🟣सर्व पत्रकार बांधवांना विनम्र आवाहन….आणि…एक प्रश्न…

Chief Editor25/02/2024Last Updated: 25/02/2024

254 2 minutes read

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.

अकलूज दिनांक 25/02/2024 :
पत्रकारांनो… जाहीर सभा आणि कार्यकर्ता मेळाव्यात पाण्याच्या बाटलीसाठी कार्यकर्त्यांसमोर टाहो फोडावा लागत असेल तर… विचार करा… पत्रकारांना स्वत:ची फेस व्हल्यु नाही का…?
सध्या सर्वत्र निवडणुकांचे वारे आहे… आजचा नेता उद्या कोणत्या पक्षाचा झेंडा घेऊन समोर येईल याचा भरवसा नाही…. सध्याचे राजकारण अस्थिर आहे आणि नेते आणि राजकीय पक्ष देखील अस्थिरच आहेत… केवळ आपण प्रसारमाध्यमांत काम करणारेच… आपआपल्या वृत्तसंस्थात स्थिर आहोत… प्रामाणिक आणि निष्ठावान आहोत…. पण आपल्या या प्रामाणिक निष्ठेचे फळ काय…. तर राजकीय पक्षांच्या जाहीर सभा आणि संवाद मेळाव्यांत आपणा पत्रकारांना घोटभर पाण्याच्या बाटलीसाठी तथाकथीत कट्टर समर्थक कम नेत्यांच्या निष्ठावांपुढे टाहो फोडावा लागतो…. दहा वेळा पाणी… पाणी… पाणी… केल्यावर एक दोन बाटली पाणी येते… आणि घोटभर पाण्याने कोरडा पडलेला घसा ओला करून तहान भागल्याचे समाधान मिळते…. दुसरी गोष्ट पत्रकारांची बैठक व्यवस्था देखील अतिशय निकृष्ठपणे केलेली असते… नेते मंडळी व्यासपीठावर आल्यावर मोबाईलधारी पीआरओ कम कार्यकर्ते पत्रकारांसमोर झुंडशाहीने उभा राहतात… त्या ठिकाणी देखील पत्रकारांना गर्दी करणा-या मोबाईलधारकांना बाजुला व्हा म्हणुन विनवणी करावी लागते… सभेतील नेत्यांचे भाषण आणि इतर समारोहापासुन पत्रकारांना लांब ठेवले जाते…. (कदाचित स्टेजवर काय चालले आहे हे पत्रकारांना कँमेरात टिपता येऊ नये, स्टेजवरील राजकीय घडामोडी समजु नयेत… पत्रकारांनी आखो देखा समाचाराची चौकट करू नये याचसाठी संबंधीत आयोजकांकडून तशा पध्दतीची रचना करणे शक्य आहे…??? )
महत्वाची आणि लक्षणीय गोष्ट पत्रकारांची बैठक व्यवस्था करताना मोठ मोठे स्पिकर सेट च्या पत्रकारांच्या कानाजवळ येतील अशी आडमुठी व्यवस्था केली जाते. अशा कर्णकर्कश्श वातावरणात पत्रकारांची मानसिकता कशी असेल याचा विचार संयोजकांनी केलेला दिसुन येत नाही… या एवढ्या वाईट परिस्थितीत आम्हा पत्रकारांना वार्तांकनाचे काम करावे लागते… तरीही आम्ही पत्रकार… संयम बाळगून कर्तव्य बजावत असतो…
वृत्तपत्र मिडीयातील पत्रकारांनो… राजकीय पक्षांच्या जाहीर सभा आणि मेळाव्यांसाठी… तुमच्या कामाचे / वार्तांकनासाठी काहीतरी मुल्य ठरवा…— सध्याच्या तोडा फोडा राज्य करा…च्या परिस्थितीत गावचा सरपंच देखील एखाद्या राजकीय पक्षात प्रवेश करताना स्वत:चे पँकेज ठरवून घेतो, जिल्हा आणि तालुका पातळीवरील नेते पुढारी यांना देखील राजकीय पक्षांत प्रवेश करुन पक्ष बांधणीसाठी लाखो रूपयांचे पँकेज दिले जाते एवढेच न्हवे तर…. राजकीय सभा आणि मेळाव्यांना कार्यकर्त्यांना आणण्यासाठी व परत गावात नेऊन सोडण्यासाठी… चारचाकी वाहनांची सोय केली जाते…. बाकी व्यवहार कसा असतो याबाबत आपण सुज्ञ आहातच… परंतु राजकीय पक्षाच्या सभा आणि मेळाव्यांसाठी…. आपण एका मेसेज अथवा फोन कॉल वर पदरमोड करून स्वत:च्या दुचाकीत स्वत:च्या खिशातील पैशांचे पेट्रोल टाकून… सदैव तत्पर वार्तांकन करतो…. वार्तांकन करणे आपले काम आणि कर्तव्यच आहे यात शंका नाही… पण… आपण जो वेळ आणि अख्खा दिवस खर्च करून सभा आणि मेळाव्यात पत्रकारीता करतो याचे भान ठेवा…..
टिव्ही न्युज चँनेल / इलेक्ट्रॉनिक मिडीयाचे पत्रकार… सांगली — कोल्हापूर वरुन येतात… त्यांचे पाकीट (मानधन — प्रवासभत्ता इ….) ठरलेले असते… मग आपण स्थानिक पत्रकार मोफत फुकट आणि सहज उपलब्ध होतो म्हणुन आपले बजेट आपली किंमत शुन्य असते…. यामुळे यापुढील लोकसभा आणि विधानसभा तसेच स्थानिक स्वराज्य संस्थांच्या निवडणुक निमित्ताने होणारे सभा – मेळावे — जनसंवाद जनसंपर्क दौरे — प्रचारसभा आणि पत्रकार सभांसाठी आपणा सर्व प्रिंट मिडीयातील पत्रकारांना किमान 2 हजार (दोन हजार रूपयांचे) मानधन संबंधीत राजकीय असो किंवा सामाजिक संघटनांच्या नेते व पुढारी मंडळींना देण्याबाबत आग्रह करण्यात यावा… कारण… शेतात भांगलण व शेतमजुरीसाठी जाणा-या स्त्रिया देखील सकाळी दहा ते सायं. पाच या सात आठ तासासाठी 300/400/500 (कामाच्या स्वरूप व जबाबदारी नुसार ) रोजंदारी घेतात…. आपण पत्रकार तर बुध्दीवादी आहोत…. राजकीय नेते आणि पुढा-यांना जर त्यांच्या फेस व्हँल्युची किंमत मिळत असेल तर… आपण पत्रकारांना स्वत:ची फेस व्हँल्यु नाही का…?
माझा हा लेख प्रपंच.. प्रामाणिक निष्ठावान निर्भिड परखड वृत्तीच्या स्वाभीमानी पत्रकारांसाठीच आहे…. बाकी नेत्यांचे हुजरेगिरी करणा-यांसाठी नाही… त्यामुळ माझे विचार सर्वानाच पचले वपटलेच पाहिजेत असा माझा आग्रह नाही…. पण आपल्या हुजरेगिरीमुळ आपल्या सहकारी पत्रकारांना फटका बसु नये याची मात्र त्यांनी काळजी घ्यावी…