जिल्हास्तरीय विज्ञान प्रदर्शनात सदाशिवराव माने विद्यालयास प्रथम क्रमांक
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.
अकलूज दिनांक 08/01/2024 :
जे आर चंडक प्रशाला,बाळे सोलापूर येथे पार पडलेल्या 51 व्या जिल्हास्तरीय विज्ञान प्रदर्शनात अकलूज येथील सदाशिवराव माने विद्यालयाने घवघवीत यश संपादन केले. शालेय विज्ञान प्रदर्शने विद्यार्थ्यांसाठी त्यांचे वैज्ञानिक ज्ञान आणि सर्जनशीलता प्रदर्शित करण्यासाठी एक उत्कृष्ट व्यासपीठ आहे. ही प्रदर्शने विद्यार्थ्यांना त्यांच्या नावीन्यपूर्ण कल्पना आणि शोध लोकांसमोर मांडण्यासाठी एक व्यासपीठ म्हणून काम करतात. अशा या स्पर्धेत इयत्ता नववी ते बारावी( दिव्यांग ) गटात तेजस अनिल जाधव (इ 11 वी क ) यास ऑटोमॅटिक इरिगेशन सिस्टीम या उपकरणाला प्रथम क्रमांक मिळाला आहे. या विद्यार्थ्याची राज्यस्तरावरील विज्ञान प्रदर्शनासाठी निवड झालेली आहे.
सदर विद्यार्थी व मार्गदर्शक शिक्षिका कु .धनश्री माने यांचा सत्कार विद्यालयाचे मुख्याध्यापक अमोल फुले यांच्या हस्ते करण्यात आला. सदर कार्यक्रमासाठी उपमुख्याध्यापक दत्तात्रय घंटे, उपप्राचार्य संजय शिंदे, व्यवसाय विभागाचे उपप्राचार्य विनायक रणवरे व पर्यवेक्षक उपस्थित होते. या विद्यार्थ्यांचे अभिनंदन शिक्षण प्रसारक मंडळ ,अकलूज चे मार्गदर्शक ,संचालक जयसिंह मोहिते पाटील, संस्था अध्यक्ष संग्रामसिंह मोहिते पाटील, प्रताप क्रीडा मंडळाच्या अध्यक्षा कु .स्वरूपाराणी मोहिते पाटील, सचिव अभिजित रणवरे ,सहसचिव हर्षवर्धन खराडे – पाटील,स्थानिक प्रशाला समिती सदस्य, शिक्षक व शिक्षकेत्तर सेवक यांनी अभिनंदन केले आणि पुढील स्पर्धेसाठी शुभेच्छा दिल्या.
