💢धनगरवाड्यावरील महिलेवर अतिप्रसंग करण्याचा प्रयत्न.. 🟪चंदगड तालुक्यातील प्रकार.. 🟦आरोपीवर कठोर कारवाई करावी यासाठी यशवंत क्रांती संघटनेचे जिल्हा पोलीस अधीक्षकांना निवेदन

Chief Editor01/06/2024

204

💢धनगरवाड्यावरील महिलेवर अतिप्रसंग करण्याचा प्रयत्न..

🟪चंदगड तालुक्यातील प्रकार..

🟦आरोपीवर कठोर कारवाई करावी यासाठी यशवंत क्रांती संघटनेचे जिल्हा पोलीस अधीक्षकांना निवेदन

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰 आकाश भाग्यवंत नायकुडे

मुंबई दिनांक 01/06/2024 :

धनगर वाड्यावरील महिला जनावरे राखायला गेली असताना अतिप्रसंग करण्याचा प्रयत्न एका इसमाकडून करण्यात आला. महिलांनी प्रसंगावधान राखून घरी फोन करून नातेवाईकांना बोलावून घेतल्याने पुढील अनर्थ टळला.
याबाबत सविस्तर माहिती अशी कि चंदगड तालुक्यातील धनगर वाड्यावरील दोन महिला जनावरे घेऊन रानात चारण्यासाठी गेल्या होत्या. या महिला एकट्या आहेत व आजुबाजूला रानात कोणी नाही असे पाहून त्याच्या जवळ एक अनोळखी इसम आला व हाताला धरून ओढून तुमच्या जनावरांनी काय केले बघा म्हणून जबरदस्तीने ओढत घेऊन जाऊ लागला. तेव्हा दुसरी महिला जवळ येऊन दोघींनी प्रतिकार करत महिलांनी प्रसंगावधान राखून तात्काळ घरी फोन करून घटना सांगून घरच्या पुरुषमंडळींना बोलावून घेतले व आरोपीस पकडून चंदगड पोलीसांच्या ताब्यात दिले. सदर इसमाचे नाव गोविंद आप्पाजी वारेकर (किटवडे ता. चंदगड) असुन त्याचे वर भारतीय दंड संविधान 354, 509 अंतर्गत चंदगड पोलीस ठाण्यात गुन्हा नोंद करण्यात आला आहे.
खरं तर धनगर वाड्यावरील बांधवांचा जनावरे पालन करणे व उन्हाळ्यात रानातील करवंद, जांभळे, इ. रानमेवा गोळा करून तो चालत जाऊन विकून मिळणारऱ्या उत्पन्नावर त्यांचा संसार चालत असतो. त्यामुळे रानावनात फिरणं हे नेहमीच त्यांच्या नशीब असते परंतु अशा घटना घडू नयेत म्हणून संशयित आरोपींस जास्तीत जास्त कठोर शिक्षा व्हावी अशी मागणी यशवंत क्रांती संघटनेच्या माध्यमातून दिलेल्या निवेदनात जिल्हा पोलीस अधीक्षकाकडे करण्यात आलेली आहे. या महिलांना आरोपीने हाताला धरून मारहाण करून फरफडत ओढून घेऊन जात होता महिलांनी घरी फोन केला म्हणूनच पुढील प्रसंग टळला. आरोपीने जर हा प्रकार घरी सांगितला तर ठार मारून टाकीन अशी धमकीही दिली होती. परंतु याची नोंद फिर्यादमध्ये करण्यात आली नाही तरी तशी नोंद फिर्यादीमध्ये घेऊन 323 324 504 506 ही वाढीव कलमे लावावी व आरोपीवर जास्तीत जास्त कठोर कारवाई करण्यात यावी. अशी मागणी यशवंत क्रांती संघटनेचे संस्थापक अध्यक्ष संजय वाघमोडे यांच्या नेतृत्वाखाली शिष्टमंडळाने जिल्हा पोलीस अधीक्षक महेंद्र पंडित यांची भेट घेऊन केली आहे.
शिष्टमंडळात दादा गावडे, जिल्हा उपाध्यक्ष, जिल्हा कोल्हापुर, अमोल सिसाळ युवक अध्यक्ष तालुका हातकणंगले, संजय डफडे, युवक अध्यक्ष शाहुवाडी तालुका, अतुल धनगर युवक अध्यक्ष तालुका पन्हाळा, औकार सिसाळ, तसेच चंदगड तालुक्यातील पदाधिकारी मोठ्या संख्येने उपस्थित होते.