सहकार महर्षि अभियांत्रिकीच्या विद्यार्थ्यांची शिक्षक – पालक सभा संपन्न.
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64
🔰आकाश भाग्यवंत नायकुडे.
मुंबई दिनांक 04/05/2024 :
सहकार महर्षि शंकरराव मोहिते-पाटील इन्स्टिटयूट ऑफ टेक्नॉलॉजी अँड रिसर्च, शंकरनगर -अकलूज या अभियांत्रिकी महाविद्यालयामध्ये प्रथम वर्ष पदवी अभियांत्रिकीमधील विद्यार्थ्यांची शिक्षक – पालक सभा संपन्न झाल्याची माहिती विभाग प्रमुख प्रा. सुजाता रिसवडकर यांनी दिली.
कार्यक्रमाचे प्रास्ताविक प्रा. अमृता लोंढे यांनी केले. त्यामध्ये त्यांनी महाविद्यालयाचे अध्यक्ष, संचालक, सचिव, प्राचार्य, शिक्षक व शिक्षकेत्तर कर्मचारी यांच्यातर्फे सर्व पालकांचे स्वागत केले.
यावेळी बोलताना महाविद्यालयाचे प्राचार्य डॉ. प्रवीण ढवळे यांनी पालक , शिक्षक व विद्यार्थी यामध्ये सुसंवाद असणे गरजेचे आहे, तसेच विद्यार्थ्यांनी उद्योगाकडे वळावे, मोबाईलचा अतिवापर टाळावा असे सांगितले.
पालक प्रतिनिधी प्रा. नागेश इंगोले बोलताना म्हणाले ’’ सहकार महर्षि इंजिनिअरिंग कॉलेज हे गुणवत्तेत उत्कृष्ट आहे. महाविद्यालयातील सर्व शिक्षक हे विद्यार्थ्याकडे वैयक्तिक लक्ष देत आहेत आणि विद्यार्थ्यांना आवश्यक असणाऱ्या सोयी सुविधा महाविद्यालयात उपलब्ध होतात. विद्यार्थ्यांच्या शैक्षणिक जडणघडणीत शिक्षक आणि पालकांचा एकत्र संवाद झाला, तर त्या विद्यार्थ्यातील हिऱ्याला चांगल्या प्रकारे पैलू पाडता येऊ शकतात‘’ असे सांगितले.
प्रथम वर्ष विभाग प्रमुख प्रा. सुजाता रिसवडकर यांनी सर्व पालकांच्या शंकेचे निरसन केले व येणाऱ्या कालावधी सर्व विद्यार्थ्यांचा महाविद्यालयातील शिक्षण तसेच शिक्षणपूरक उपक्रमातून सर्वांगीण विकास साधण्याचा मानस त्यांनी व्यक्त केला . तसेच पालक व्हाट्सअप ग्रुप च्या माध्यमातून पालक-शिक्षक ऋणानुबंध अधिक दृढ होईल आणि त्या मध्यामातुन महाविद्यालयातील विविध उपक्रमाविषयी ची माहिती आपल्यापर्यंत पोहचवली जाईल असे सांगितले.
पालक सभेकरिता पालक महाविद्यालयातील सर्व भागाचे विभाग प्रमुख शिक्षक शिक्षकेतर कर्मचारी व विद्यार्थी उपस्थित होते .
कार्यक्रम यशस्वीपणे पार पाडण्यासाठी कार्यक्रमाचे समन्वयक म्हणून प्रा . ऐश्वर्या कुदळे यांनी काम पाहिले. कार्यक्रमाचे सूत्रसंचालन प्रा. अमृता लोंढे यांनी तर आभार प्रदर्शन प्रा. सुजाता रिसवडकर यांनी केले.
