संपादकीय……✍️
“श्री शंकर” स. सा. कारखान्या ची फिनिक्स भरारी
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras District Solapur Maharashtra State, India.
Mo. 9860959764.
अकलूज दिनांक 2/11/2023 :
सोलापूर जिल्ह्यातील सदाशिवनगर (तालुका माळशिरस) येथील
श्री शंकर सहकारी साखर कारखाना अनेक संकटाचा सामना करत अथक परिश्रमानंतर श्री शंकर सहकारी चे चेअरमन रणजितसिंह विजयसिंह मोहिते पाटील व सर्व संचालक मंडळ यांनी सुरु केला. यामुळे शेतकऱ्यांनी देखील कारखान्यास ऊस गाळपास देऊन सहकार्य केले. त्याचे फळ म्हणून 31 ऑक्टोबर 2023 – 24 रोजी गळीत हंगामासाठी महाराष्ट्रातून पहिला गाळप परवाना श्री शंकर सहकारी साखर कारखाना लि. सदाशिवनगर यांना साखर आयुक्त कार्यालयाकडून निर्गमित करण्यात आला.
🔸पहिल्या साखर पोत्याचे पूजन
कारखान्याचा गळीत हंगाम सुरू होऊन उत्पादित झालेल्या हंगामतील पहिल्या साखर पोत्याचे पूजन महाराष्ट्र राज्याचे माजी उपमुख्यमंत्री विजयसिंह शंकरराव मोहिते पाटील यांच्या शुभहस्ते करण्यात आले. यावेळी चेअरमन तथा विधानपरिषद आमदार रणजितसिंह मोहिते पाटील, पंचायत समितीचे माजी उपसभापती अर्जुनसिंह मोहिते पाटील, विश्वतेजसिंह मोहिते पाटील, कु.राजकुंवर धैर्यशील मोहिते पाटील, व्हाईस चेअरमन ऍड. मिलिंद कुलकर्णी, कारखान्याचे सर्व संचालक मंडळ, कारखान्याचे एक्झिक्युटीव्ह डायरेक्टर स्वरूप देशमुख, कार्यकारी संचालक अभिजित डुबल, जनरल मॅनेजर रविराज जगताप, अधिकारी, कर्मचारी, शेतकरी सभासद तसेच सदाशिवनगर, पुरंदावडे, येळीव, जाधववाडी गावातील ग्रामस्थ उपस्थित होते.
🔹श्री शंभू महादेवास पहिली साखर अर्पण
साखर पोत्याच्या पुजनानंतर कारखान्याचे चेअरमन तथा आ. रणजितसिंह मोहिते पाटील व संचालक मंडळ यांनी सदाशिवनगर ते श्री शिखर शिंगणापूर पायी वारी करून श्री शंभु महादेवास अभिषेक करून
पहिली साखर अर्पण केली.
🔸एफ आर पी पेक्षा ज्यादा रक्कम अदा
यावेळी श्री शंकर सहकारी ने सिझन 2022-23 मधील ऊस बील रु. 2511/- प्रमाणे FRP पेक्षा ज्यादा दर दिला असून मागील हंगामातील ऊस व तोडणी वाहतूक बिले अदा केली आहेत. तसेच चालू सिझन 2023-24 मध्ये गळीतास येणाऱ्या उसास प्रथम ऍडव्हान्स हप्ता रु. 2500 /- प्रमाणे देत आहेत. तसेच ऊस बील व तोडणी वाहतूक बील दर 10 दिवसांत अदा करीत आहेत. कर्मचारी पगार, शासकीय देणे नियमित देत आहेत.
🔹विस्तारीकरणास वेग
या सिझन साठी कारखान्याची दुरुस्ती देखील पूर्ण केलेली आहे. बॉयलर मॉडिफिकेशन केलेले आहे. मिल व उत्पादन विभागाची कामे अतिशय चांगल्या पद्धतीने पूर्ण केलेली आहेत. त्यामुळे सध्या कारखाना अविरतपणे प्रति दिन 3500 ते 3800 मे.टन. गाळप करणार असून यावर्षी ते सरासरी 3500 मे.टन. प्रति दिन पूर्ण क्षमतेने चालत आहे. बगॅस उत्पादन मोठ्या प्रमाणात होऊन बगॅस शिल्लक राहील. पुढील गाळप हंगामापर्यंत कारखाना विस्तारिकरण होऊन 4500 T.C.D. होणार असून प्रति दिन ते 5500 ते 6000 मे.टन. प्रती दिवस या प्रमाणे गाळप करणार आहे. तरी सभासदांनी जास्तीत जास्त ऊस गाळपास देऊन सहकार्य करावे असे आवाहन श्री शंकर सहकारी कारखान्याचे चेअरमन तथा आ.रणजितसिंह मोहिते पाटील यांनी केले आहे. बंद पडलेला कारखाना सुरू करून कारखान्याची होत असलेली प्रगती ही राखेतून उठलेल्या फिनिक्स पक्षासारखी झेप घेणारीच नाही काय ? श्री शंकर सहकारी साखर कारखान्याची ही फिनिक्स भरारी नक्कीच साखर कारखानदारी साठी आदर्श पायंडा होईल यात शंकाच नाही. या निमित्ताने आम्ही सर्व टीमचे अभिनंदन करीत कारखान्याच्या भावी घोडदौडपूर्ण वाटचालीस हार्दिक शुभेच्छा व्यक्त करीत आहोत.
