🟡धनगर समाजासाठी स्वतंत्र महामंडळ स्थापन करावे – संजय वाघमोडे             🟣बुवाचे वठार येथे यशवंत क्रांती चा शाखा शुभारंभ दणक्यात..

🟡धनगर समाजासाठी स्वतंत्र महामंडळ स्थापन करावे – संजय वाघमोडे

🟣बुवाचे वठार येथे यशवंत क्रांती चा शाखा शुभारंभ दणक्यात..

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.

अकलूज दिनांक 28/01/2024 :
धनगर समाजाचा विकास व आर्थिक प्रगती करायची असेल तर धनगर समाजासाठी स्वतंत्र महामंडळाची स्थापना राज्य सरकारने करावी. राज्य सरकारने राज्यातील अनेक जाती- जमातीच्या विकासासाठी स्वतंत्र महामंडळ सुरू केलेली आहेत. अल्पसंख्याकासाठी सुद्धा अल्पसंख्यांक महामंडळ सुरू करून त्या त्या जातीमधील तरुणांना शैक्षणिक व उद्योग व्यवसाय करण्यासाठी बिनव्याजी कर्ज उपलब्ध करून दिले जात आहे. परंतु मराठा समाजा खालोखाल लोकसंख्या असणाऱ्या धनगर समाजाच्या आर्थिक प्रगतीसाठी आजपर्यंत अशा महामंडळाची स्थापना केली नाही. सरकारने धनगर समाजाच्या आर्थिक विकासासाठी आर्थिक विकास महामंडळ स्थापन करून महामंडळाच्या माध्यमातून मेंढपाळ व तरुणांना शैक्षणिक व उद्योग व्यवसायासाठी 25 लाखापर्यंत बिनव्याजी कर्ज उपलब्ध करून द्यावे. अशी मागणी यशवंत क्रांती संघटनेचे संस्थापक अध्यक्ष संजय वाघमोडे यांनी केली. बुवाचे वठार ता. हातकणंगले येथे बिरदेव मंदिर प्रांगणात यशवंत क्रांती संघटनेच्या नूतन शाखेचे उद्घाटन करताना ते बोलत होते.
यावेळी कोल्हापूर जिल्हा सरचिटणीस राम कोळेकर, शिरोळ तालुका अध्यक्ष दादासो गावडे, हातकणंगले तालुका अध्यक्ष यशवंत वाकसे, भरत नाईक, मदन अनुसे, बिरू अनुसे, नानासो अनुसे, यशवंत अनुसे, यांनी ही मनोगत व्यक्त केले.
ते पुढे म्हणाले की धनगर समाजाची लोकसंख्या मराठा समाजाच्या खालोखाल आहे. समाज संघटित नसल्यामुळे समाजाची सरकार दरबारी उपेक्षा अजूनही सुरू आहे. त्यामुळे भटका समाज अजूनही मागासलेला आहे.या समाजाचे मागासले पण दूर करण्यासाठी समाजासाठी स्वतंत्र आर्थिक महामंडळ स्थापन करावे काळानुसार समाजाने बदलले पाहिजे. बंदिस्त शेळी मेंढी पालन बरोबर इतर घटकांचे मार्केटिंग करण्यास प्राधान्य दिले पाहिजे.पुण्यश्लोक अहिल्यादेवी महाराष्ट्र शेळी मेंढी पालन विकास महामंडळ बंद पाडून राज्य सहकारी संघाची स्थापन करू नये. अन्यथा या महामंडळाच्या जमिनीवर धनदांडग्यांचा डोळा आहे. महामंडळ बंद पाडून राज्य सहकारी संघ स्थापन केला तर यामधून धनगर समाज हद्दपार झाल्याशिवाय राहणार नाही. समाजाने संघटित झाल्याशिवाय आपल्या न्याय मागण्या मान्य होणार नाही असे सांगून समाजाला जागृत होण्याचे आवाहन केले.
🔹बुवाचे वठार शाखेची कार्यकारणी जाहीर करण्यात आली.अध्यक्ष नानासो अनुसे, उपाध्यक्ष बिरू अनुसे, संपर्कप्रमुख नितीन अनुसे, सेक्रेटरी विजय अनुसे, संघटक बिरु भिमराव अनुसे,संकेत अनुसे,सदस्य उमेश अनुसे, लगमान अनुसे, पंकज अनुसे, बाळासो अनुसे, आनंदा अनुसे आदी. निवडीनंतर नूतन पदाधिकाऱ्यांना नियुक्तीपत्रे देण्यात आली.
यावेळी जिल्हा उपाध्यक्ष अमोल मेटकर, प्रसिध्दीप्रमुख आप्पाजी मेटकर, संपर्कप्रमुख सुनील शेळके, जिल्हासंघटक पिंटू गावडे,अरुण फोंडे, सचिन लांडगे,करवीर तालुका अध्यक्ष बाळासो कोळेकर, पन्हाळा तालुका अध्यक्ष अतुल धनगर,गजानन आरगे, सावर्डे अध्यक्ष तानाजी सिसाळ,नरंदे अध्यक्ष अनुसे, रामचंद्र अनुसे, विठल अनुसे, भिकाजी अनुसे, राजाराम अनुसे नरंदे शाखा अध्यक्ष किसन अनुसे महादेव अनुसे दत्ता माने तानाजी अनुसे तुंग बापू भानुसे सोनू भानुसे पिंटू कामीरे तुंग, कारंदवाडी, खोची, कुंभोज, हेर्ले, दुधगाव, बागणी, आष्टा, नागाव, ऐतवडे,आधी शाखेचे पदाधिकारी,मेंढपाळ,मोठ्या संख्येने उपस्थित होते.