वर्ल्ड धनगर सोशल ऑर्गनायझेशन चा वडीगोद्री येथील चक्री उपोषणास पाठिंबा
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India .
Mo. 9860959764.
अकलूज दिनांक 12/12/2023 : जालना जिल्ह्यातील वडीगोद्री (तालुका अंबड) येथील चक्री उपोषण स्थळी समक्ष भेट देऊन वर्ल्ड धनगर सोशल ऑर्गनायझेशन या जागतिक पातळीवर कार्यरत असलेल्या संघटनेने आपल्या लेखी पाठिंब्याचे पत्र देऊन त्यांना नैतिक बळ दिले. रविवार दिनांक 9 डिसेंबर 2023 रोजी रात्री पावणे बाराचे सुमारास उपोषण स्थळी भेट देऊन पाठिंबा दर्शक पत्र देणाऱ्या ग्रुपमध्ये मध्ये संघटनेचे संस्थापक अध्यक्ष बबनराव आटोळे बारामती, महासचिव अजय गाढवे पुणे, राष्ट्रीय सल्लागार भाग्यवंत लक्ष्मणराव नायकुडे अकलूज, राष्ट्रीय समन्वयक सखाराम खोत इंदापूर, संघटनेचे राष्ट्रीय सल्लागार समिती सदस्य व भाजपा भटके विमुक्त आघाडीचे प्रदेश सचिव किसनराव त्र्यंबकराव आटोळे बाळसमुद्र बुलढाणा यांचा समावेश होता.
ओबीसी भटके विमुक्त आरक्षण बचाव निमित्त सकल ओबीसी समाज तालुका अंबड व घनसांगवी, जिल्हा जालना यांच्या वतीने वडीगोद्री तालुका अंबड येथे दिनांक 05/12/2023 पासून “एकच पर्व ओबीसी सर्व” या ध्येयाने प्रेरित होऊन चक्री उपोषण सुरू आहे. यासंदर्भात ऍड. विजय देविदास खटके यांनी साप्ताहिक अकलूज वैभव, पाक्षिक वृत्त एकसत्ता, akluj vaibhav.in बरोबर बोलताना चक्री उपोषणा संदर्भातील माहिती दिली. वर्ल्ड धनगर सोशल ऑर्गनायझेशनचे पदाधिकारी यांनी उपोषण कर्ते सरपंच विलास घुगे यांच्यासह टाका येथील ओबीसी व भटके विमुक्त आघाडी समाज बांधव आणि आरक्षण बचाव समितीचे कार्यकर्ते जालना जिल्हा मनसे अध्यक्ष बळीराम तात्या खटके वडीगोद्री , युवा नेते ॲड.विजय खटके वडीगोद्री , जेष्ठ सामाजिक कार्यकर्ते राजेंद्र वामनराव पवार पिठोरी सिरजगाव , रविंद्र खोमणे वडीगोद्री यांच्याकडे पाठींबा पत्र सुपुर्द केले.
