🟣शासनाच्या चुकीच्या धोरणाचा फटका आणि वनविभागाच्या अडमुठेपणामुळे धनगर वाड्यावरील लोकांचे जगणं मुश्किल : संजय वाघमोडे

🟣शासनाच्या चुकीच्या धोरणाचा फटका आणि
वनविभागाच्या अडमुठेपणामुळे
धनगर वाड्यावरील लोकांचे जगणं मुश्किल : संजय वाघमोडे

🔵एक वही समाज बांधवासाठी.. या उपक्रमार्तगत भुदरगड तालुक्यातील २०० विद्यार्थ्यांना शैक्षणिक साहित्याचे वाटप

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

भुदरगड तालुका प्रतिनिधी दिनांक 02/07/2023 : शासनाच्या चुकीच्या धोरणाचा फटका आणि वन विभागाच्या अडमुठेपणामुळे धनगर वाड्यावरील लोकांचे जगणे मुश्किल झाले आहे.अनेक धनगरवाडे ओस पडले आहेत असे यशवंत क्रांती संघटनेचे संस्थापक अध्यक्ष संजय वाघमोडे यांनी सांगितले ते एक वही समाज बांधवांसाठी दऱ्याखोऱ्यात राहणाऱ्या समाज बांधवांच्या मुलांसाठी या उपक्रमांतर्गत शैक्षणिक साहित्य वाटप आयोजित कार्यक्रमात बोलत होते. यावेळी भुदरगड यशवंत क्रांती संघटना तालुका प्रमुख सगु कात्रुट बी. न्यूजचे शिवाजी पाटील उपस्थित होते, ते पुढे म्हणाले धनगरवाडे सह्याद्रीच्या कुशीत आणि जंगल हद्दीत हजारो वर्षापासून आहेत त्यांना आज पर्यंतच्या राजे महाराजे इंग्रज या सत्ताधाऱ्यांनी संरक्षण दिले राजेशाही मोगलाई किंवा इंग्रजांच्या काळात ही त्यांच्या स्वातंत्र्याला कधी धक्का लागला नव्हता जंगलातील साधनसंपत्तीवर त्यांच्या संसारचालायचे जंगल मग जंगलामधील वाळलेली लाकडे करवंद जांभळे यासारखे रानमेवा विकून धनगर बांधव उदरनिर्वाह करायचे पुरुषांनी वाळलेल्या झाडांच्या फांद्या गोळा करून मोळी बांधायची व महिलांनी ती 30 40 किलोमीटर चालत जाऊन शहरात विकायची त्यातून मिळणाऱ्या उत्पन्नावर संसार चालवायचे. परंतु देश स्वतंत्र झाला आणि धनगरवाडे मात्र पारतंत्र्यात गेले..आजही अनेक धनगरवाडे वनहद्दीत असल्याने वन अधिकारी त्यांना जाणीवपूर्वक त्रास देत असतात..वाळलेल्या फांद्या गोळा करून ठेवल्या तर त्या पेटवून देतात..रानमेवा गोळा करू देत नाहीत..यामुळे धनगर वाड्यावरील लोकांचे जगणेच मुश्किल झाले आहे दळणवळणाचे सोय नसल्याने तिथे गॅस पोहोचत नाही तर शासनाने रॉकेल ही बंद केले आहे. आणि वन अधिकारी जंगलात वाळलेली लाकडे तोडून देत नाहीत. गॅस रॉकेल आणि वाळलेले लाकूड हे अग्नी पेटवण्यासाठी आवश्यक आहे परंतु गॅस रॉकेल आणि लाकूड धनगर वाड्यावर मिळणे मुश्किल झाल्याने स्वयंपाक करायचा कसा ? हा प्रश्न निर्माण झाला आहे. याला वैतागून अनेक लोक धनगरवाडे सोडून निघून जात आहेत. त्यामुळे धनगरवाडे ओस पडायला लागलेले आहेत. धनगर वाड्यावरील धनगर बांधव गेले कुठे? हाच खरा प्रश्न निर्माण झाला आहे. असेही त्यांनी सांगितले मुख्याध्यापक भोसले यांनी एक वही समाज बांधवांसाठी दऱ्याखोऱ्यात राहणाऱ्या समाज बांधवाच्या मुलासाठी..या उपक्रमाचे कौतुक करुन गोर गरिब विध्यार्थ्याना प्रेरणा देण्याचे काम यशंवत क्रांती संघटनेच्या माध्यमातून संजय वाघमोडे हे करत असल्याचे सांगितले.

भुदरगड तालुक्यातील, तांबळेश्वर हायस्कुल ताबाळे विद्यामंदिर वाण्याची वाडी, विद्या मंदिर मेघोली, विद्या मंदिर जोगेवाडी, वासनोली हायस्कूल वासनोली, मराठी विद्या मंदिर वासनोली, शिवडाव धनगर वाडा, कडगाव मध्ये विद्यार्थ्यांना शैक्षणिक साहित्याचे वाटप कार्यक्रम घेण्यात आला. एक वही समाज बांधवासाठी.. या उपक्रमार्तगत भुदरगड तालुक्यातील २०० विद्यार्थ्यांना शैक्षणिक साहित्याचे वाटप करण्यात आले.
पंचायत समिती भुदरगड यांच्याकडून पंचायत समिती कार्यालयात संजय वाघमोडे यांचा पुष्पगुच्छ देऊन सत्कार करण्यात आला यावेळी मुख्याध्यापक संतोष भोसले , एस आर पाटील, यु. पी . घुगरे ,प्रविण पार्टे .विजय आदित्य बाळकृष्ण तवटे ‘प्रकाश सांडुगडे विजय वास्कर याच्यासह शिक्षक शिक्षकेत्तर कर्मचारी उपस्थित होते.