🟪आयत्या बिळात नागोबा 🐍 🟦पालखी मार्गाचे खरे जनक कोण…?

🟪आयत्या बिळात नागोबा 🐍

🟦पालखी मार्गाचे खरे जनक कोण…?♦

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.

अकलूज दिनांक 06/02/2024 :
माढ्याचे विद्यमान खासदार रणजित निंबाळकर आयत्या पिठावर रेघोट्या मारण्यास देशात टाॅप टेन मध्ये असतील खासदार निंबाळकर मोहिते-पाटील पाटलांनी केलेल्या कामांना मी केले असे मतदारसंघात सांगत सुटले आहेत.त्यांनी स्वतःचे प्रगती पुस्तक छापले त्यात देखील जनतेला खोटे बोलले आहेत. पंतप्रधान नरेंद्र मोदींना देखील आपली प्रगती (अधोगती) पुस्तिका देऊन मोदींना देखील विकास कामांबाबत खोटे कथन केलेले आहे.
खासदारांच्या याच प्रगती पुस्तकातील कथीत विकास कामे जनतेसमोर मांडून त्यांचा कर्मप्रताप उजेडात आणार आहे..
खा.निंबाळकर पालखी मार्ग मीच केला म्हणून उर बडवून घेत आहे व आयत्या रस्त्यावर चकाट्या मारत आहे. तो पालखी मार्ग कसा तयार झाला वाचा..
सन १९८८ मध्ये तत्कालीन सार्वजनिक बांधकाम मंत्री विजयसिंह मोहिते-पाटील होते. स्व.वसंतदादा पाटील यांचा आळंदी येथे कार्यक्रम होता. यावेळेस वारकरी सांप्रदायाकडून व जनतेकडून श्री क्षेत्र आळंदी ते श्री क्षेत्र पंढरपूर व श्री क्षेत्र देहूगांव ते श्री क्षेत्र पंढरपूर या पालखी मार्गाचे दुहेरीकरण करण्याची मागणी करण्यात आली होती. त्यावेळी आदरणीय विजयसिंह मोहिते-पाटील यांनी सदर पालखी मार्गाचे दुहेरीकरणाचे काम हाती घेऊन पूर्ण केले होते. नंतरच्या कालावधीमध्येही वारकरी सांप्रदयाने व जनतेकडून सदर पालखी मार्गाची तीनपदरीची व चौपदरी रस्त्याची मागणी करण्यात आली. या मागणीस अनुसरुन मा.विजयसिंह मोहिते-पाटील यांच्या कार्यकाळात कांही भागामध्ये तीनपदरी व चौपदरी रस्त्याचे काम झाले.
मा.विजयदादा यांनी विधान परिषद सदस्य असताना दिनांक १७ एप्रिल, २०१३ रोजी लक्षवेधी सूचनेद्वारे पालखी मार्गाचा प्रश्न उपस्थित केला होता. विजयदादा माढा लोकसभेवर खासदार म्हणून निवडून गेल्यानंतर सदर पालखी मार्गाचे संपूर्ण चौपदारीकरण करण्याबाबत केंद्रीय रस्ते वाहतूक व ग्रामविकास मंत्री
नाम. नितीन गडकरी यांच्याकडे दिनांक २२/०७/२०१४ रोजी निवेदनाद्वारे मागणी करण्यात आली, ती त्यांनी मान्य करुन पालखी मार्गाचे चौपदारीकरण करण्याबाबत मा.गडकरी यांनी विजयदादांना आश्वासन दिलेले होते. त्यासप अनुसरुन दिनांक १६/०८/२०१४ रोजी सोलापूर येथे झालेल्या कार्यक्रमात नाम. नितीन गडकरी यांनी श्री संत ज्ञानेश्वर महाराज व श्री संत तुकाराम महाराज पालखी मार्गाचे काम दोन वर्षात पूर्ण करणार असल्याचे जाहीर केले व त्यानंतर पालखी मार्गाच्या कामाला गती मिळाली होती .तसेच देवेंद्र फडणवीस हे राज्याचे मुख्यमंत्री असताना १७/११/२०१४ रोजी विजयसिंह मोहिते-पाटील यांनी त्यांना पत्र लिहून तरी सदर पालखी महामार्गाचे काम मार्गी लावणेबाबत महाराष्ट्र शासनामार्फत केंद्र सरकारकडे शिफारस करुन प्रस्ताव पाठवण्याची विनंती केली होती.
समस्थ वारकरी सांप्रदयांच्यावतीने संपूर्ण पालखी मार्गाचे चौपदरीकरण करण्याबाबत केलेली मागणी तसेंच माजी उपमुख्यमंत्री विजयसिंह मोहिते-पाटील यांनी राज्य व केंद्र शासनाकडे वेळोवेळी केलेल्या पाठपुराव्यामुळे यश येऊन आज आपणास दिसत असलेला हा पालखी मार्ग सर्व संत महंताचे आशिर्वाद व वारकरी बांधवाच्या सदइच्छेने देशाचे पंतप्रधान नरेंद्र मोदी, नितीन गडकरी, देवेंद्र फडणवीस यांच्या सहकार्यातून तयार झालेला आहे.