माय रमाई फाउंडेशन ट्रस्ट च्या वतीने माता रमाई यांची 126 वी जयंती साजरी
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.
अकलूज दिनांक 7/02/2024 :
माय रमाई फाउंडेशन ट्रस्ट यांच्या वतीने माता रमाई यांची 126 वी जयंती भव्यतेने साजरी करण्यात आली. कामशेत,जि.पुणे येथील ट्रस्टच्या मुख्य कार्यालयात आयोजित केलेल्या जयंती समारंभ सोहळ्याचे उद्घाटन संस्थापक अध्यक्ष डॉक्टर अमर चौरे यांच्या हस्ते प्रतिमा पूजन आणि दीपप्रज्वलनाने झाले. कार्यक्रमाचे अध्यक्षस्थानी पुणे जिल्हा अध्यक्ष सौ.मंगल अमर चौरे या होत्या.
माता रमाई व विश्वरत्न डॉ बाबासाहेब आंबेडकर यांच्या प्रतिकात्मक वेशभूषा धारकांच्या हस्ते केक कापून माय रमाई यांची जयंती साजरी करण्यात आली.तसेच या दिनाचे औचित्य साधून 150 महिलांचे औक्षण करून हळदी कुंकू चा कार्यक्रम घेण्यात आला.
ट्रस्ट च्या महाराष्ट्र प्रदेश अध्यक्षा सुमन शिंदे जैसवाल यांचे भाषणानंतर प्रबोधनकार सागर वाघमारे यांचे माता रमाई यांच्या जीवनावर आधारित व्याख्यान झाले.
सौ.मंगल अमर चौरे यांनी आपल्या अध्यक्षीय मनोगतामध्ये माता रमाई यांच्या असीम त्यागाचे दाखले देत उपस्थित महिलांना जीवनामध्ये यशस्वी होण्याचे आवाहन केले.
कार्यक्रमाचे प्रास्ताविक सुनीता बेंगले भालेराव यांनी केले.
यावेळी माय रमाई फाउंडेशन ट्रस्टचे चे संस्थापक अध्यक्ष डॉ अमर चौरे, महाराष्ट्र प्रदेश अध्यक्ष सुमन जयस्वाल शिंदे, जिल्हा अध्यक्ष मंगल अमर चौरे, माजी सरपंच सारिका शिंदे, आदर्श शिक्षिका रंजना नेटके,
मीनाक्षी वाळूंज शिंदे, अक्षय कांबळे युवक अध्यक्ष, अंजली सरोदे अध्यक्ष पुणे जिल्हा युवती, सोनाली सरतापे पुणे जिल्हा कार्याध्यक्ष बाळासाहेब भालेराव अध्यक्ष पुणे जिल्हा तसेच पत्रकार शिवानंद कांबळे,प्रफुल्ल ओव्हाळ,सुभाष भोते,सागर शिंदे,सचिन मोरे मंगल रुपटक्के संदीप कदम रंजना चोपडे युवती अध्यक्ष मावळ सुनीता चव्हाण अध्यक्ष कामशेत राजेश्री बाळासाहेब भालेराव कार्याध्यक्षा मावळ तालुका साधना जगताप कार्याध्यक्षा पिंपरी चिंचवड इत्यादी उपस्थित होते.
कार्यक्रमाचे सूत्रसंचालन राजु शिंदे कार्याध्यक्ष यांनी केले तर आभार माता रमाई जयंती महोत्सव अध्यक्ष सविता चौरे अध्यक्ष मावळ यांनी मानले.
