💢शेळ्या मेंढ्यांना टॅगिंग करून घेणे गरजेचे : संजय वाघमोडे 🟨यशवंत क्रांती संघटनेच्या खुपिरे शाखेच्या वतीने पुण्यश्लोक अहिल्यादेवी जयंती निमित्त शिबिराचे आयोजन

Chief Editor06/06/2024

194

💢शेळ्या मेंढ्यांना टॅगिंग करून घेणे गरजेचे : संजय वाघमोडे

🟨यशवंत क्रांती संघटनेच्या खुपिरे शाखेच्या वतीने पुण्यश्लोक अहिल्यादेवी जयंती निमित्त शिबिराचे आयोजन

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰 आकाश भाग्यवंत नायकुडे

मुंबई दिनांक 06/06/2024 :

केंद्र शासनाच्या पशुसंवर्धन विभागाद्वारे राज्यात नॅशनल डिजिटल लाईव्हस्टाँक मिशन (एनडीएलएम) अंतर्गत भारत पशुधन प्रणाली कार्यान्वित केली आहे. सदर प्रणालीमध्ये जनावरांच्या कानात बिल्ला मारून त्याच्या सर्व कष नोंदी घेण्यात येत आहेत यामध्ये जन्ममृत्यू नोंदणी रोग प्रतिकारक लसीकरण व औषधोपचार, मालकी हक्क हस्तांतर, यांचा समावेश आहे. थोडक्यात सदर प्रणाली वर संबंधित पशुधनाची प्रजनन, आरोग्य मालकी हक्क, जन्म, मृत्यू इत्यादी सर्व माहिती उपलब्ध होते, याकरिता सर्व शेळ्या मेंढ्या मालकांनी तसेच शेतकऱ्यांनी आपल्या गाई, म्हशी, शेळ्या- मेंढ्यांना बिल्ला मारून घेणे गरजेचे आहे. बिल्ला मारल्याशिवाय इथून पुढे कोणत्याही शासकीय योजनेचा लाभ मिळणार नाही. यासाठी आपल्या शेळ्या मेंढ्यांना टॅग करून घेणे गरजेचे आहे. असे प्रतिपादन यशवंत क्रांती संघटनेचे संस्थापक अध्यक्ष संजय वाघमोडे यांनी केले.

खुपिरे तालुका करवीर येथे अहिल्यादेवी जयंतीनिमित्त यशवंत क्रांती संघटना शाखा खुपिरे ता. करवीर मार्फत शेळ्या मेंढ्यांना (बिल्ला मारण्याचे) नोंदणी अभियानांतर्गत आयोजित शिबिराच्या उद्घाटना प्रसंगी ते बोलत होते. यावेळी सरपंच तृप्ती पाटील, सदस्य भगवान हराळे, डॉ.सँम लुद्रिक, डॉ.वैभव खराडे, उत्तम तांदळे, हे प्रमुख उपस्थित होते. ते पुढे म्हणाले की सर्वच जनावरांना- मेंढ्यांना बिल्ला मारून घेणे( टॅगिंग करणे) गरजेचे आहे. शेळ्या मेंढ्यांचा लाईव्हस्टॉक तसेच शासकीय योजना उदा. शेळ्या मेंढ्यांची चोरी, लसीकरण, खरेदी विक्री, तसेच वन्य प्राण्यांच्या हल्ल्याचे नुकसान भरपाई, इ. साठी जनावरांना बिल्ला असणे गरजेचे आहे त्याशिवाय जनावरांचा मालकी हक्क समजून येत नाही. तरी सर्व शेतकरी मेंढपाळानी आपली जनावरे, शेळ्या मेंढ्यांना ( बिल्ला) टॅगिंग करणे गरजेचे आहे असे म्हटले. डाँ. सँम लुद्रिक यांनी लसीकरण व टाँगिग करणे गरजेचे असून सर्वच जनावरांना टँगिंग करून घेऊन सर्व शेतकऱ्यांनी शासनाच्या नोंदणी अभियानात सामिल व्हावे. असे आवाहन केले. यापुढे नोंदणी असल्या शिवाय कोणत्याही शासकीय सोईसुविधांचा लाभ घेता येणार नाही असेही सांगितले.
या अगोदर कळपातील सर्व मेंढरांना (बिल्ला मारणे) टॅगिंग करणे गरजेचे होते. परंतु यशवंत क्रांती संघटनेच्या माध्यमातून प्रयत्न करून सर्व मेंढरांना बिल्ला मारणे अशक्य आहे. हे अधिकाऱ्यांना पटवून दिले व कळपातील एका शेळी- मेंढीस टॅगिंग करून त्याद्वारे सर्व शेळ्या मेंढ्यांच्या नोंदी ठेवणे शक्य आहे. असे सांगितल्यानंतर त्यानुसार शासनाने प्रणालीमध्ये बदल करून कळपातील एकाच मेंढीस बिल्ला मारून त्या ॲपमध्ये सर्वच कळपातील शेळ्या मेंढ्यांची माहिती संकलित केली जाणार आहे. तरी कोल्हापूर जिल्ह्यातील सर्व मेंढपाळानी भटकंतीस जाण्या अगोदर आपल्या शेळ्या मेंढ्यांना बिल्ला मारून घेणे गरजेचे आहे. यावेळी डॉ. वैभव खराडे डॉ.सँम लुद्रिक, महेश शिंदे, रघुनाथ शिरगावकर,यांनी टॅगिंग व नोंदणी केली डॉ.प्रमोद बाबर जिल्हा पशुसंवर्धन अधिकारी, जिल्हा परिषद कोल्हापूर डॉ. सुरेंद्र भरते , उपायुक्त कोल्हापूर, एम कार्तिकेयन मुख्य कार्यकारी अधिकारी जिल्हा परिषद कोल्हापूर, यांचे मार्गदर्शन लाभले या शिबिरात खुपिरे मध्ये एकूण 3300 शेळ्या मेंढ्या यांची नोंद एकाच दिवसात करण्यात आली.
शिबिर यशस्वी करण्यासाठी यशवंत क्रांती संघटनेचे मारुती हराळे शाखाप्रमुख, भिकाजी हराळे उपाध्यक्ष, तानाजी हराळे, सेक्रेटरी, म्हाळु हराळे, बिरू हराळे, संभाजी हराळे, कृष्णात हराळे, अनिल हराळे, उत्तम हराळे, शिवाजी हराळे, विलास हराळे, तानाजी हराळे, बिरू हराळे, नाना हराळे, विठ्ठल हराळे, धुळाप्पा रेवडे, मारुती हराळे, यशवंत हराळे, सज्जन हराळे, पापटे हराळे, दत्तात्रय हराळे, रंगा हराळे, यांनी परिश्रम घेतले. कार्यक्रमास ग्रामस्थ मोठ्या संख्येने उपस्थित होते.