🟣 “सहकार महर्षि” च्या 62 व्या ऊस गळीत हंगामाचा धूमधडाक्यात शुभारंभ. 🔴10 लाख मे.टन गाळपाचे उद्दिष्ट. 🟡 “ऊस दराचा पहिला हप्ता जाहीर न करता अचानक आणि सर्वाधिक देणार” :- जयसिंह मोहिते पाटील

🟣 “सहकार महर्षि” च्या 62 व्या ऊस गळीत हंगामाचा धूमधडाक्यात शुभारंभ.

🔴10लाख मे.टन गाळपाचे उद्दिष्ट.

🟡 “ऊस दराचा पहिला हप्ता जाहीर न करता अचानक आणि सर्वाधिक देणार” :- जयसिंह मोहिते पाटील

🟠 “उत्पादन खर्चानुसार साखरेला दर मिळाला पाहिजे” : जयसिंह मोहिते पाटील.

🔵 केंद्र सरकार एफ. आर. पी. ची रक्कम वाढवत चालले तर दुसरीकडे साखरेवर नियंत्रण ही घालतेय ! – जयसिंह मोहिते पाटील.

🟢 निसर्गाचे दुष्ट चक्र थांबवायचे असेल तर कृष्णा भीमा स्थिरीकरण आणि समांतर पाईपलाईन योजना पूर्णत्वास गेल्या पाहिजेत : जयसिंह मोहिते पाटील

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra State, India.
Mo. 9860959764.

🔰 आकाश भाग्यवंत नायकुडे

मुंबई/अकलूज दिनांक 19/10/2023 : उत्पादन खर्चानुसार साखरेला दर मिळाला पाहिजे. केंद्र सरकार एफ. आर. पी. ची रक्कम वाढवत चाललेय तर दुसरीकडे साखरेवर नियंत्रण ही घालतेय !, निसर्गाचे दुष्ट चक्र थांबवायचे असेल तर कृष्णा भीमा स्थिरीकरण आणि समांतर पाईपलाईन योजना पुर्णत्वास गेल्या पाहिजेत. या महत्त्वपूर्ण तीन बाबींचा प्रामुख्याने उल्लेख करीत, ऊस दराचा पहिला हप्ता किती देणार हे जाहीर न करता अचानक आणि सर्वाधिक देणार अशी ऊस उत्पादक सभासदांच्या दृष्टीने महत्त्वाची ठरणारी घोषणा सहकार महर्षि शंकरराव मोहिते पाटील सहकारी साखर कारखाना लिमिटेड शंकरनगर – अकलूज चे चेअरमन जयसिंह शंकरराव मोहिते पाटील यांनी आज केली.
“सहकार महर्षि” कारखान्याच्या 62 व्या ऊस गळीत हंगामाचा शुभारंभ गुरुवार दिनांक 19 ऑक्टोबर 23 रोजी सकाळी 10 वाजता कारखान्याचे मार्गदर्शक संचालक माजी उपमुख्यमंत्री विजयसिंह शंकरराव मोहिते पाटील यांच्या हस्ते आधुनिक यांत्रिकीकरणाद्वारे गव्हाणीत उसाची मोळी टाकून करण्यात आला. याप्रसंगी चेअरमन जयसिंह मोहिते पाटील बोलत होते.

गेल्या सिझनमध्ये महाराष्ट्रात एक नंबर ने साखर तयार झाली. परंतु परंतु सभासदांनी तीन लाख मे.टन ऊस दुसऱ्या कारखान्यास घातला. असाही आवर्जून उल्लेख उल्लेख करीत वार्षिक सर्वसाधारण सभेत दोन ठराव मंजूर झाल्याचा उल्लेख चेअरमन मोहिते पाटील यांनी आपल्या अभ्यासपूर्ण आणि सविस्तर, मुद्देसूद भाषणात केला. त्या अनुषंगाने विस्तार वाढ आणि सोलर यंत्रणा उभारणी या दोन योजना राबविणे बाबत उल्लेख केला.

तत्पूर्वी अकलूज कृषी उत्पन्न बाजार समितीचे सभापती मदनसिंह शंकरराव मोहिते पाटील आणि कारखान्याचे व्हाईस चेअरमन शंकरराव माने देशमुख या दोघांच्या हस्ते ऊसवहनलिप्ट मधील उसाचे विधिवत पूजन करण्यात आले.
प्रारंभी सकाळी 8:35 वा.डिस्टीलरी व ॲसेटीक उत्पादन शुभारंभ निमित्त कारखान्याचे संचालक रामचंद्र तुळशीराम सिद आणि त्यांच्या पत्नी सौ. यशोदा रामचंद्र सिद या उभयतांच्या हस्ते श्री सत्यनारायण महापूजा कारखाना कार्यस्थळी संपन्न झाली.
विकासाचे मेरुमणी सहकार महर्षि कै. शंकरराव नारायणराव मोहिते पाटील आणि राजमाता कै. रत्नप्रभादेवी शंकरराव मोहिते पाटील यांच्या प्रतिमा पूजनाने 62 व्या ऊस गळीत हंगाम शुभारंभाच्या सभेस प्रारंभ झाला.
प्रास्ताविकात कारखान्याचे कार्यकारी संचालक राजेंद्र केरबा चौगुले यांनी सहकार महर्षि कारखान्याच्या साखर उत्पादना बरोबरच राज्यातील व देशातील साखर कारखानदारीचा लेखाजोखा प्रभावीपणे मांडला. कारखान्याने सन 2022 – 23 मध्ये 5 लाख 23 हजार 970 क्विंटल साखर निर्यात केली त्यामुळे कारखान्याचा तोटा भरून निघण्यास भरीव मदत झाली. महाराष्ट्रात सन 2022 – 23 सिझनमध्ये 105.28 लाख मे.टन साखर उत्पादन झाले झाले, तर 32.50 लाख मे.टन साखर निर्यात केली. भारतात 2022 – 23 सिझनमध्ये 328.00 लाख मे. टन साखरेचे उत्पादन झाले तर 64.00 लाख मे.टन साखरेची निर्यात झाली. गेली तीन वर्षे सातत्याने आपण Quality improvement, steam saving, productivity क्वालिटी इम्प्रोमेंट, स्टीम सेविंग, प्रोडक्टिव्हिटी वाढविण्यासाठी मशिनरी मध्ये बदल केलेले आहेत. काही मशिनरी ऍड केलेल्या आहेत. तसेच बॉयलरकडील दहा वर्षानंतर करावे लागणारे बेअर इन्स्पेक्शन व त्या अनुषंगिक कामे केली आहेत. त्यामुळे चांगले रिझल्ट मिळत आहेत. केंद्र शासनाचे 2025 पर्यंत पेट्रोलमध्ये 20 टक्के इथेनॉल मिसळण्याचे धोरण आहे. आत्तापर्यंत 12% पर्यंत मिसळण्या इतकेच उत्पादन होत आहे. इथेनॉल असोसिएशन चे अध्यक्ष माजी उपमुख्यमंत्री विजयसिंह मोहिते पाटील आहेत. त्यामुळे इथेनॉल असोसिएशनचे मीटिंगमध्ये ऑइल कंपन्यांशी झालेल्या चर्चेदरम्यान ज्यावेळी शक्य आहे, त्यावेळी व त्या ठिकाणी 12 टक्के ऐवजी 20 टक्के इतके पेट्रोलमध्ये इथेनॉल मिसळणे बाबत आपल्या कारखान्याने मागणी केली होती. ती मागणी मान्य होऊन ऑइल कंपनीकडून इ – 20 पेट्रोल उपलब्ध करून देण्यात आले आहे. त्यामुळे महाराष्ट्रातील साखर कारखान्यांना याचा नक्कीच फायदा होत आहे. अशी माहिती कारखान्याचे कार्यकारी संचालक राजेंद्र चौगुले यांनी प्रास्ताविकामध्ये सांगत आपल्या कारखान्याने सिझन 2023 – 24 साठीची सर्व यंत्रणा सज्ज ठेवलेली आहे तरी सर्व सभासद व बिगर सभासद यांनी नोंदीचा व बिगर नोंदीचा ऊस या कारखान्यास देऊन सहकार्य करावे असे आवाहन केले.

(सर्व फोटो  : उदयकिर्ती  फोटो अकलूज)