- प्रताप क्रीडा मंडळा तर्फे उन्हाळी क्रीडा प्रशिक्षण शिबीर
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64
🔰 आकाश भाग्यवंत नायकुडे
अकलूज दिनांक 13/04/2024 :
ग्रामीण भागातील खेळाडूंना आंतरराष्ट्रीय खेळाचे व्यासपीठ उपलब्ध व्हावे आंतरराष्ट्रीय खेळातील कौशल्याचे प्रशिक्षण मिळावे या हेतूने प्रताप क्रीडा मंडळ, शंकरनगर- अकलूज यांच्या वतीने मंडळाचे संस्थापक जयसिंह मोहिते पाटील व अध्यक्षा कु. स्वरूपाराणी जयसिंह मोहिते-पाटील यांच्या मार्गदर्शनाखाली खेळाडूंसाठी मोफत उन्हाळी क्रीडा प्रशिक्षण शिबिराचे आयोजन करण्यात आले आहे. सहकार महर्षि शंकरराव मोहिते पाटील इंजिनिअरिंग कॉलेज, शंकरनगर येथे आयोजित केलेल्या या प्रशिक्षण शिबिरामध्ये वेटलिफ्टिंग, हॉलीबॉल, ॲथलेटिक्स , कबड्डी या खेळांचे प्रशिक्षण देण्यात येणार आहे.
यासाठी मंडळाच्या वतीने या खेळातील तज्ञ क्रीडा प्रशिक्षकांची नियुक्ती करण्यात आली आहे. या शिबिराची सुरुवात मंडळाचे उपाध्यक्ष पोपट भोसले पाटील, सचिव बिभीषण जाधव, खजिनदार सुहास थोरात, सुपरवायझर फिरोज तांबोळी यांच्या उपस्थितीत झाली.
या शिबिरामध्ये अथलेटिक्स या खेळप्रकारासाठी ९३ मुले, ४१ मुली एकूण १३४, हॉलिबॉलसाठी २२ मुले, वेटलिफ्टिंगसाठी ४७ मुले, कबड्डीसाठी ११ मुले, ७ मुली एकूण १८ खेळाडूंनी सहभाग नोंदविला.
हे उन्हाळी क्रीडा शिबीर पाच दिवस सकाळी ७.०० ते १०.०० यावेळेत घेण्यात येणार असून यामध्ये यशवंत माने देशमुख, खंडाप्पा कोरे, अनिल मोहिते, बनसोडे ए. व्ही, माने देशमुख डी. बी, कोकाटे डी.ए, चव्हाण एस. व्ही, सय्यद डी. ए, शिंदे टी. वाय, साळुंखे ए. डी, राऊत एस डी, पाटील बी. बी, भिंगे यु. एम, लोंढे आर.एस, वाघमोडे एच. पी, पांढरे पी. एस, बनसोडे, बनजगोळकर एन.डी, पाटील एस.एस हे क्रीडा प्रशिक्षक प्रशिक्षण देणार आहेत. या शिबिरास खेळाडूंचा उत्स्फूर्त प्रतिसाद मिळाला असून २२१ खेळाडू व बहुसंख्य पालक उपस्थित होते.
