💢धनगरवाडे व मेंढपाळांचे प्रश्न सोडविण्यासाठी मुख्यमंत्र्यासोबत बैठक लावण्यात यावी. 🟦आम प्रकाश आबिटकर यांना यशवंत क्रांतीचे निवेदन

💢धनगरवाडे व मेंढपाळांचे प्रश्न सोडविण्यासाठी मुख्यमंत्र्यासोबत बैठक लावण्यात यावी.
🟦आ. प्रकाश आबिटकर यांना यशवंत क्रांतीचे निवेदन

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰 भाग्यवंत लक्ष्मणराव नायकुडे, दुपारी 3 : 33 वा. खारघर येथून

मुंबई दिनांक 18/06/2024 :

धनगरवाडे व मेंढपाळ यांचे मुलभूत प्रश्न सोडविण्यासाठी मंत्रालयात मुख्यमंत्री एकनाथ शिंदे यांच्या सोबत बैठक घ्यावी व त्यांचे प्रश्न सोडविण्यासाठी आ.प्रकाश आबिटकर यांनी पुढाकार घ्यावा यासाठी यशवंत क्रांती संघटनेचे संस्थापक अध्यक्ष संजय वाघमोडे यांच्या नेतृत्वाखाली यशवंत क्रांती संघटनेच्या शिष्टमंडळाने आ. आबिटकर यांची भेट घेऊन निवेदन दिले.
निवेदनात म्हटले आहे की,
“महाराष्ट्र राज्यातील सह्याद्रीच्या पर्वताच्या डोंगररांगातून दऱ्यातून खोऱ्यातून वसलेल्या धनगर वाड्यावर रस्ते, पाणी, आरोग्य, या मूलभूत सुविधा स्वातंत्र्यापासून आजपर्यंत पोहोचलेले नाहीत. अनेक धनगर बांधवांचे केवळ रस्त्या नसल्यामुळे वेळेत उपचार न मिळाल्याने सर्पदंश, प्रसूतीवेळी बाळ आणि बाळंतीण यांचे मोठ्या प्रमाणात कोल्हापूर जिल्ह्यात तसेच महाराष्ट्र मृत्यू झालेले आहेत. हे मृत्यू थांबवण्यासाठी दुर्गम भागात धनगरवाड्यावर राहणाऱ्या लोकांना आरोग्यासाठी सुविधा मिळण्यासाठी आरोग्य दूत नेमण्यात यावेत. याबाबत सतत पाठपुरावा करून अद्याप निर्णय घेण्यात आला नाही.
महाराष्ट्र राज्यातील धनगर समाज हा मूळ आदिवासी धनगर समाज असल्याने तो मोठ्या संख्येने जंगलात राहत आहे. त्यांचे संसार जंगलातील जांभळे, करवंदे, वाळलेल्या झाडाच्या फांद्या किंवा औषधी वनस्पती, फॉलोपाचोळा गोळा करून तो दूर चालत जाऊन शहरात विकून ते संसार चालवत असतात. तसेच जंगलातील चाऱ्यावरच त्यांचे पाळीव प्राणी जगत असतात. परंतु वन अधिकाऱ्यांनी कुराडबंदी, लाकूडबंदी, वनहद्द बंदी, यासारख्या सरकारी जुलमी कायद्याचा आधार घेऊन त्यांना नोटीस बजावून त्यांच्या मूलभूत अधिकारावर गदा आणून त्यांचे जगणे मुश्किल केले आहे. जंगलात राहणाऱ्या समाज बांधवांचे अधिकार राज्यघटनेने अबाधित ठेवले आहेत. परंतु अधिकारी त्यांच्यावर अत्याचार करीत आहेत तरी होणारा जुलूम थांबावा व त्यांचे अधिकार कायम ठेवावेत.
धनगर समाजासाठी स्वतंत्र महामंडळाची स्थापना करून समाजातील तरुणांना कोणताही व्यवसाय करण्यासाठी बिनव्याजी २५ लाखापर्यंत कर्ज महामंडळाकडून देण्यात यावे.
वन हद्दीत पाळीव प्राण्यांच्यावर वन्य प्राण्यांनी हल्ला केला तर त्याची नुकसान भरपाई मिळत होती (परिपत्रक २००४) ती आता अधिकाऱ्यांनी देण्याचे बंद केले आहे. ती पूर्वत सुरू करावी व वनहक्काने मिळालेल्या जमिनीवर वन्य प्राण्यांनी केलेल्या पीक नुकसानीचे भरपाई ही शासनाने बंद केली आहे ती नुकसान ग्रस्त शेतकऱ्यांना तात्काळ देण्यात यावी.
राज्यात भटक्या कुत्र्यांचा सुळसुळाट वाढलेला आहे. भटकी कुत्री लहान मुले, महिला, नागरिक, शेळ्या मेंढ्या, यासारख्या पाळीव प्राण्यांवर हल्ला करून गंभीर जखमी किंवा ठार मारत आहे. त्याची शासनाकडून कोणत्याही प्रकारची नुकसान भरपाई मिळत नाही. तरी भटक्या कुत्र्यांच्या हल्ल्यात ठार झालेल्या, गंभीर जखमी झालेल्यांना किंवा पाळीव प्राणी मालकांना त्याची नुकसान भरपाई देण्यात यावी.
शेळ्या मेंढ्या चारण्यासाठी गायरान अतिक्रमणामुळे शिल्लक नाही व खाजगी जमीन लागवडीखाली आल्याने शेळ्या मेंढ्या चारण्यासाठी चराई क्षेत्र उपलब्ध नसल्याने महाराष्ट्रातील सर्व जंगलक्षेत्रात नऊ फुटापेक्षा उंच झाडे असणाऱ्या ठिकाणी शेळ्या मेंढ्या चराई पास देण्यात यावेत व पावसाळ्यात भटकंती करीत असलेल्या मेंढपाळ मुक्कामास राहिल्यास त्यांच्यावर वन अधिकाऱ्यांकडून कारवाई करण्यात येऊ नये.
शेळ्या मेंढ्यांचे आजारांचे प्रमाण रोखण्यासाठी व वेळेत उपचार होण्यासाठी मेंढपाळांच्यातीलच एका मेंढपाळास आरोग्य प्रशिक्षण देऊन त्याची मेंढपाळ सखा म्हणून नियुक्ती करण्यात यावी. व त्याच्याकडे शेळ्या मेंढ्यासाठी लागणारा औषध साठा व लसीकरण लसी उपलब्ध करून देण्यात यावेत. वरील मागण्या धनगरवाडे, मेंढपाळ धनगर समाजाचा विकास व प्रगती करण्याच्या दृष्टीने योग्य असून या मागण्याचा सहानभूतीपूर्वक विचार करून त्याची अंमलबजावणी करण्यासाठी आपण पुढाकार घेऊन मुख्यमंत्री सचिव यांच्या सोबत बैठक घेण्यात यावी अशा विविध मुद्द्यांचा उल्लेख निवेदनात आहे.
शिष्टमंडळात संघटनेचे अध्यक्ष संजय वाघमोडे, चंदगड तालुका अध्यक्ष बाबु वरक, हातकणंगले युवक अध्यक्ष अमोल सिसाळ, दिपक माने,समाधान हेगडकर, करपेसर, नामदेव पिंगळे, शाहुवाडी तालुका अध्यक्ष संजय डफडे, सागर धुंदरे भैय्या माजी सरपंच राशिवडे बु दत्तात्रय जोंग अध्यक्ष धनगर समाज राशिवडे बु श्री आण्णाप्पा जोंग श्री
दादासो गावडे, अतुल धनगरअरुण लाड तसेच राधानगरी भुदरगड मधिल पदाधिकारी मोठ्या संख्येने उपस्थित होते.दिपक माने,समाधान हेगडकर, करपेसर,नामदेव पिंगळे, शाहुवाडी तालुका अध्यक्ष संजय डफडे, दादासो गावडे, अतुल धनगर तसेच राधानगरी भुदरगड मधिल पदाधिकारी मोठ्या संख्येने उपस्थित होते.