💢मेंढपाळ संदीप विरकर यांना वन विभागाकडून ४७ हजार २५० रुपये नुकसान भरपाई 🟨यशवंत क्रांती संघटनेच्या प्रयत्नांना यश

Chief Editor23/05/2024Last Updated: 23/05/2024

1,321 1 minute read

💢मेंढपाळ संदीप विरकर यांना वन विभागाकडून ४७ हजार २५० रुपये नुकसान भरपाई

🟨यशवंत क्रांती संघटनेच्या प्रयत्नांना यश

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰 आकाश भाग्यवंत नायकुडे.

मुंबई दिनांक 23/05/2024 :

नेर्ले ता.वाळवा येथील मेंढपाळ संदीप विरकर यांना मेंढ्यांची नुकसान भरपाई पोटी वन विभागाकडून ४७ हजार २५० रुपये देण्यात आले.
याबाबत सविस्तर माहिती अशी की संजय विरकर यांचा मेंढ्यांचा व्यवसाय आहे.त्यांच्या मेंढ्यांचा कळप काळमवाडी येथील गट नंबर १०७७ मध्ये (शेतात ) खतासाठी बसायला असताना बिबट्या सदृश्य वन्य प्राण्याने हल्ला करून कळपातील दोन मेंढ्या व सहा कोकरे यांना जागीच ठार केले होते. सदर घटनेचा वनविभागाकडून रीतसर पंचनामा करून नुकसान भरपाई मिळण्यासाठी अहवाल पाठवला होता. या प्रकरणाचा यशवंत क्रांती संघटनेच्या माध्यमातून संजय वाघमोडे यांनी सतत पाठपुरावा सुरू ठेवला होत. केलेल्या पाठपुराव्यास यश येऊन मेंढपाळ संदीप विरकर यांना वन विभागाकडून कडून ४७ हजार २५० रुपये नुकसान भरपाई म्हणून देण्यात आले. नुकसान भरपाई मिळाल्याने मेंढपाळ वर्गातून समाधान व्यक्त होत आहे यावेळी बोलताना संजय वाघमोडे म्हणाले की बिबट्या, तरस यासारख्या जंगली प्राण्यांनी जंगलातील नैसर्गिक प्राणी हरीण, सांबर ससे यासारखे प्राणी मानवी शिकारीमुळे कमी झाले आहेत. त्यामुळे वन्यप्राण्यांना सहजपणे जंगलात शिकार मिळणे मुश्किल झाले आहे. याउलट गावाशेजारी शेळ्या मेंढ्या, बांधून ठेवलेली जनावरे, वासरे, भटकी कुत्री, हे प्राणी सहजासहजी उपलब्ध होत असल्याने वाघ, बिबट्या, तरस यासारख्या प्राण्यांनी गावाशेजारील उसात आपले नैसर्गिक निवासस्थान बनवले आहे. तरी शेतकऱ्यानी उसात रानात काम करत असताना सावधानता बाळगावी तसेच मेंढपाळांनी सतर्क रहावे. नेर्ले पशुवैद्यकीय अधिकारी डॉ. कोळी, शिराळा वनपरिक्षेत्र अधिकारी पारधी वनरक्षक वनपाल वन सेवक यांचेही मोलाचे सहकार्य लाभले.

यावेळी दादासो गावडे,उत्तम तांदळे, गजानन आरगे, राहुल चौगुले, अशोक विरकर, संजय विरकर, धनाजी आंब्रे, वैभव वाठारकर, संजय सिद, संतोष सिद, दीपक सिद, नागेश विरकर, तानाजी वाठारकर, धनाजी चौगुले व यशवंत क्रांती संघटनेच्या नेर्ले शाखेचे सर्व पदाधिकारी उपस्थित होते.