उद्यापासून मुख्याधिकारी अकलूज नगरपरिषद यांचे विरोधात जाहीर उपोषण.
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.
अकलूज दिनांक 25/02/2024 :
येथील सिटी सर्वे नंबर 987/61 मधील (तत्कालीन दि बॅकवर्ड क्लास को-ऑपरेटिव्ह हाउसिंग सोसायटी अकलूज ) रस्त्यावरील व खुल्या जागेतील अनधिकृत अतिक्रमण संदर्भात जाणीवपूर्वक केलेल्या चाल ढकलीच्या विरोधात 26 फेब्रुवारीपासून जाहीर उपोषणास प्रारंभ होत आहे. यासंदर्भात मा.जिल्हाधिकारी सो सोलापूर यांना दिनांक 8/2/2024 रोजी समक्ष भेट घेऊन दिलेल्या निवेदनानुसार दिनांक 26 /2 /2024 पासून उपोषणास प्रारंभ होत आहे.
मा. जिल्हाधिकारी सोलापूर व मा.तहसीलदार माळशिरस यांचे आदेशान्वये या जागेवरती महाराष्ट्र शासनाची नोंद झालेली आहे. त्यानुसार अंतर्गत रस्ते व खुल्या जागेतील अनधिकृत अतिक्रमण काढणे. तत्कालीन दि बॅकवर्ड हाऊसिंग क्लास को-ऑपरेटिव हाऊसिंग सोसायटी चे ले-आउट नकाशा प्रमाणे रस्ते व गटारी करून देणे. अंतर्गत रस्त्यातील अनधिकृत जागेतील अतिक्रमित लोकांचे पुनर्वसन करणे. सर्व सभासद व बिगर सभासद यांना रमाई घरकुल तसेच प्रधानमंत्री आवास योजनेअंतर्गत लाभ देणे
(थोडक्यात सध्या येथे वास्तव्यास असणाऱ्या रहिवाशांना कोणत्याही शासकीय योजने अंतर्गत घरकुल बांधून देण्यात यावीत ) इत्यादी मागण्यासाठी हे उपोषण करण्यात येत आहे.
यानुसार प्रत्यक्ष कारवाई सुरू करून येथील नागरिकांना न्याय व त्यांचा हक्क मिळवून द्यावा आणि दलितांचा वर्षांनुवर्षै गुदमरलेला श्वास रिकामा करावा आणि नागरी सुख सोयी सुविधांपासून वंचित असलेल्या दलित बांधवांना नागरी सुख सोयी सुविधा तातडीने उपलब्ध करून देऊन त्यांना न्याय मिळवून द्यावा. अशी मागणी करणारे निवेदन येथील सामाजिक कार्यकर्ते विलासनंद विठ्ठल गायकवाड( कार्यकारी संपादक पाक्षिक वृत्त एकसत्ता) अकलूज, पत्रकार व सामाजिक कार्यकर्ते आदिनाथ मोहन जाधव अकलूज, समाजसेवक भाग्यवंत लक्ष्मणराव नायकुडे (महाराष्ट्र प्रदेश संपर्क व प्रदेश प्रसिद्धीप्रमुख, नॅशनल युनियन बॅकवर्ड एससी एसटी अँड मायनॉरिटी अर्थात पिछडा आयोग दिल्ली) संग्रामनगर अकलूज यांनी दिलेले आहे.
मौजे अकलूज येथील अनधिकृत अतिक्रमण संदर्भात मा. जिल्हाधिकारी सो सोलापूर यांना समाजसेवक भाग्यवंत लक्ष्मणराव नायकुडे (महाराष्ट्र प्रदेश संपर्क व प्रदेश प्रसिद्धी प्रमुख, नॅशनल युनियन बॅकवर्ड एससी एसटी अँड मायनॉरिटी अर्थात पिछडा आयोग दिल्ली), सामाजिक कार्यकर्ते विलासनंद विठ्ठल गायकवाड (कार्यकारी संपादक पाक्षिक वृत्त एकसत्ता ), सामाजिक कार्यकर्ते व पत्रकार आदिनाथ मोहन जाधव अकलूज यांनी निवेदन दिले आहे.
