लेख…..✍️
धनगरां समोर एक सुवर्ण संधी❗
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64
🔰आकाश भाग्यवंत नायकुडे
अकलूज दिनांक 31/03/2024 :
लोकसभा निवडणुकीत नियतीने,
धनगरां समोर एक सुवर्ण संधी
ठेवली आहे. तिचा फायदा घ्या!
देशात लोकसभेच्या निवडणुका लागल्या आहेत. सर्वं राजकीय पक्ष झाडून कामाला लागले आहेत. त्यातील महत्वाचे पक्ष म्हणजे महायुतीतील आणि महाआघाडीतील घटक पक्ष फक्त कामाचे आहेत. ईतर बाकी सर्वं वेळ आणि पैशाची बरबादी आहे. उगाच त्यांच्या नादी लागून नुकसान करू घेऊ नका. असं असलं तरी समाजातील ईतर पक्षात काम करणाऱ्या लोकांना आपण थांबवू शकत नाही. तेंव्हा त्यांना जे करायचे ते करू द्या. आपण सामान्य धनगरांनी मात्र योग्य ठिकाणी मतदान करा.
महायुतीचा घटक पक्ष म्हणून रासप मधून महादेव जानकर परभणी लोकसभेतून उभे आहेत. त्यांना निवडून आणा म्हणजे 75 वर्षाचा खासदारकिचा दुष्काळ संपेल. खरं तर महायुतीतून महादेव जानकर दुर्लक्षित होते. पण शरद पवार यांनी जानकर यांना माढ्याचीं जागा देऊ केली आणि महायुतीत धावपळ सुरु झाली. तिन्ही पक्ष एकत्र आले त्यांनी राष्ट्रवादी काँग्रेस पक्ष अजितदादा गट, यांच्या कोट्यातील परभणीचीं जागा जानकर यांना बहाल केली. इथे नीट नियोजन केलं तर महादेव जानकर यांच्या रूपाने पहिला धनगर खासदार दिल्लीलां जाईल.
या मतदार संघात अनेक गोष्टी अशा आहेत कीं, ज्यामुळे महादेव जानकर यांचं पारड जड आहे.
1 देशात आणि राज्यात भाजपची हवा आहे. मोदीवर देशातील जनतेचा विश्वास आहे. त्यांना सध्या तरी पर्याय नाही. हे बघून विरोधी पक्षातील अनेक दिग्गज नेते भाजपकडे जातं आहेत. त्या भाजप महातीतून जानकर उभे आहेत. त्याचा मोठा फायदा जानकराना होईल.
2 या मतदार संघात धनगर obc मतदान मोठ्या संख्येनें आहे. ते जानकर यांना मिळेल.
3 देशभर महाआघाडी दुबळी आहे. त्यातील उबाठा सेना जवळ जवळ संपली आहे. जानकर यांच्या विरुद्ध उबाठा सेनेचा उमेदवार आहे. त्यामुळे त्याना हरवणे काही खूप मोठी गोष्ट नाही.
4 भाजपचीं घोषणा आहे. “अबकी बार 400 पार” त्यामुळे ते प्रत्येक सीट अटीतटीनें लढतील, त्याचा लाभ जानकराना नक्की होईल.
5 धनगराच्या पहिल्या फळीतील नेते, गोपीचंद पडळकर, राम शिंदे, महादेव जानकर, गणेश हाके हे सर्वं भाजप सोबत आहेत. त्यांनी परभणीत प्रचार केला तर त्याचा मोठा लाभ होऊ शकतो.
महादेव जानकर यांच्यासी अनेकांचे अनेक मतभेद असतील ते तूर्त बाजूला ठेवा. धनगर अस्मितेची प्रतिष्ठा पणालां लावा आणि पहिला धनगर लोकसभेत पाठवा. आपली काम होतील ना होतील त्याचा विचार करू नका. प्रचारात सारख धनगर, धनगर आरक्षण आरक्षणही करू नका. परभणीत फक्त महायुती आणि बाहेर ईतर असंही चित्र उभ करू नका. एकच लक्ष ठेवा. महादेव जानकर दिल्लीत.
समाज खूप मोठा आहे. ज्यांना शक्य आहे त्यांनी 3/3, 4/4 दिवस तरी परभणीत जाऊन प्रचार करा. तुमचे नातेवाईक, मित्रमंडळी, यांना महादेव जानकर यांना मतदान करा असं फोन वर सांगा. ही आलेली संधी हुकली तर मग धनगर निवडून देण कठीण आहे. लागा कामाला.
बापू हटकर
कार्याध्यक्ष
उत्तर महाराष्ट्र खान्देश विकास मंडळ
