सहकार महर्षि कारखान्याच्या ५ लाख २५ हजार ५२५ व्या साखर पोत्याचे पूजन संपन्न
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.
अकलूज दिनांक 15/01/2024 : सोलापूर जिल्ह्याच्या माळशिरस तालुक्यातील शंकरनगर अकलूज येथील सहकार महर्षि शंकरराव मोहिते-पाटील सहकारी साखर कारखान्याच्या सन २०२३-२०२४ च्या गळीत हंगामामध्ये उत्पादित झालेल्या ५लाख २५हजार ५२५ व्या साखर पोत्याचे पूजन कारखान्याच्या संचालिका कु.स्वरूपाराणी जयसिंह मोहिते-पाटील यांचे शुभहस्ते संपन्न झाले.
कारखान्याचे मार्गदर्शक संचालक व महाराष्ट्र राज्याचे माजी उपमुख्यमंत्री विजयसिंह शंकरराव मोहिते-पाटील यांचे कुशल मार्गदर्शनाखाली व चेअरमन जयसिंह शंकरराव मोहिते-पाटील यांचे नेतृत्वाखाली कारखाना प्रगतीपथावर वाटचाल करीत आहे.
कारखान्याचा सिझन २०२३-२०२४ चा ऊस गळीत हंगाम दिनांक ०१/११/२०२३ रोजी सुरु झाला असून दि. १४/०१/२०२४ अखेर ५ लाख ९३ हजार ३०९ मे.टन ऊसाचे गाळप होऊन ५ लाख ३२ हजार ७०० क्विंटल साखर पोत्याचे उत्पादन झालेले असून साखर उतारा आजचा ११.४३ % तसेच सरासरी बी-हेवी सह १०.६१% आहे. सध्या प्रति दिवस ८,००० मे.टन याप्रमाणे ऊसाचे गाळप होत आहे.
चालू सिझन २०२३-२०२४ मध्ये को-जन वीज निर्मिती प्रकल्प दिनांक २८/१०/२०२३ रोजी सुरु झाला असून दि. १४/०१/२०२४ अखेर त्यामध्ये वीज ४ कोटी ६१ लाख ६९ हजार ८०० युनीट निर्माण झाली असून त्यामधुन वीज विक्री २ कोटी ७१ लाख ७३ हजार ३२१ युनिट केलेली आहे. तसेच उपपदार्थ प्रकल्प डिस्टीलरीमध्ये दि. १४/०१/२०२४ अखेर बी-हेवी पासून ८२ लाख ०७ हजार १८७ लिटर्स रेक्टीफाईड स्पिरीट तसेच ७५ लाख १५ हजार ६२१ लिटर्स इथेनॉल उत्पादन झाले आहे. ॲसेटीक ॲसिड प्लॅंटमध्ये २५९.५०० मे.टन ॲसिटाल्डीहाईड व २८७.८०० मे.टन ॲसइटईक ॲसिडची निर्मिती झाली असलेची माहिती कारखान्याचे कार्यकारी संचालक राजेंद्र चौगुले यांनी दिली. सोमवार दिनांक 15 जानेवारी 2024 रोजी सकाळी कारखाना कार्यस्थळी संपन्न झालेल्या साखर होती पूजन प्रसंगी कारखान्याचे संचालक लक्ष्मण शिंदे, सतीश शेंडगे, नानासाहेब मुंडफणे, रामचंद्र सिद, विराज निंबाळकर, रावसाहेब पराडे, मिमराव काळे, अमरदिप काळकुटे, सुभाष कटके, रामचंद्र ठवरे, तज्ञ संचालक प्रकाशराव पाटील, रामचंद्रराव सावंत-पाटील, संचालिका सुजाता शिंदे, कार्यलक्षी संचालक रणजित रणनवरे व शिवसृष्टी किल्ला व शिवछत्रपती मल्टिमेडीया लेजर शो कमिटी संचालक पांडूरंग एकतपुरे, बाळासाहेब माने-देशमुख, दत्तात्रय चव्हाण, विनायक केचे, राजेंद्र भोसले, अमृतराज माने-देशमुख, धनंजय सावंत, अनिलराव कोकाटे, श्रीकांत बोडके, सौ. हर्षाली निंबाळकर, तसेच माजी संचालक विजय माने-देशमुख, शिवाजी सिद, भारत फुले, सुनिल एकतपुरे, मोहन लोंढे, केशव ताटे, किसन वाघ, नितीन निंबाळकर संचालिका-श्रीमती कमल जोरवर, कार्यकारी संचालक राजेंद्र चौगुले व खातेप्रमुख, कामगार युनियन प्रतिनिधी व कर्मचारी उपस्थित होते.
सदर साखर पोती पुजन प्रसंगी कारखान्याच्या संचालिका कु.स्वरूपाराणी जयसिंह मोहिते-पाटील यांचे स्वागत चिफ केमिस्ट एस.एन. जाधव व सत्कार चिफ़ इंजिनिअर एस. के. गोडसे यांनी केला.
