सहकार महर्षि अभियांत्रिकी महाविद्यालयातील विद्यार्थ्यांची औद्योगिक भेट संपन्न
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra State, India.
Mo. 9860959764.
अकलूज दिनांक 9/11/2023 : येथील सहकार महर्षि शंकरराव मोहिते-पाटील इन्स्टिटयूट ऑफ टेक्नॉलॉजी अँड रिसर्च,शंकरनगर -अकलूज या अभियांत्रिकी महाविद्यालयाच्या कॉम्पुटर सायन्स अँड इंजीनियरिंग विभागाची दि. ०४ नोव्हेंबर २०२३ रोजी झेड प्लस सायबर सिक्युरिटी टेक्नॉलॉजीज प्रायव्हेट लिमिटेड, पुणे व ०७ नोव्हेंबर २०२३ रोजी राहीटेक सोल्यूशन प्रायव्हेट लिमिटेड, बारामती येथे एक दिवसीय औद्योगिक भेट प्राचार्य डॉ. प्रविण ढवळे आणि विभागप्रमुख, प्राध्यापक सचिन पांढरे यांच्या मार्गदर्शनाखाली पार पडली. सदर एकदिवसीय औद्योगिक भेटीमध्ये तृतीय आणि चतुर्थ वर्षातील सर्व विद्यार्थी सहभागी होते.
सदर भेटीमध्ये झेड प्लस सायबर सिक्युरिटी टेक्नॉलॉजीज प्रायव्हेट लिमिटेड, पुणे येथील संस्थापक गोरख भोसले यांनी कंपनीच्या सुविधा, ऑपरेशन, कर्मचाऱ्यांच्या मुलाखती, आव्हाने आणि संधी याविषयी चर्चा केली. तसेच झेड प्लस चे व्यवस्थापक वैभव भाकरे यांनी मुलाखतीचे कौशल्य आणि प्लेसमेंट मध्ये इंटरशिपच्या वापराबाबत मार्गदर्शन केले. आणि राहीटेक सोल्यूशन प्रायव्हेट लिमिटेड, बारामती येथील संस्थापक गणेश लाड यांनी कंपनीच्या सुविधा, फुलस्टॅक डेव्हलपमेंट, डेव्ह-ऑप्स यासारख्या अभ्यासक्रमातील विषयावर चर्चा केली .
या कंपनीच्या मुख्य सेवा कॉर्पोरेट प्रशिक्षण, संस्थात्मक प्रशिक्षण, आयटी पायाभूत सेवा, सॉफ्टवेअर विकास, प्लेसमेंट या आहेत.
यामुळे विद्यार्थ्यांना उद्योगात तसेच त्यांच्या अभ्यासक्रमाच्या प्रायोगिक व व्यावसायिक जीवनातील संघर्षातील समस्या आणि त्यांच्या उद्योगात विशेष जागृती आणि संघर्ष क्षमता विकसित करायची संधी मिळाली.
या औद्योगिक भेटीत कम्प्युटर सायन्स अँड इंजीनियरिंग डिग्री मधील शिक्षक प्रा. राजेश पोटे , प्रा. रुपाली शिंदे , प्रा. काजल एकतपुरे, प्रा. श्रेया जोशी व विध्यार्थी उपस्थित होते. औद्योगिक भेट यशस्वीपणे पार पाडण्यासाठी समन्वयक म्हणून प्रा. इंद्रजित इनामदार यांनी काम पाहीले.
