💢 शेतकऱ्यांचे पंचप्राण, श्रद्धेय युगपुरुष शरद जोशी यांचे जयंती निमित्त पुण्यात 3 सप्टेंबरला संयुक्त राष्ट्रीय किसान परिषदेचे आयोजन..! 🟩 “शेतकरी प्रशिक्षण शिबिर व कार्यशाळेचे आयोजन विविध क्षेत्रातील शेतकरी कृषी तज्ञ यांचे यावेळी मार्गदर्शन होणार

शेतकरी संघटनेचे संस्थापक, शेतकऱ्यांचे पंचप्राण श्रद्धेय युगपुरुष शरद जोशी यांचे जयंती निमित्त पुणे येथे 3 सप्टेंबर 2024 रोजी एक दिवसीय संयुक्त राष्ट्रीय किसान परिषदेचे आयोजन केले असल्याची माहिती शरद जोशी विचारमंच शेतकरी संघटना महासंघ चे अध्यक्ष तथा राष्ट्रीय निमंत्रक विठ्ठलदादा राजे पवार यांनी साप्ताहिक अकलूज वैभवला दिली यावेळी राज्य प्रसिद्धीप्रमुख भाग्यवंत ल.नायकुडे उपस्थित होते.

Chief Editor23/07/2024Last Updated: 23/07/2024

167 1 minute read

💢 शेतकऱ्यांचे पंचप्राण, श्रद्धेय युगपुरुष शरद जोशी यांचे जयंती निमित्त पुण्यात 3 सप्टेंबरला संयुक्त राष्ट्रीय किसान परिषदेचे आयोजन..!

🟩 “शेतकरी प्रशिक्षण शिबिर व कार्यशाळेचे आयोजन विविध क्षेत्रातील शेतकरी कृषी तज्ञ यांचे यावेळी मार्गदर्शन होणार

Akluj Vaibhav News Network.

🔰 आकाश भाग्यवंत नायकुडे

मुंबई दिनांक 23/07/2024 :

राष्ट्रीय परिषदेसाठी देशभरातून 1000 प्रतिनिधी उपस्थित राहणार आहेत. संयुक्त राष्ट्रीय किसान परिषदेच्या निमित्ताने संघटनेच्या वतीने एक दिवशीय शेती विषयक प्रमाणपत्र कार्यशाळा, कार्यकर्ता प्रशिक्षण शिबिर, विविध शेतमालाचा उत्पादन खर्च कसा काढावा यासंदर्भातली चर्चासत्र होईल. यामध्ये भाग घेणाऱ्यां प्रशिक्षणार्थींना महाराष्ट्र राज्य किसान महामंडळ, शासन व कृषी विभागामार्फत पुरस्कृत ग्लोबल ऍग्रो फाउंडेशन च्या वतीने विशेष प्रमाणपत्र देण्यात येणार आहे. तसेच शरद जोशी यांचे नावाने साप्ताहिक पुण्यमत किसान डायरी प्रकाशनाचे “शेत शिवार किसान डायरी २०२४” या विशेष स्मरणिकेचे प्रकाशन यावेळी करण्यात येणार आहे. तसेच संघटनेच्या वतीने विविध मान्यवरांचा जाहीर नागरी सत्कार पुणे रत्न, कृषिरत्न, राष्ट्ररत्न, योद्धा शेतकरी पुरस्कार, क्रांतिसिंह नाना पाटील प्रति सरकार पुरस्कार, शेतकरी संघटनेची रणरागिणी राजमाता जिजाऊ, अहिल्याबाई होळकर, झाशीची राणी, फुले, रमाई आंबेडकर आंदोलन रणरागिनी, शोध पत्रकारिता, लेखक, विचारवंत, सामाजिक कार्यकर्ते, शेतकरी चळवळीतील आंदोलक यांना ग्लोबल ऍग्रो फाउंडेशन ट्रस्ट व संघटनेच्या वतीने दिल्या जाणाऱ्या २२,व्या विशेष पुरस्काराने विविध मान्यवरांच्या हस्ते गौरविण्यात येणार असल्याचे विठ्ठल राजे पवार यांनी यावेळी सांगितले आहे. आजपर्यंत संघटनेने विविध क्षेत्रात कार्य करणाऱ्या सहकार, सामाजिक, शैक्षणिक, राजकीय व शासन प्रशासकीय सेवेत कार्य करणाऱ्या अडीचशेहून अधिक संस्थांना पदाधिकाऱ्यांना संघटनेच्या वतीने राष्ट्ररत्न, कृषी रत्न, पुणे रत्न, प्रती सरकार योध्दा शेतकरी पुरस्कार देऊन गौरविण्यात आलेले आहे.

या स्मरणिकेमध्ये राष्ट्रीय परिषदेला शुभेच्छा, अथवा देणगी किंवा शुभेच्छा जाहिरात देऊन सहकार्य करण्याचे आवाहन या निमित्ताने संघटनेच्या वतीने करण्यात आले आहे. परिषदेला देशभरातील विविध महत्वपूर्ण पदाधिकाऱ्यांची उपस्थिती राहणार आहे. राज्य बालभारतीचे माजी अध्यक्ष तथा इतिहास संशोधक परिषदेचे राज्याचे शैक्षणिक विभागाचे माजी डायरेक्टर शिवाजीराव तांबे यांच्या हस्ते परिषदेचे उद्घाटन होणार असल्याची माहिती यावेळी राजे पवार यांनी दिली. या परिषदेच्या निमित्ताने देशभरातील ४५ ते ६० विविध समविचारी संघटनांचे अध्यक्ष, प्रतिनिधी उपस्थित राहणार असल्याने ३ सप्टेंबर २०२४ रोजी होणाऱ्या संयुक्त राष्ट्रीय किसान परिषदेसाठीची जय्यत तयारी सुरू असल्याचेही राज्य प्रसिद्धीप्रमुख भाग्यवंत नायकुडे यांनी सांगितले.