🟣उदयनराजेंच्या स्वागत जल्लोषांत दादांचा बिब्बा 🟢आज होणार स्वागत अतिभव्य रॅली 🟠 दादांचं एकच वाक्य…. पण, 🔵24 तासांत उत्सुकता संपणार, ♦️ शरद पवारांचा साताऱ्याबाबत फैसला आज 🔸 मिटकरींचे राजेंना पुन्हा पुन्हा निमंत्रण 🔹 बॅनरवरचे शब्द का बदलले?

🟣उदयनराजेंच्या स्वागत जल्लोषांत दादांचा बिब्बा

🟢आज होणार स्वागत अतिभव्य रॅली

🟠 दादांचं एकच वाक्य…. पण,

🔵24 तासांत उत्सुकता संपणार,

♦️ शरद पवारांचा साताऱ्याबाबत फैसला आज

🔸 मिटकरींचे राजेंना पुन्हा पुन्हा निमंत्रण

🔹 बॅनरवरचे शब्द का बदलले?

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰 दीपक प्रभावळकर

सातारा  दिनांक 27/03/2024 :
साताऱ्याच्या लांबलेल्या उमेदवारीमुळे दोन्हीकडे कमालीची उत्सुकता ताणली आहे. नेहमीप्रमाणे उदयनराजेंनी यंदाही आपल्याच पक्षावर खेळलेल्या प्रेशर टॅक्टीजचा नक्की काय परिणाम झालाय हे कळण्याआधीच बुधवारी जिल्हय़ाच्या सीमवरून त्यांच्या स्वागताची मंगळवारी जंगी तयारी सुरू होती. उदयनराजेंना भाजपाचे तिकिट फायनल झाल्याचा संदेश वाऱ्यासारखा फिरल्याने गटात जल्लोष संचारला आहे. शेकडो गाडय़ांमधून राजेंची भव्य रॅली अंतिम टप्प्यात आली आहे. तितक्यात मुंबईत अजीत पवारांनी केवळ ‘एकच मोघम वाक्य’ बोलून त्या उत्सवात बिब्बा घातला. दरम्यान, महायुतीकडून येत्या 24 तासांत अंतिम यादी जाहीर होणार असल्याचे सांगण्यात आले आहे. शरद पवार यांनी साताऱ्याबाबत मुंबईत अंतिम बैठक बोलावली असून श्रीनिवास पाटील यांच्या नावाची केवळ औपचारिकता राहिली आहे.
सेना-राष्ट्रवादीत पडलेल्या उभ्या फुटीमुळे साऱ्या राज्यात तिकिटांचा घोळ सुरू आहे. त्या कायम वादग्रस्त राहिलेल्या सातारा मतदारसंघात यंदा वेगवेगळय़ा अटकळी लावल्या जात आहेत. केवळ पाच वर्षांत तिसऱ्यांदा हा मतदारसंघ निवडणूकीला सामोरा जात आहे. लोकसभेवर निवडून येऊनही उदयराजेंनी अवघ्या तीन महिन्यांत दिलेला राजीनामा जसा गाजला तसाच ‘राज्यसभेची मुदत शिल्लक असतानाही लोकसभेचा आग्रह’ हा विषय यंदा गाजतो आहे.
स्वयुतीतून प्रतिस्पर्धी निर्माण होण्याचा प्रकार त्यांना पहिल्यांदाच सतावत असताना उदयनराजेंनी पक्षावर दबाव निर्माण करण्यासाठी देवेंद्र फडणवीसांची भेट घेतली. नंतरही दिल्लीत जाऊन तळ ठोकला. पुन्हा दिल्लीत फडणवीसांची भेट घेतली असली तरी ती पक्ष कार्यालयात न घेता फडणवीसांसह चंद्रशेखर बावनकुळे व आशिष शेलारांना स्वतःच्या बंगल्यावर ओढून आणले.
गृहमंत्री अमीत शहांची भेट गुलदस्त्यात असली तरी तिकिट फायनल झाल्याचा संदेश दिल्लीतून साताऱ्यात पोहोचला आहे. त्यामुळेच उदयनराजेंच्या गटात जल्लोष निर्माण झाला असून त्यांच्या स्वागताची जंगी तयारी सुरू आहे. जिल्ह्य़ाच्या सीमेवरील निरा नदीपासून साताऱ्यातील जलमंदिरपर्यंत शेकडो गाडय़ांची अतीभव्य रॅली आयोजीत करण्यात आली असून साताऱ्यातील बॅनरपासून सोशल मिडियापर्यंत ‘तिकिट फायनल’चा टेंड चालवला आहे.
🟩एका वाक्याने अजितदादांनी घातला बिब्बा

इकडे साताऱ्यात बऱ्याच दिवसांनी उदयनराजे गटात जल्लोष संचारला होता त्याच वेळी घडय़ाळाच्या अजित पवारांनी केवळ एका वाक्याने जल्लोषात बिब्बा घालण्याचे काम केले. मुंबईत पत्रकारांना ‘अरे बाबांनो 28 ला अधिकृत घोषणा होणार आहे, जरा दम धरा दम’ असे ते म्हणाले. त्यावर ‘साताऱ्यात उदयराजेंना दम निघाला नाही ना, ते उद्याच रॅली काढणार आहेत’ असे पत्रकारांनी विचारल्यावर ‘त्यांना भाजपाचे वरिष्ठ नेते समजावून सांगतील’ असे सांगून अजित पवारांनी पत्रकार परिषद संपवली. त्यांच्या या वाक्याचा नक्की काय अर्थ घ्यायचा? भाजपाचे नेते नक्की काय समजावून सांगणार? याबाबत तर्कविर्तकांना उधाण येणे स्वाभाविक आहे.
🟡मिटकरींकडून पुन्हा निमंत्रण – पुन्हा शंकाकुशंका

मंत्री गिरिष महाजनांनी उदयनराजेंना घडय़ाळाची ऑफर दिल्याची बातमी ताजी असताना मंगळवारी आमदार अमोल मिटकरी यांनी ‘उदयनराजेंनी आमच्या पक्षाकडून लढावे’ अशी पुन्हा एकदा माध्यमांसमोर टिपण्णी केल्याने पुन्हा शंकाकुशंका सुरू झाल्या आहेत.
🔸बिब्बा घातला तरी जंगी रॅली तर निघणारच
अजित पवारांचे सुचक विधानाची जिल्हय़ात चर्चा सुरू असली तरी उदयनराजे गटाने आख्खा दिवस तयारीत घालवला आहे.
दादा काय म्हणाले याचे आम्हाला काही नाही. महाराजांच्या स्वागताला साऱ्या मतदारसंघातून लाखोंचा जनसमुदाय गोळा होणार आहे. हजारो गाडय़ांचे नियोजन पूर्ण झाले असून महाराज आम्हाला राजकारणाच्या पुढे आहेत, असे त्यांचे निकटवर्तीय सुनिल काटकर व पंकज चव्हाण यांनी सांगितले.
♦️निवडणूक कार्यालयात लगबग वाढली

दिल्लीवरून संदेश आल्यापासून उदयनराजे भोसले यांच्या निवडणूक कार्यालयात लगबग वाढलीय. मंगळवारी मतदारांच्या याद्यांचे गठ्ठे दाखल झाले असून पदाधिकाऱ्यांकडे जबाबदाऱ्या सोपवण्यात आल्या आहेत.
🔴साताऱ्याबाबत पवारांची आज अंतिम बैठक

श्रीनिवास पाटीलांच्या नावाची औपचारिकता
महायुतीकडून कोण? यासाठी शरद पवार वाट पहात असल्याचा कयास लावला जात असला तरी सध्या ते साताऱ्यात धक्कातंत्र अवलंबतील अशी शक्यता नाही. बुधवारी साताऱ्याबाबत मुंबईत अंतिम बैठक होत असून श्रीनिवास पाटील यांच्या नावावर शिक्कामोर्तब होईल, अशी वंदता आहे. दरम्यान, महाआघाडीकडून ठाकरे गट किंवा काँग्रेस यांच्यामध्ये कोणताही संदेह  नाही. साताऱयाची जागा शरद पवार गटाची आहे व ते देतील तोच उमेदवार निवडून आणण्यासाठी ते एकसंघ झालेले आहेत. मुंबईतल्या या बैठकीसाठी कोणकोण जाणार हे अद्याप स्पष्ट झालेले नाहीत.
मंगळवारच्या वेगवान घडामोडी, बुधवारची रॅली व गुरूवारची घोषणा त्यामुळे साऱ्या निवडणूकीत हे तीन दिवस खूप महत्वाचे ठरणार आहेत.

( महत्वाची चौकट )
🟢‘भाजपाचे अधिकृत उमेवार’ हे शब्द गायब

खासदार उदयनराजे भोसले यांच्या स्वागताची जंगी रॅलीची तयारी सोमवारपासून सुरू होती. काही बॅनर व त्या बॅनरच्या इमेजेस सोशल मिडियावर व्हायरल झाल्या होत्या. सोमवारी व्हायरल झालेल्या बॅनरला मंगळवारी बदलण्यात आले असून मंगळवारी व्हायरल झालेल्या बॅनरमधून “भाजपाचे अधिकृत उमेदवार” हे तीन शब्द काढून टाकण्यात आल्याने संभ्रमात आणखीनच भर पडली आहे. नंतरच्या बॅनरमध्ये छत्रपती शिवाजी महाराज व प्रतापसिंह महाराज यांचे फोटो वाढवण्यात आले आहेत. दोन्ही बॅनरवर कमळाचे चिन्ह वापरण्यात आले असले तरी “भाजपाचे अधिकृत उमेदवार” हे शब्द जाऊन केवळ “आरंभ है प्रचंड” इतके नमुद आहे.
🟠उदयनराजे व अजितदादांच्या हाडवैराच्या पुन्हा गप्पा रंगल्या

सातारा जिल्हय़ाच्या राजकारणात कित्येक पिढय़ांपासून राजकीय वैर असलेली कितीतरी घराणी आहेत. एकाच मतदारसंघात असलेल्या या घराण्यांचे घमासान हा स्वतंत्र विषय आहे. मात्र खासदार उदयनराजे व अजित पवारांमधील हाडवैर हे सर्वश्रृत आहे. दादांचा सातारा जिल्हय़ातील वर्चस्ववाद व नेतृत्व उदयनराजे यांनी कधीच मान्य केले नाही. विशेषतः जिल्हा परिषद व जिल्हा बँक यावरून दोघांमध्ये टोकाचे वाद झालेले आहेत. उदयनराजे राष्ट्रवादीतून लढताना अजित पवारांनी त्यांच्या प्रचाराच्या सभा घेतल्या आहेत पण त्या प्राईम लोकेशनला न घेता उगा खंडाळय़ासारख्या ठिकाणी. शिवाय त्यातली औपचारिकता स्पष्टतेने जाणवून आली होती. त्याच हाडवैराच्या गप्पा नव्याने चर्विल्या जाऊ लागल्या आहेत.
🔵खासदारकीच्या निवडणूकीत आमदारांची तोंडे बंद का?

साताऱ्यातील आणखी एक खासियत म्हणजे खासदारकीची निवडणूक लागली एकूण एक आमदारांची तोंडे बंद असतात. ‘पक्ष देईल तो उमेदवार मान्य आहे. महायुती-महाआघाडीचा धर्म नक्की पाळणार’ अशी त्यांची साचेबद्ध वाक्ये ठरलेली असतात. गंमत म्हणजे दोन्हीकडून असेच आहे. उदयनराजेंच्या तिकिटासाठी शिवेंद्रसिंहराजे, मकरंद पाटील, शंभूराजे, महेश शिंदे हे आमदार तडफेने दिसले नाहीत की श्रीनिवास पाटील यांच्यासाठी बाळासाहेब पाटील किंवा पृथ्वीराज चव्हाण हे फार आग्रही वाटले नाहीत. एकुणच खासदारकीची निवडणूक कोणता आमदार अंगाला जास्त लावून घेत नाहीत. आमदारकीच्या वेळीसुद्धा फार काही वेगळे चित्र नसते.