💢 “बेरोजगारांना रोजगार उपलब्ध करून देण्यासाठी शिवशंकर बझार नेहमीच कटिबद्ध”- डॉ.स्वयंप्रभादेवी मोहिते पाटील          🟪 शिवशंकर बझार व शिवकीर्ती महिला औद्योगिक संस्थेची वार्षिक सर्वसाधारण सभा खेळीमेळीत संपन्न 🟩 दोन्ही संस्थांच्या रिबिट कुपन दहा टक्के प्रमाणे डिव्हीडंट जाहीर

💢 “बेरोजगारांना रोजगार उपलब्ध करून देण्यासाठी शिवशंकर बझार नेहमीच कटिबद्ध”- डॉ.स्वयंप्रभादेवी मोहिते पाटील

🟪 शिवशंकर बझार व शिवकीर्ती महिला औद्योगिक संस्थेची वार्षिक सर्वसाधारण सभा खेळीमेळीत संपन्न

🟩 दोन्ही संस्थांच्या रिबिट कुपन दहा टक्के प्रमाणे डिव्हीडंट जाहीर

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰 आकाश भाग्यवंत नायकुडे

मुंबई दिनांक 27/06/2024 :

स्वच्छ व निर्भेळ माल रास्त किंमतीत देत असतानाच ग्राहकांना अनेक योजना, स्कीम देऊन त्यांची आर्थिक बचत करण्याबरोबरच “बेरोजगारांना रोजगार उपलब्ध करून देण्यासाठी शिवशंकर बझार नेहमीच कटिबद्ध” राहिला असल्याचे मत चेअरमन डॉ.स्वयंप्रभादेवी मोहिते पाटील यांनी व्यक्त केले त्याचबरोबर दोन्ही संस्थांच्या रिबिट कुपन दहा टक्के प्रमाणे डिव्हीडंट जाहीर केला.
शिवशंकर मध्यवर्ती सहकारी ग्राहक संस्थेच्या 29 व्या व शिवकिर्ती महिला औद्योगिक सह. संस्थेच्या 9 व्या वार्षिक सर्वसाधारण सभेत त्या बोलत होत्या. शिवशंकर बझारच्या मुख्य कार्यालयात अत्यंत खेळीमेळीच्या वातावरणात एकत्रित संपन्न झालेल्या सभे प्रसंगी प्रमुख पाहुणे म्हणून करसल्लागार सीए.नितीन कुदळे, ज्येष्ठ संचालक जगन्नाथ धुमाळ, ॲड.नितीनराव खराडे, नारायण फुले, अर्जुन भगत, विजयकुमार जोशी, कैलास ताटे, अनिल उघडे, अनिल मुंडफणे, माजी संचालक बी.के मुळे, अनिल जाधव, राजहंस कुक्कुटपालन चे व्यवस्थापक कारंडे, शिव कीर्ती महिला औद्योगिक संस्थेच्या व्हाईस चेअरमन वैशाली कांडलकर, संचालक वसुंधरा देवडीकर, वैशाली कुलकर्णी, शैलजा गुजर, रंजना आसबे, शशिकला सोनवणे, शालिनी कान्हेरे, रुक्मिणी कांबळे यांच्यासह सभासद आणि विविध क्षेत्रातील मान्यवर उपस्थित होते.

पुढे बोलताना डॉ.स्वयंप्रभादेवी मोहिते-पाटील म्हणाल्या, राज्याचे नेते माजी उपमुख्यमंत्री विजयसिंह मोहिते-पाटील यांच्या मार्गदर्शनाखाली उद्योग महर्षि स्व.उदयसिंह मोहिते-पाटील यांच्या ध्येय धोरणानुसार यशस्वीरित्या वाटचाल करीत शिवशंकर बझार आपला 29 वा वर्धापन दिन साजरा करीत आहे. गत 28 वर्षात एकाच छताखाली सर्वोत्कृष्ट व विनम्र सेवा, निर्भेळ व स्वच्छ माल रास्त किंमती मध्ये देऊन शिवशंकर बझारने ग्राहकांमध्ये दृढ विश्वासाचे व जिव्हाळ्याचे नाते निर्माण केले आहे.

देशभरातील प्रत्येक राज्यातून थेट कंपनी मार्फत वस्तूंची खरेदी होत असल्याने ग्राहकांना स्वस्त व माफक दरात वस्तू उपलब्ध करण्यात येत आहेत. ग्राहकांना अल्प दरात वस्तू मिळत असल्यानेच ग्राहकांचा विश्वास संपादन करण्यात बझारला यश मिळाले आहे. आहे. याच विश्वासाला साद देत आज माळशिरस तालुक्यात शिवशंकर बझारच्या नऊ शाखा यशस्वीरित्या कार्यरत आहेत. सण व उत्सवांचे स्वतंत्र व अत्यंत माफक दरातील स्टॉल, गिफ्ट चेक योजना, मोफत आरोग्य तपासणी शिबीर, विविध व्यावसायिक प्रशिक्षण शिबीरे इत्यादींच्या माध्यमातुनही शिवशंकर बझारने आपल्या ग्राहकांशी आपुलकीचे नाते जपले आहे. शिवकिर्ती महिला औद्योगिक संस्थेविषयी सांगताना स्वयंप्रभादेवी म्हणाल्या फक्त महिलांनी महिलांकरीता चालवलेली हि संस्था आहे. अत्यंत कमी भांडवलावर कोणत्याही शासकीय अनुदानाशिवाय या संस्थेने मागील सात वर्षात उल्लेखनीय प्रगती केली आहे. महिलांना रोजगार देतानाच साई शुध्द मसाले हा ब्रँड बनवून त्या नावाखाली 19 प्रकारच्या विविध वस्तूंचे उत्पादन या संस्थेमार्फत करण्यात येत आहे.

वार्षिक सर्वसाधारण सभेच्या निमित्ताने ग्राहकांसाठी खास योजनेतून काढलेल्या लकी ड्रॉ मधील 30 हजार रुपयांच्या एकूण 31 बक्षिसांचे वाटप करण्यात आले.

दोन्ही संस्थेचे अहवाल वाचन व्यवस्थापक गोपाळराव माने-देशमुख यांनी यांनी केले. जगन्नाथ धुमाळ यांनी आभार मानले

“शिवशंकर बझारवर ग्राहकांचा दृढ विश्‍वास आहे. अगदी सुरूवातीपासूनच आपल्या क्वालीटीमध्ये कसलीही तडतोड केली नाही त्यामुळेच बाजारपेठेत प्रचंड स्पर्धा असतानाही त्यांच्या प्रगती मध्ये सातत्य आढळते. शिवाय शिवकर्ती महिला औद्योगिक संस्थेच्या माध्यमातून होत असलेले महिलांचे सबलीकरण कौतुकास प्राप्त आहे”. – सी.ए. नितीन कुदळे, लेखापरीक्षक