखान्याच्या 50 व्या ऊस गळीत हंगामाचा धूमधडाक्यात शुभारंभ

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra State, India.
Mo. 9860959764.

🔰 आकाश भाग्यवंत नायकुडे

अकलूज दिनांक 24/10/2023 : “एफ आर पी नुसार दर देणारच देणारच शिवाय आसपासचे कारखाने जो दर देतील देतील त्याप्रमाणे आपणही देणार आहे. ऊस दराच्या पहिल्या हप्त्यापोटी प्रति मे. टन रुपये 2500/- देण्यात येणार असे कारखान्याचे चेअरमन आ. रणजितसिंह मोहिते पाटील यांनी जाहीर केले. सोलापूर जिल्ह्यातील माळशिरस तालुक्यातील सदाशिवनगरच्या
श्री शंकर सहकारी साखर कारखान्याच्या 50 व्या ऊस गळीत हंगामाचा शुभारंभ आज दि.24 ऑक्टोबर रोजी सकाळी माजी उपमुख्यमंत्री विजयसिंह शंकरराव मोहिते पाटील यांच्या हस्ते करण्यात आला. याप्रसंगी कारखाना कार्यस्थळी आयोजित केलेल्या जाहीर सभेमध्ये ते बोलत होते. कारखान्याचे व्हाईस चेअरमन ॲड. मिलिंद विष्णुपंत कुलकर्णी यांनी स्वागत व प्रास्ताविक केले.
सन 2023 – 24 चा 50 व्या गळीत हंगामातील काटा पूजन व पहिल्या पहिल्या ऊसबैल गाडी चे पुजन अकलूज कृषी उत्पन्न बाजार समितीचे सभापती मदनसिंह मोहिते पाटील व आमदार राम सातपुते यांच्या हस्ते करण्यात आले.
गळीत हंगाम शुभारंभ प्रसंगीच्या सभेचा प्रारंभ सहकार महर्षि कै. शंकरराव नारायणराव मोहिते पाटील, कै. रत्नप्रभादेवी शंकरराव मोहिते पाटील, कै. प्रतापसिंह शंकरराव मोहिते पाटील यांच्या प्रतिमा चे पूजन आ. राम सातपुते, जेष्ठ सभासद नामदेव लक्ष्मण सावंत व दस्तगीर हुसैन मुलाणी यांच्या हस्ते झाले. गळीत हंगाम शुभारंभानिमित्त श्री सत्यनारायण महापूजा सुरेश मोहिते यांनी सपत्नीक केली. ऊस वाहतूक बैलगाडी मुकादम प्रकाश वळकुंदे, शेतकरी सभासद सुभाष शंकर शेंडे व अलका शेंडे या सर्वांचा सन्मान मदनसिंह शंकरराव मोहिते पाटील यांच्या हस्ते करण्यात आला.हंगामाच्या धूमधडाक्यातील शुभारंभ प्रसंगी ऊस दराचा पहिला हप्ता म्हणून रुपये 2500/- प्रमाणे आज कारखान्याच्या ऊस गळीत हंगामाच्या शुभारंभ प्रसंगी ऊस पुरवठा करणारे करणारे ऊस उत्पादक सुभाष शंकर शेंडे यांना कार्यक्रमाचे अध्यक्ष मदनसिंह शंकरराव मोहिते पाटील यांच्या हस्ते ऊस दरापोटी रोख रक्कमेचे बंद पाकीट देऊन देऊन शुभारंभ करण्यात आला.

पुढे बोलताना आमदार रणजितसिंह मोहिते पाटील म्हणाले की, मागील राहिलेली 111 रुपये रक्कम लवकरच खात्यावर जमा होईल. गत हंगामात बॉयलरच्या तांत्रिक अडचणीमुळे ऊस गाळप कमी झाले. बगॅज पूर्ण क्षमतेने जळत नसल्याने दीडशे ट्रॉली राख निघायची. पण आता सुधारित दुरुस्ती केल्याने दिवसाला एक ट्रॉली राख निघणार आहे. त्यामुळे यावर्षी चार ते पाच कोटीचा बगॅज शिल्लक राहील. आणि पुढील दोन ते तीन वर्षात 15 कोटीचा बगॅज शिल्लक राहील.
दुष्काळी परिस्थितीमध्ये कारखान्याच्या विस्तार वाढीचा प्रकल्प हाती घेतला असल्याने आपणास वेड्यात काढण्यात येईल तथापी दूरदृष्टीकोन समोर ठेवून हा प्रकल्प आपण येत्या सात महिन्यात पूर्ण करणार असून तो प्रतिदिन साडेचार हजार मे. टन गाळप क्षमतेने क्षमतेने चालेल असे नियोजन आहे. तालुक्यातील ऊस तालुक्यात राहिला तरच आपण साडेचार लाख मे. टन ऊस गाळपाचे उद्दिष्ट पूर्ण करू शकू. “मोफत स्वतंत्र वजन काटा” बसविण्याची व्यवस्था लवकरच करणार आहे. एक किलोचाही फरक झाला तर मला सांगा.
मोहिते पाटील ऊस वजन काटा मारीत नाहीत अशी आपली ख्याती आहेच. असेही आमदार मोहिते पाटील यांनी ठणकावून सांगितले. यावेळी बोलताना त्यांनी विजय शुगरच्या बंद पडण्यामागील काही परिस्थितीजन्य कारणांचा उल्लेख केला. त्याचबरोबर रस्ते, रेल्वे, वीज, पाणी, पूल, पाझर तलाव, पाझर तलाव, साठवण तलाव, नदी, नाले, 29 गावात नवीन तलाठी कार्यालय बांधकाम इत्यादी विविध क्षेत्रातील विकास कामांचा लेखाजोखा मांडला.
यावेळी शिवामृत दूध उत्पादक सहकारी संघांचे चेअरमन धैर्यशिल मोहिते पाटील, सद्गुरू श्री श्री साखर कारखान्याचे व्हाइस चेअरमन बाळासाहेब कर्णवर पाटील, सहकार महर्षि साखर कारखान्याचे व्हाईस चेअरमन शंकरराव माने-देशमुख, माजी व्हा. चेअरमन ॲड. प्रकाशराव पाटील,मार्केट कमिटीचे उपसभापती मामासाहेब पांढरे, माजी उपसभापती गणपतराव वाघमोडे, श्री शंकर साखर कारखान्याचे व्हाईस चेअरमन मिलिंद कुलकर्णी, मल्लसम्राट रावसाहेब मगर, भाजपा माजी तालुका अध्यक्ष बाजीराव काटकर, शिवामृत दूध संघांचे व्हा. चेअरमन दत्तात्रय भिलारे, माळशिरस नगरपंचायत चे नगराध्यक्ष आप्पासाहेब देशमुख, नातेपुतेच्या नगराध्यक्षा अनिता लांडगे, महाळुंगचे उपनगराध्यक्ष भिमराव रेडे-पाटील, सत्यप्रभादेवी रणजितसिह मोहिते पाटील, माजी सभापती वैष्णवीदेवी मोहिते पाटील, मा. उपसभापती अर्जुनसिह मोहिते पाटील, भानवसे , मानशिंग मोहिते,नामदेव ठवरे, कारखाना डिझाईनर गरड, बाबासाहेब कर्णवर, मार्केट कमिटी संचालक, लक्ष्मण पवार, अप्पासाहेब रूपनवर, सुधीर सुरवसे, ॲड. बी.वाय.राऊत, केशव कदम, लिंगा पाटील, शिवामृत संचालक सचिन रननवरे, हरिभाऊ मगर, शरद साळुंखे, भास्कर तुपे, ॲड. नितीन खराडे, मा. जि.प सदस्य अरुण तोडकर, बबन गायकवाड, तानाजी पालवे, मोहन लोंढे, माऊली सूळ, विजय देशमुख, संजय मोटे, सहकार महर्षिचे संचालक लक्ष्मण शिंदे, हनुमंत शिंदे , सदाशिवनगर सरपंच विरकुमार दोशी, पुरंदावडे सरपंच राणी मोहिते, उपसरपंच देविदास ढोपे कारखान्याचे संचालक, कारखान्याचे एक्झिकुटीव्ह डायरेक्टर स्वरूप देशमुख, कार्यकारी संचालक अभिजित डुबल, जनरल मॅनेजर रविराज जगताप, विविध ग्रामपंचायतीचे सरपंच, उपसरपंच, पोलीस पाटील, विविध संस्थाचे पदाधिकारी, शेतकरी सभासद, अधिकारी, कामगार, व्यापारी, ग्रामस्थ आदी मान्यवर मोठ्या संख्येने उपस्थित होते.
आमदार राम सातपुते यांच्या भाषणातील हायलाइट्स :
🔹”शेतकरी केंद्रबिंदू मानून सहकार महर्षिंनी कार्य केले. विद्यमान सरकारचे धोरण व सहकार्य यामुळे कारखान्याला पुनर्वैभव मिळवून देण्यासाठी देण्यासाठी आमदार रणजितसिंह मोहिते पाटील मोहिते यांनी अहोरात्र परिश्रम घेतले आहेत. 🔹तत्कालीन सरकारमधील नेत्यांना दूरदृष्टी नसल्याने इथेनॉलचे उत्पादन वाढू शकले नाही. 🔹कृष्णा भीमा स्थिरीकरणाचे श्रेय माजी उपमुख्यमंत्री विजयसिंह मोहिते पाटील यांना मिळू नये म्हणून हा प्रकल्प मागे पडला. पण आता विजय दादांचे स्वप्न पूर्ण होईल. कृष्णेचं वाहून जाणारे पाणी दुष्काळी महाराष्ट्राला मिळेल.
🔹खासदारकीला 1 लाख मताचे ज्यांना लीड दिले त्यांनी जाणीव ठेवायला पाहिजे होती.🔹 आमदार रणजितदादांना लाल दिवा मिळावा.