🟣कर्मयोगी सुधाकरपंत परिचारक पांडुरंग कारखान्यास को-जनरेशन असोसिएशन ऑफ इंडियाचा देशपातळावरील प्रथम क्रमांकाचा पुरस्कार प्रदान 🟡कारखान्याच्या चार अधिकाऱ्यांचाही विविध पुरस्कारामध्ये समावेश

🟣कर्मयोगी सुधाकरपंत परिचारक पांडुरंग कारखान्यास को-जनरेशन असोसिएशन ऑफ इंडियाचा देशपातळावरील प्रथम क्रमांकाचा पुरस्कार प्रदान

🟡कारखान्याच्या चार अधिकाऱ्यांचाही विविध पुरस्कारामध्ये समावेश

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

🔰आकाश भाग्यवंत नायकुडे.

मुंबई दिनांक 16/9/2023 : सोलापूर जिल्ह्यातील श्रीपूर(तालुका माळशिरस) येथील कर्मयोगी सुधाकरपंत परिचारक पांडुरंग सहकारी साखर कारखान्याने महाराष्ट्रात पहिल्यांदा को-जनरेशन प्लॅट. उभारुन सहकारी साखर कारखान्यामध्ये आदर्श निर्माण केला. को-जनरेशनमध्ये केलेल्या सर्वोच्च कामगिरीचा विचार करुन को-जनरेशन असोसिएशन ऑफ इंडिया या संस्थेने कारखान्यास को- जनरेशन प्रकल्पासाठी देशपातळीवरील प्रथम क्रमांकाचा बेस्ट को- जनरेशन प्रकल्प हा पुरस्कार दिला असुन. त्याचे वितरण आज पुणे येथे मा. खासदार शरद पवार, जयप्रकाश दांडेगावकर, नरेंद्र मोहन, साखर संघाचे व्यवस्थापकीय संचालक संजय खताळ आदी मान्यवरांच्या हस्ते संपन्न झाला. कारखान्याच्या वतीने कारखान्याचे व्हाईस चेअरमन कैलास खुळे, संचालक भगवान चौगुले, तानाजी वाघमोडे व कारखान्याचे कार्यकारी संचालक डॉ.यशवंत कुलकर्णी व अधिकारी उपस्थित होते. अशी माहिती कारखान्याचे चेअरमन मा.आ.प्रशांतराव परिचारक (मालक) यांनी दिली.
यावेळी बोलताना कारखान्याचे चेअरमन मा.आ. प्रशांतराव परिचारक यांनी माहिती दिली की, को-जनरेशन असोशिएशन ऑफ इंडिया यांनी कारखान्याने हंगाम 2022-23 मध्ये केलेल्या उल्लेखनीय कामगिरीच्या जोरावर कारखान्याच्या को-जनरेशन प्रकल्पास देशपातळीवरील प्रथम क्रमांकाचा सर्वोकृष्ट को-जनरेशन प्रकल्प हा पुरस्कार प्रदान केला आहे. को-जनरेशन असोसिएशन ऑफ इंडीय या देशपातळीवरील संस्थेने कर्मयोगी सुधाकरपंत परिचारक पांडुरंग सहकारी साखर कारखान्याने कमीत कमी बगॅसमध्ये जास्तीत जास्त वीज निर्मिती, अंतरराष्ट्रीय पातळीवर मिळालेले कार्बन क्रेडीट, कमी उत्पादन खर्च, कारखान्यास मिळालेले ISO सर्टीफिकेट व कारखान्याचे असलेल्या सुरक्षा योजना, कारखान्याचा सौर उर्जा प्रकल्प, कमीत कमी पाणी वापर ,पाण्याचा पुर्णंवापर, को- जनरेशन प्लँटची क्षमता वापर या सर्व बाबीचा विचार करुन दिला आहे.
यावेळी कारखान्याचे कार्यकारी संचालक डॉ.यशवंत कुलकर्णी यांनी माहिती दिली की, कर्मयोगी सुधाकरपंत परिचारक पांडुरंग सहकारी साखर कारखान्याची वाटचाल ही श्रध्देय सुधाकरपंत परिचारक (मोठे मालक) यांनी घालुन दिलेल्या आदर्शानुसार चालु असून त्याचे पालन कारखान्याचे चेअरमन मा.आ. प्रशांतराव परिचारक (मालक) हे तंतोतंत करीत आहेत. ज्यावेळी को-जन प्लँट उभा केला त्यावेळी महाराष्ट्रात को-जनरेशन प्लँटचे प्रमाण खुप कमी होते परंतू श्रध्देय सुधाकरपंत परिचारक (माठे मालक) यांच्या आशिर्वादाने व कारखान्याचे चेअरमन मा.आ.श्री.प्रशांतराव परिचारक (मालक) व संचालक मंडळाचे सहकार्याने कारखान्याचा को-जन प्लँट यशस्वी चालुन त्यामधुन जास्तीत जास्त वीज निर्मिती करुन कारखान्यास आर्थिक उत्पान्नाचा स्त्रोत निर्माण केला आहे. कारखान्याने को-जनरेशनमध्ये केलेल्या सर्वोच्च कामगिरीमुळेच कारखान्यास को-जनरेशन असोसिएशन ऑफ इंडिया या संस्थेकडुन देशपातळीवरील सर्वोच्च को-जन प्लँट म्हणुन गौरविणेत आले आहे.
कारखान्याबरोबरच कारखान्याचे अधिकारी सचिन विभुते को-जन मॅनेजर यांना बेस्ट को-जन मॅनेजर (स्पेशल), समीर सय्यद बेस्ट इन्स्ट्रुमेंट मॅनेजर, बाळासाहेब होरे यांना बेस्ट इलेक्ट्रीक मॅनेजर तसेच सत्यवान जाधव यांना बेस्ट ई.टी.पी. मॅनेजर असे पुरस्कार मिळाले आहेत. गळीत हंगाम 2022-23 मध्ये कारखान्याच्या को-जनरेशन प्रकल्पाचे विस्तारीकरण केले असून या हंगामापासून को-जनरेशन प्रकल्प वाढीव क्षमतेने चालणार आहेत. अशी ही माहिती कार्यकारी संचालक डॉ.यशवंत कुलकर्णी यांनी सांगितली.