🟡 “मेळाव्यास सहकार्य करुन प्रबोधन करण्याची आज गरज आहे”- आ.राम शिंदे 🟣धनगर समाज सेवा संघाचा 16 वा राज्य स्तरीय वधू वर मेळावा पुणे येथे संपन्न.

🟡 “मेळाव्यास सहकार्य करुन प्रबोधन करण्याची आज गरज आहे”- आ.राम शिंदे

🟣धनगर समाज सेवा संघाचा 16 वा राज्यस्तरीय वधू वर मेळावा पुणे येथे संपन्न.

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.

मुंबई दिनांक 11/01/2024 : “वधू वर मेळाव्यास सहकार्य करुन अशा प्रकारचे प्रबोधन करण्याची आज गरज आहे. भविष्यात अशा होणाऱ्या कार्यक्रमाला सहकार्य करावे व आपली आपल्या समाजाप्रती असलेली सामाजिक बांधिलकी जोपासावी.मग शाखा कोणतीही असो”.असे आवाहन आमदार प्रा.राम शिंदे यांनी केले. धनगर समाज सेवा संघाचा 16 वा राज्यस्तरीय वधू वर मेळावा पिंपळे गुरव, रामकृष्ण मंगल कार्यालय पिंपरी, पुणे येथे संपन्न झाला.या मेळाव्याचे उदघाटक म्हणून व्यासपीठावरुन ते बोलत होते.
मान्यवरांचे हस्ते राष्ट्रमाता पुण्यश्लोक अहिल्याबाई होळकर यांच्या प्रतिमेस पुष्पहार अर्पण करून दीपप्रज्वलनाने या मेळाव्याचे उद्घाटन झाले.
व्यासपिठावरील उपस्थित मान्यवरांचा सत्कार समारंभ धनगर समाज सेवा संघाच्या वतीने करण्यात आला.धनगर समाज सेवा संघाचे अध्यक्ष मुकुंदराव कुचेकर यांनी आपल्या प्रास्ताविक भाषणात सांगितले की, गेली 15 वर्षांपासून धनगर समाज सेवा संघाचा वधू वर मेळावा हा उपक्रम सुरू आहे, यातून अनेकांचे विवाह ही जमले आहेत.या वर्षी 90 टक्के वधू वर नोंदणी आँनलाईन पध्दतीने तर 10 टक्के नोंदणी प्रत्यक्ष भेटून करण्यात आली आहे. वधूवर मेळावा पुस्तिकेवर पुणे येथून काढण्यात आलेल्या महाराजा यशवंतराव होळकर यांच्या शौर्य यात्रा मधील अश्वारूढ पुतळ्याचे सुंदर, आकर्षक मुखपृष्ठ बनविले आहे. अति सुशिक्षित जोडप्यांमध्ये घटस्फोटाचे वाढते प्रमाण ही एक खेदाची बाब आहे.त्यांचे विवाह फार काळ टिकत नाहीत.परंतु त्यांनी मतभेद मिटवून घटस्फोटा पर्यंत ची भूमिका घेऊ नये.हा मेळावा यशस्वी करण्यासाठी ज्ञात अज्ञात व्यक्तींनी सहकार्य केले त्यांचे मनापासून आभार.त्यानंतर पिंपरी चिंचवड शहर अध्यक्ष शंकर शेठ जगताप यांनी सांगितले की, फक्त धनगर समाजातच उच्च सुशिक्षित जोडप्यांमध्ये घटस्फोटाचे प्रमाण जास्त आहे असे नाही तर ही समस्या सर्व च जातीच्या उच्च सुशिक्षित जोडप्यांमध्ये आहे.वधूवर मेळावा पुस्तिकेवर नजर टाकली तर सुशिक्षितांचे प्रमाण जास्त दिसून येते आहे. आवारात धनगर समाज सेवा संघाचे हनुमंता सूर्यवंशी यांच्या मार्फत पुस्तिका वितरण करण्यात येत होती.संजय नाईकवाडे हे धनगर समाजाचे पारंपरिक वस्तू घोंगडी व घुंगराची काठी यांची विक्री करताना दिसत होते.एकंदरीत रामकृष्ण मंगल कार्यालयात व आवारात धनगर समाज बांधव मोठ्या प्रमाणात उपस्थित होते.या प्रसंगी प्रा.राम शिंदे, शंकर शेठ जगताप, प्रविण काकडे, उज्ज्वला ताई हाके, डॉ.नारायण सुर्वे, डॉ.लक्ष्मण गोफणे,उषा ढोरे, हनुमंत गावडे, जयवंत कवितके, अजित लकडे, पोपटराव येळे, कैलास राव थोपटे, आशाताईं शेंडगे, राजेंद्र राजापुरे, आदी मान्यवर उपस्थित होते.तसेच महाराष्ट्र राज्यातील धनगर समाज सेवा संघाचे जिल्हाध्यक्षांचे ही सत्कार करण्यात आले.यावेळी मुंबई मधील पत्रकार साहित्यिक व सामाजिक कार्यकर्ते भारत कवितके यांचा ही मान्यवरांचे हस्ते सत्कार करण्यात आला.वधूवर मेळावा यशस्वी करण्यासाठी धनगर समाज सेवा संघाच्या दिलीप काटकर, विजय भोजणे, रविंद्र कोकाटे, राजेंद्र कवितके, दर्शन गुंड, विठ्ठल कडू, भास्कर राव गाडेकर, सुहास राहिंज आदी कार्यकर्त्यांनी विशेष परिश्रम घेतले.