संत निरंकारी मिशनच्या वतीने
अकलूज येथे जल स्वच्छ अभियान
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.
अकलूज दिनांक 28/02/2024 :
संत निरंकारी मिशन च्या वतीने सद्गुरु माता सुदिक्षाजी महाराज यांच्या संकल्पनेतून स्वातंत्र्याच्या अमृत महोत्सवी अमृत जल अभियानांतर्गत संत निरंकारी मंडळ शाखा अकलूज यांच्या वतीने शिवसृष्टी किल्ला परिसरातील नदीपत्रात स्वच्छता करण्यात आली. सद्गुरु बाबा हरदेव सिंगजी महाराज यांच्या जन्मदिनाच्या निमित्ताने निरंकारी मिशनच्या माध्यमातून देशभर अमृत जल अभियानांतर्गत सार्वजनिक पानवठ्याच्या ठिकाणी स्वच्छता अभियान राबवण्यात आलेे..दिनांक 25/02/ 2024 या दिवशी एकाच वेळी सर्वत्र अभियान राबवण्यात आले.
पानवठ्याच्या परिसरातील स्वच्छता करून पाणी स्वच्छ ठेवण्याचा प्रयत्न व पाणी व त्याचे परिसर स्वच्छ ठेवण्यासाठी नागरिकांमध्ये जनजागृती करणे या उद्देशाने “स्वच्छ जल स्वच्छ मन” हा नारा देत अमृत जल अभियान राबवण्यात आले. अकलूज येथील शिवसृष्टी किल्ला परिसरातील निरा नदीच्या पात्रात गवत,प्लास्टिक, झुडपे, इत्यादी कचरा उचलून स्वच्छता करण्यात आली. यावेळी अकलूज व पिलीव शाखेतील बहुसंख्य निरंकारी अनुयायी व सेवादल यांनी सहभाग घेतला होता.
