बागणी येथे तरस सदृश्य वन्य प्राण्यांच्या हल्ल्यात ३ शेळ्या ठार..
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.
अकलूज दिनांक 18/12/2023 :बागणी ता. वाळवा येथे तरसदृश्य वन्यप्राण्यांनी रविवारी पहाटे केलेल्या हल्ल्यात बिरू अनुसे यांच्या तीन शेळ्या जागेवरच ठार व एक शेळी गंभीर जखमी झाली आहे. मेंढपाळ बिरू अनुसे यांचे ४०हजाराचे आर्थिक नुकसान झाले आहे.
याबाबत सविस्तर माहिती अशी की बिरू सयाजी अनुसे, बिरू भीमराव अनुसे, रा. बु. वठार ता. हातकणंगले कोल्हापूर, पिंटू गावडे, युवराज बंडगर, अजित गावडे, अविनाश डाळे, राहणार बागणी, ता. वाळवा जि. सांगली,या सर्व मेंढपाळांचा शेळ्या मेंढ्या खतासाठी शेतकरी चंद्रकांत लोखंडे यांच्या शिगाव बागणी रोड रस्त्यालगत असणाऱ्या शेतात गेल्या पाच सात दिवसापासून बसायला आहेत रविवार दिनांक १७/१२/२०२३ रोजी मध्यरात्री तरसदृश्य वन्यप्राण्यांनी केलेल्या हल्ल्यात तळाशेजारी बांधून ठेवलेल्या ३ शेळ्या ठार १ शेळी गंभीर जखमी झाले आहे. हल्ल्याची घटना सकाळी मेंढपाळ बिरू अनुसे यांनी यशवंत क्रांती संघटनेचे संस्थापक अध्यक्ष संजय वाघमोडे यांना फोनवरून कळवली संजय वाघमोडे यांनी ही घटना वन अधिकारी व पशुसंवर्धन अधिकारी यांना तत्काळ कळवून अधिकाऱ्यांसह घटनास्थळी भेट दिली.
वनरक्षक भिवा कोळेकर बावची, वनमजुर विक्रम टिबे, विजय मदने, भगवान गायकवाड, शंकर रकटे, यांनी मृत शेळ्यांचा घटनेचा पंचनामा केला. डॉ. वैजयंता टेकाडे पशुधन अधिकारी आष्टा, यांनी मृत शेळ्यांचे शवविच्छेदन व जखमी शेळीवर उपचार केले. यावेळी घटनास्थळी यशवंत क्रांती संघटनेचे अध्यक्ष संस्थापक अध्यक्ष संजय वाघमोडे, यशवंत क्रांती संघटनेचे हातकलंगले तालुकाध्यक्ष यशवंत वाकसे, पिंटू गावडे, युवराज बंडगर, अजित गावडे, अविनाश डाळे, सयाजी अनुसे, सोमनाथ गावडे, तसेच यशवंत क्रांती संघटनेच्या बागणी शाखेचे सर्व पदाधिकारी उपस्थित होते.
