सहकार महर्षि अभियांत्रिकी महाविद्यालयामध्ये इंटरनेट ऑफ थिंग्स या विषयावर तीन दिवसीय कार्यशाळा संपन्न
सहकार महर्षि अभियांत्रिकी महाविद्यालयामध्ये इंटरनेट ऑफ थिंग्स या विषयावर तीन दिवसीय कार्यशाळा संपन्न
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64
🔰आकाश भाग्यवंत नायकुडे
अकलूज दिनांक 01/04/2024 :
येथील सहकार महर्षि शंकरराव मोहिते पाटील इन्स्टिट्यूट ऑफ टेक्नॉलॉजी अँड रिसर्च, शंकरनगर-अकलूज या अभियांत्रिकी महाविद्यालयामध्ये पदवी कॉम्प्युटर सायन्स अँड इंजिनिअरिंग विभागामार्फत, इंटरनेट ऑफ थिंग्स या विषयावर तीन दिवसीय कार्यशाळा संपन्न झाल्याची माहिती पदवी कम्प्युटर सायन्स अँड इंजिनिअरिंग विभागाचे विभाग प्रमुख प्रा. सचिन पांढरे यांनी दिली .
कार्यक्रमाचे प्रास्ताविक कु. तेजश्री कागदे व कु. पूजा मोरे यानी केले. या कार्यशाळेमध्ये विद्यार्थ्यांना मार्गदर्शन देण्यासाठी इन्फो ऑटोटेक इंडिया, बारामती या कंपनीमधील ऑटोमेशन इंजिनीयर शुभम दोशी व संदीप झगडे यांनी विद्यार्थ्यांना आरडीनो यूनो व रास्पबेरी पाय बोर्डचे इन्स्टॉलेशन, सेन्सर इंटरफेसिंग, कंपनीमधील ऑटोमेशन ऍप्लीकेशन्स याबद्दल सविस्तर माहिती प्रात्यक्षिकांद्वारे दिली. तसेच विद्यार्थ्यांकडून मिनी प्रोजेक्ट बनवून घेण्यात आले.
सदर प्रसंगी विद्यार्थ्यांना संबोधित करताना महाविद्यालयाचे प्राचार्य डॉ. प्रवीण ढवळे म्हणाले की, विद्यार्थ्यांच्या सर्वांगीण विकासासाठी महाविद्यालय विकास समिती अध्यक्षा स्वरूपाराणी जयसिंह मोहिते पाटील यांचे मार्गदर्शनाखाली अशा प्रकारचे वेबिनार, कार्यशाळा महाविद्यालयामध्ये वेळोवेळी आयोजित केले जातात यामधून विद्यार्थ्यांना त्यांच्या टेक्निकल कौशल्यामध्ये वाढ होऊन विद्यार्थ्यांना त्याचा फायदा जॉब मिळवण्यासाठी होत आहे.
सदर कार्यशाळा यशस्वीपणे पार पाडण्यासाठी कार्यक्रमाच्या समन्वयक म्हणून प्रा. प्रगती पाटील यांनी काम पाहिले.
