सहकार महर्षि शंकरराव मोहिते पाटील साहित्य पुरस्कार वितरण समारंभ
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.
अकलूज दिनांक 07/01/2024 : श्रीविजय गणेश उत्सव मंडळ पब्लिक ट्रस्ट शंकरनगर अकलूज यांच्या वतीने देण्यात येणारा सहकार महर्षि शंकरराव मोहिते पाटील विशेष साहित्य पुरस्कार इंद्रजीत भालेराव धाराशिव यांना तर साहित्य पुरस्कार डॉ.सौ. सुवर्णलता नाईक निंबाळकर फलटण यांना जाहीर करण्यात येत आहे अशी घोषणा साहित्य पुरस्कार कमिटीच्या अध्यक्षा कु. स्वरूपाराणी मोहिते पाटील यांनी पत्रकार परिषदेमध्ये केली.
रविवार दिनांक 7 जानेवारी रोजी सहकार महर्षि शंकरराव मोहिते पाटील सहकारी साखर कारखान्याच्या प्रशासकीय कार्यालयात आयोजित केलेल्या पत्रकार परिषदेमध्ये त्यांनी ही घोषणा केली.
श्री विजय गणेशोत्सव मंडळ पब्लिक ट्रस्ट शंकरनगर अकलूज यांचे वतीने सहकार महर्षि शंकरराव मोहिते पाटील साहित्य पुरस्कार 2024 वितरण सोहळा साहित्य संमेलनाचे माजी अध्यक्ष लक्ष्मीकांत देशमुख यांचे हस्ते व माजी उपमुख्यमंत्री विजयसिंह मोहिते पाटील यांचे अध्यक्षतेखाली आणि सहकार महर्षि कारखान्याचे चेअरमन जयसिंह मोहिते पाटील व कृषी उत्पन्न बाजार समिती अकलूज चे सभापती मदनसिंह मोहिते पाटील यांच्या प्रमुख उपस्थितीमध्ये सहकार महर्षि कारखान्याच्या प्रशासकीय कार्यालयातील उदय सभागृहामध्ये रविवार दिनांक 14 जानेवारी 2024 रोजी सकाळी 10:30 वा.संपन्न होणार आहे. आपल्या सिद्धस्थ लेखणीने सामाजिक, वैचारिक, सांस्कृतिक, कथा, कविता, ललित, ऐतिहासिक, चरित्र, आत्मचरित्र, इत्यादी साहित्य प्रकारांमध्ये अमुलाग्र योगदान देऊन समाज प्रबोधन करणाऱ्या साहित्यिकांचा सन्मान करणे करता महाराष्ट्र राज्याचे माजी उपमुख्यमंत्री विजयसिंह मोहिते पाटील आणि आमदार रणजितसिंह विजयसिंह मोहिते पाटील यांच्या मार्गदर्शनाखाली श्री विजय गणेशोत्सव मंडळ पब्लिक ट्रस्ट शंकरनगर- अकलूज यांच्यावतीने सहकार महर्षि शंकरराव मोहिते पाटील साहित्य पुरस्कार देण्यास 2023 पासून सुरुवात करण्यात आली आहे. गतवर्षी सन 2023 मध्ये महाराष्ट्र राज्य साहित्य आणि संस्कृती मंडळाचे अध्यक्ष डॉक्टर सदानंद श्रीधर मोरे यांच्या हस्ते आणि विजयसिंह मोहिते पाटील यांच्या अध्यक्षतेखाली विशेष साहित्य पुरस्काराने अच्युत गोडबोले मुंबई, ललित साहित्य कृती पुरस्कार डॉक्टर यशवंत पाटणे सातारा व कविता साहित्य कृती पुरस्कार डॉक्टर राजेंद्र दास कुर्डूवाडी यांना देऊन सन्मानित करण्यात आले होते. विशेष साहित्य पुरस्कार रोख रक्कम रुपये 51000/-, सन्मान चिन्ह, शाल, श्रीफळ, हार, पुष्पगुच्छ तर साहित्य पुरस्कार रोख रक्कम रुपये 25000/- सन्मान चिन्ह, शाल, श्रीफळ, हार, पुष्पगुच्छ असे पुरस्काराचे स्वरूप असणार आहे. तरी सर्व साहित्य प्रेमींनी सदर पुरस्कार वितरण समारंभ उपस्थित राहून कार्यक्रमाची शोभा वाढवावी असे आवाहन सहकार महर्षि शंकरराव मोहिते पाटील साहित्य पुरस्कार कमिटीच्या अध्यक्षा कु. स्वरूपाराणी मोहिते पाटील यांनी प्रसिद्धी माध्यमांसमोर केले.
