सहकार महर्षि कारखान्यामध्ये हंगाम २०२५-२०२६ करीता ऊस तोडणी वाहतूक कराराचा शुभारंभ
अकलूज वैभव न्यूज नेटवर्क
आकाश भाग्यवंत नायकुडे
मुंबई दिनांक 24/04/2025 : शंकरनगर – अकलूज येथील सहकार महर्षि शंकरराव मोहिते-पाटील सहकारी साखर कारखान्यामध्ये गळीत हंगाम २०२५-२६ करीता बैलगाडी, बजाट, ट्रक, ट्रॅक्टर व ऊस तोडणी यंत्र यांचे तोडणी वाहतूक करारांचा शुभारंभ कारखान्याचे चेअरमन जयसिंह शंकरराव मोहिते-पाटील यांचे शुभहस्ते कारखाना कार्यस्थळावर करणेत आला.
कारखान्याचे मार्गदर्शक संचालक व महाराष्ट्र राज्याचे माजी उपमुख्यमंत्री विजयसिंह शंकरराव मोहिते-पाटील यांचे कुशल मार्गदर्शनाखाली व चेअरमन जयसिंह शंकरराव मोहिते-पाटील यांचे नेतृत्वाखाली कारखाना प्रगतीपथावर वाटचाल करीत आहे.
सहकार महर्षि कारखान्याकडे गत हंगाम २०२४-२०२५ मध्ये ऊस तोडणी वाहतूकीचे काम केलेल्या वाहन मालक यांची ऊस तोडणी वाहतूकीची संपुर्ण बिले अदा करणेत आली असलेची माहिती कारखान्याचे कार्यकारी संचालक राजेंद्र केरबा चौगुले यांनी दिली.
गळीत हंगाम २०२५-२६ करीता कारखान्याने ९ लाख मे.टन ऊस गाळप करणेचे उदिष्ट ठेवले असुन बैलगाडी, बजाट, ट्रक, ट्रॅक्टर व ऊस तोडणी यंत्राचे मालक व ठेकेदार यांनी जास्तीत जास्त तोडणी वाहतूकीचे करार करून गाळप हंगाम यशस्वीपणे पार पाडण्यासाठी सहकार्य करावे असे आवाहन कारखान्याचे चेअरमन जयसिंह मोहिते-पाटील यांनी केले.
सदर प्रसंगी कारखान्याचे व्हाईस चेअरमन शंकरराव माने-देशमुख, संचालक सतीश शेंडगे, नानासाहेब मुंडफणे, विराज निंबाळकर, रावसाहेब पराडे, अमरदिप काळकुटे, सुभाष कटके, कार्यलक्षी संचालक रणजित रणनवरे व शिवसृष्टी किल्ला व शिवछत्रपती मल्टिमेडीया लेजर शो कमिटी संचालक-पांडूरंग एकतपुरे, बाळासाहेब माने-देशमुख, धनंजय सावंत व विजयराज वाहतूक संघाचे चेअरमन केशव ताटे, राजेंद्र शिंदे, रमेश मिसाळ, कल्याणराव दुपडे, रामदास बेलदर, आगतराव शिंदे व सर्वसेवा संघाचे वसंत जाधव, विजय माने-देशमुख तसेच कार्यकारी संचालक राजेंद्र चौगुले तसेच बैलगाडी, बजाट, ट्रक, ट्रॅक्टर व ऊस तोडणी यंत्राचे मालक व ठेकेदार आणि खातेप्रमुख मोठ्या संख्येने उपस्थित होते.
