🟡धनगर वाड्यावर आरोग्य दुत नेमणूक व शाळा इमारतीच्या निकृष्ट बांधकामाची चौकशी व्हावी 🟣उपमुख्यमंत्री अजित पवार यांना यशवंत क्रांती संघटनेचे निवेदन

🟡धनगर वाड्यावर आरोग्य दुत नेमणूक व शाळा इमारतीच्या निकृष्ट बांधकामाची चौकशी व्हावी

🟣उपमुख्यमंत्री अजित पवार यांना यशवंत क्रांती संघटनेचे निवेदन

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. ,9860959764.

कोल्हापूर दिनांक 17/8/2023 :- निकृष्ट दर्जाचे बांधकाम झालेल्या नवीन शाळा इमारतीच्या बांधकामाची चौकशी करून संबंधित ठेकेदार व अधिकारी यांच्यावर कडक कारवाई करण्यात यावी तसेच दुर्गम भागात धनगर वाड्यावर रस्ते नसल्यामुळे केवळ उपचार न मिळाल्याने अनेक धनगर वाड्यावरील लोकांचे मृत्यू झालेले आहेत धनगर वाड्यावरील लोकांना तात्काळ उपचार मिळावा यासाठी प्रत्येक धनगर वाड्यावर आरोग्य दूत नेमण्यात यावेत याबाबत यशवंत क्रांती संघटनेच्या माध्यमातून पाठपुरावा सतत सुरू ठेवलेला आहे आरोग्य दूत नेमण्याबाबत कोल्हापूर जिल्हा परिषद यांनीही नाविन्यपूर्ण योजना म्हणून मान्यता देऊन तसा प्रस्ताव मंजुरी साठी मंत्रालयात पाठवलेला आहे. तरी सदर प्रस्तावास तात्काळ मंजुरी देऊन धनगर वाड्यावर आरोग्य दूत नेमण्यात यावे अशी मागणी यशवंत क्रांती संघटनेच्या संस्थापक अध्यक्ष संजय वाघमोडे यांनी संघटनेच्या शिष्टमंडळासह उपमुख्यमंत्री अजित दादा पवार यांची कोल्हापूर येथे भेट घेऊन निवेदन दिले. शिष्टमंडळात दीपक माने, अरुण फोंडे, संदीप झोरे, इत्यादींचा समावेश होता. उपमुख्यमंत्री पवार यांनी याबाबत सकारात्मक भूमिका घेऊन या प्रश्नाबाबत लवकरच मंत्रालयात यशवंत क्रांती संघटना पदाधिकारी, अधिकारी यांच्या समवेत मीटिंग घेऊन हा प्रश्न तात्काळ मार्गी लावण्यात बाबत व तसेच निकृष्ट दर्जाचे बांधकाम असणाऱ्या शाळा इमारतींचे चौकशी चे आदेशही देण्याबाबत संबंधित अधिकाऱ्यांना कळवू असे यशवंत क्रांती संघटना शिष्टमंडळाला आश्वासन दिले.
यशवंत क्रांती संघटनेने दिलेल्या निवेदनात पुढे म्हटले आहे की भुदरगड तालुक्यातील हेदवडेपैकी गिरगाव धनगरवाडा इथं जिल्हा परिषद सदस्य जीवन पाटील यांच्या फंडातून व चंदगड तालुक्यातील कानुर धनगर वाडा येथील इथं जिल्हा परिषद सदस्य सचिन बल्लाळ २०१९ साली सुमारे साडे आठ लाख रुपये मंजूर झालं मात्र २०२२ ला ही इमारत पूर्ण झाली पण सदर शाळेचं बांधकाम ठेकेदारानं निकृष्ट दर्जाचं केल्यानं नवीन इमारतीस गळती लागुन भिंती पाझरू लागल्यानं गळक्या इमारतीमध्ये दुर्गम धनगरवाड्यावरील मुले शिक्षणाचे धडे गिरवत आहेत. शाळेचा स्लॅब गळत असल्याने मुलांना भिजतच शिकावं लागत आहे. भिंतीना पाझर फुटल्याने पाणी तुंबून पाण्यातच दिवसभर बसावे लागत आहे. गेली दोन वर्षे हा प्रकार घडत असतानाही याकडे शिक्षण विभागासह बांधकाम विभागाचं ही पुर्णतः दुर्लक्ष झाले आहे. असुन सदर ठेकेदार व बांधकाम विभाग यांचेवर कडक कारवाई करण्यात यावी.अधिकाऱ्यांनी दुर्लक्ष केल्यामुळेच इमारतीचे काम निकृष्ठ दर्जाचे झाल्यामुळें पावसाळ्यात इमारत पडुन मोठी दुर्घटना ही घडण्याची शक्यता आहे. बोक्याचा धनगरवाड्यावरीलही शाळा इमारतीस गळती लागल्याने शाळेतील विद्यार्थ्यांना भिजत पाण्यात दिवसभर राहुन शिक्षण घ्यावे लागत आहे..
जिल्ह्यातील सर्वच शाळा आरोग्य केंद्र उपकेंद्र, अंगणवाडी, नवीन इमारत बांधकामाची चौकशी करून सबंधित ठेकेदार व जबाबदार अधिकारी यांच्यावर कारवाई करण्यात यावी.व गळक्या व धोकादायक इमारतीची दुरूस्ती करण्यात यावी. कोल्हापूर जिल्ह्यातील राधानगरी येथील मासुर्लीपैकी मधला धनगर वाडा येथील अकरा वर्षाच्या मुलाचा सर्पदंशाने मृत्यू झाला तसेच भागुबाई राजाराम गुरके या गरोदर महिलेच्या पोटात दुखायला लागल्याने रस्ता नसल्याने डोलीत घालून दवाखान्यात घेऊन येत असताना महिलेचे डिलिव्हरी झाली परंतु बाळाचा लगेच मृत्यू झाला. केवळ रस्ता नसल्यानेच दवाखान्यात दाखल करता आलेले नाही. तिच्या बाळाला जग पाहण्याआधीच जीव गमवावा लागला. अशा घटना वारंवार घडत आहेत. केवळ रस्ता नसल्याने बळी जात आहेत.
कृपया दुर्गम भागातील लोकांच्या पर्यंत आरोग्य सुविधा उपलब्ध होण्यासाठी दुर्गम वस्ती किंवा वाड्यावर कायमस्वरूपी रहिवासी असलेल्या एखाद्या ज्यादा शिक्षण घेतलेल्या महिला किंवा पुरुष यापैकी आरोग्य प्रशिक्षण देऊन त्यांची नेमणूक आरोग्यदूत म्हणून करून त्यांच्याकडे पुरेसा औषध साठा उपलब्ध करून दिल्यास प्राथमिक उपचार वेळेत मिळून एखाद्याचा प्राण वाचू शकतो. आरोग्य दूत या मागणीस कोल्हापूर जिल्हा परिषदेने एक नाविन्यपूर्ण योजना म्हणून मान्यता देऊन तसा प्रस्ताव मंत्रालयात पाठवला आहे.