कर्मयोगी सुधाकरपंत परिचारक पांडुरंग सहकारी साखर कारखान्याच्या ऊस तोडणी मजूरांची दिवाळी गोड – मा.आ. प्रशांतराव परिचारक
कर्मयोगी सुधाकरपंत परिचारक पांडुरंग सहकारी साखर कारखान्याच्या ऊस तोडणी मजूरांची दिवाळी गोड – मा.आ. प्रशांतराव परिचारक
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras District Solapur Maharashtra State, India.
Mo. 9860959764.
अकलूज दिनांक 11/11/2023 : देशामध्ये नावलौकिक प्राप्त केलेल्या आपल्या
कर्मयोगी सुधाकरपंत परिचारक पांडुरंग सहकारी साखर कारखान्याक़डील तोडणी मजूरांना दिपावली सणानिमित्त कारखान्यामार्फत फराळाचे वाटप केल्याने त्यांची दिपावली गोड झाल्याची माहिती कारखान्याचे चेअरमन मा.आ. प्रशांतराव परिचारक (मालक) यांनी दिली.
कारखान्याचे चेअरमन मा.आ. प्रशांतराव परिचारक यांनी गळीत हंगाम 2023-24 मध्ये कारखान्याकडे ऊस तोडणीचे काम करणेसाठी आलेल्या तोडणी मजूरांना प्रत्येक तोडणीचे काम चालु असलेल्या ऊस फडावर जावून दिपावली फराळाचे वाटप केले. त्यामुळे तोडणी मजूर व त्यांचे कुटुंबियांला दिपावली मध्ये गोडधोड पदार्थाचा आस्वाद घेता आला. तोडणी मजूर व त्यांचे कटुंबीय यांच्या चेहऱ्यावर आनंद दिसून येत होता. तोडणी मजूरांचे फराळामध्ये लाडू, चिवडा, शंकरपाळी, बालुशाही, शेव, करंजी इ.गोड पदार्थांचा समावेश होता. कारखान्याकडे तोडणी मजूर हे दिपावली पुर्वी येत असतात त्यामुळे त्यांना दिवाळी करता येत नाही. परंतू कर्मयोगी सुधाकरपंत परिचारक पांडुरंग सहकारी साखर कारखान्याच्या माध्यमातून दिपावली फराळाचे वाटप केल्याने ती उणीव भरुन निघाली आहे. त्याचप्रमाणे कारखान्याच्या सभासद, कामगार व तोडणी मजूर यांचीही विविध प्रकारे दिपावली गोड केली आहे. त्यांचेबरोबर कारखान्याचे चेअरमन यांनी तोडणी मजूरांना कारखान्यामार्फत दिल्या जाणाऱ्या विविध सोई सुविधांचीही माहिती दिली.
दिपावली सणाचे औचित्य साधुन कारखान्याचे चेअरमन मा.आ.श्री. प्रशांतराव परिचारक (मालक) यांनी तोडणी मजूरांचीही दिपावली गोड झाली पाहिजे या उदात्त हेतूने कारखान्याकडे आलेल्या तोडणी मजूरांना सुमारे 5000 फराळाचे किट वाटप केले. कारखान्याचे चेअरमन प्रशांतराव परिचारक मालक हे स्वर्गीय सुधाकरपंत परिचारक(मोठे मालक) यांचा वारसा पुढे चालवित असून तोडणी मजूर व कामगार यांचे नेहमीच हित जोपासत आहेत.
कारखान्याकडे या हंगामात आलेल्या तोडणी मजूरांना कारखान्यामार्फत प्रत्येक टोळीच्या ठिकाणी जावून त्यांना दिवाळी फराळ वाटप करताना कारखान्याचे चेअरमन प्रशांतराव परिचारक (मालक), व्हा.चेअरमन कैलास खुळे, संचालक दिनकरराव मोरे, दिलीपराव चव्हाण, तानाजी वाघमोडे, दाजी पाटील, गंगामामा विभुते, शामराव साळुंखे, केन मॅनेजर संतोष कुमठेकर, ऊस विकास अधिकारी सोमनाथ भालेकर, स्थावर अधिकारी रमेश गाजरे आदी उपस्थित होते. अशी माहिती कारखान्याचे कार्यकारी संचालक
डॉ.यशवंत कुलकर्णी यांनी सांगितली.
