🟦 विचारधारा

🟦 विचारधारा

अकलूज वैभव न्यूज नेटवर्क 
वृत्त एकसत्ता न्यूज
संकलक :आकाश भाग्यवंत नायकुडे
मुंबई दिनांक 31/7/2025 : आपल्या शालेय जीवनात आपण प्रत्येकालाच काही न काही मदत करत असतो. कोणाला पेन दे, रबर-पेन्सिल जे नसेल ते देतो व वेळ भागवण्याचा प्रयत्न करतो. हिच सवय मोठेपणी उपयोगी पडते. अडल्या-नडल्या व्यक्तींना, गरजूंना त्यांना नसेल त्या गोष्टींची मदत करणे, त्यांना मदतीचा हात देणे हे आपल्या प्रत्येकाचे कर्तव्य आहे. माणुसकी म्हणजे वेगळे काही नाही.
मुलांनो, मदत ही नेहमी पैशाच्या स्वरूपातच असते असे नाही. त्यासाठी श्रीमंत असले पाहिजे असे तर मुळीच नाही. आधाराचे चार शब्द, आपुलकीचा स्पर्श, शब्दातून दिलेला धीर ही सुद्धा मौलिक मदत ठरते.
आपल्याला जमेल तशी माणुसकी जपण्याचा प्रयत्न करू, मदतीचा हात देऊ.
जयहिंद!🇮🇳
सौ. स्नेहलता स. जगताप