🟣सार्वजनिक बांधकाम विभाग अकलूज अजून किती जीव जाण्याची वाट पाहणार 🔵पिलीव माळशिरस रोडचे दोन आमदारांनी उद्घाटन करुनही कामाकडे दुर्लक्ष

🟣सार्वजनिक बांधकाम विभाग अकलूज अजून किती जीव जाण्याची वाट पाहणार

🔵पिलीव माळशिरस रोडचे दोन आमदारांनी उद्घाटन करुनही कामाकडे दुर्लक्ष

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharastra State, India.
Mo. 9860959764.

माळशिरस प्रतिनिधी :
माळशिरस पिलीव रस्ता गेली 25 ते 30 वर्षे झालेला नाही. नुसते खड्डे मुजवणे हेच एकमेव काम या रोडवरती केले जाते. परंतु गेल्या वर्षी माळशिरस तालुक्याचे आमदार राम सातपुते यांनी अंदाजे चोवीस कोटी रुपयेचा निधी मंजूर केला आहे. सार्वजनिक बांधकाम विभागाने याचे टेंडरही केलेले आहे. टेंडर होऊनही बरेच दिवस झाले तरीही कामाकडे दुर्लक्ष झाले आहे. माळशिरस तालुक्याचे विधान परिषदेचे आमदार रणजितसिंह मोहिते पाटील व विधानसभेचे आमदार राम सातपुते यांनी गेली वीस ते पंचवीस दिवसांपूर्वी या रस्त्याचे उद्घाटन करूनही नुसते कुठेतरी डागडुजी करून कंत्राटदार व सार्वजनिक बांधकाम विभागाचे अधिकारी हे लोकांच्या डोळ्याचे पाणी पुसण्याचे काम करीत आहेत. सलग तीन दिवस दोन वेळा या रस्त्याने या अधिकारी लोकांनी ये जा करावी म्हणजे या रस्त्याने वर्षातील 365 दिवस या परिसरातील अबालवृद्धांना ये जा करताना किती यातना भोगाव्या लागत असतील हे त्यांच्या लक्षात येईल.

माळशिरस पिलीव रोड हा दळणवळणाच्या दृष्टिकोनातून खूप महत्त्वाचा रोड मानला जातो. या रोडवरती मोटेवाडी, तरंगफळ, चांदापुरी, पिलिव अशी गावे आहेत. तर चांदापुरी साखर कारखाना, राजेवाडी साखर कारखाना व अन्य साखर कारखान्याची वाहतूक याच रोडवरून होत असते. सध्या साखर कारखाने चालू झालेले आहेत. रस्तावरून जात असताना मोठ्या प्रमाणात धूळ उडत असते. रस्त्यावरील रिकामी झालेली खडी वाहनाच्या टायरने उडून प्रवास करणारे जखमी होतात. जेष्ठ नागरिक लहान मुले यांना या पासून खूप धोका सहन करावा लागत आहे. माळशिरस येथे तरंगफळ, चांदापुरी, मोटेवाडी गावातून शेकडो मुले दररोज ये जा करीत असतात. या अगोदर या रस्त्यावरती खूप अपघात झालेले आहेत. बऱ्याच जणांना आपले जीव ही गमावावे लागले आहेत. परंतु सार्वजनिक बांधकाम विभाग अजूनही कामाकडे दुर्लक्ष करीत आहे. त्यामुळे सर्वाजनिक बांधकाम विभाग अजून किती लोकांचा जीव जाण्याची वाट पाहणार आहे? सार्वजनिक बांधकाम विभागाकडून मातब्बरांना हप्ते जात असल्यामुळे याबाबतच्या तक्रारींना केराची टोपली दाखविण्याचे काम सार्वजनिक बांधकाम विभागाकडून होत आहे.असा सर्वसामान्य नागरिकांच्या चर्चेचा विषय बनला आहे.
⭕माळशिरस पिलीव रोड तालुक्यातील सत्ताधाऱ्यांनी गेली कित्येक वर्ष हा रस्ता जाणीवपूर्वक होऊ दिला नाही. आता सध्या यावरती मोठमोठे खड्डे व धुळीचे साम्राज्य झाले आहे कामाचे टेंडर होऊन कित्येक दिवस झाले तरीही कामाकडे दुर्लक्ष होत आहे .येत्या चार दिवसात काम चालू झाले नाही तर सर्व ग्रामस्थ सार्वजनिक बांधकाम विभाग अकलूज समोर तीव्र आंदोलन करणार आहेत.
-सतिश मोटे सरपंच मोटेवाडी
🟡मी माळशिरस येथे दररोज शाळेत ये जा करत असतो परंतु रस्त्याने जात येत असताना जीव मुठीत धरून प्रवास करावा लागतो रस्त्यावर खूप मोठे खड्डे पडलेले आहेत आणि धुळीने कपडे व डोळे खराब होत असतात. कारखाना चालू असल्यामुळे उसाने भरलेली मोठी वाहने खड्डेमय खराब रस्त्याने वाहत असल्यामुळे प्रवास जीव मुठीत धरून करावा लागत आहे.
– लोकेश तरंगे विद्यार्थी तरंगफळ