🟣तत्कालीन कंत्राटी सचिव, प्रशासक बी.जे. देशमुख यांचा 117.62 कोटींचा टेंडर घोटाळा, विठ्ठल पवार राजेंची मुख्यमंत्री, गृहमंत्री, पणन मंत्र्यांकडे तक्रार.

🟣तत्कालीन कंत्राटी सचिव, प्रशासक बी.जे. देशमुख यांचा 117.62 कोटींचा टेंडर घोटाळा, विठ्ठल पवार राजेंची मुख्यमंत्री, गृहमंत्री, पणन मंत्र्यांकडे तक्रार.

🟠विठ्ठल पवार राजे यांनी मुख्यमंत्री एकनाथ शिंदे, पणन मंत्री अब्दुल सत्तार, पणन संचालक शैलेश कोतमिरे , पणनचे डायरेक्टर निंबाळकर व अविनाश देशमुख यांचेकडे लेखी निवेदनाद्वारे तक्रार करीत, त्यांनी 117.62 कोटींचे टेंडर घोटाळ्याची केंद्रीय स्तर कॕग, मार्फत अथवा राज्यस्तरीय वैधानिक लेखापरीक्षणाची मागणी केली.

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

मुंबई दिनांक 14/8/2023.
महाराष्ट्र राज्याच्या इतिहासात पहिल्यांदाच आंतरराष्ट्रीय दर्जाच्या कृषी उत्पन्न बाजार समितीला बेकायदेशीर कंत्राटी सचिवाची नेमणूक तत्कालीन प्रधान सचिव अनुप कुमार व पणन संचालक सतीश सोनी यांनी केलेली होती. त्याबाबतची तक्रार शरदजोशी विचारमंच शेतकरी संघटनेने केल्याच्या नंतर, त्यावेळी महाराष्ट्र राज्याचे सहकार आयुक्त अनिल कवडे यांनी कंत्राटी सचिवाचे नेमणूकीस मान्यता देण्याचा पणन संचालक सतीश सोनी यांचा प्रस्ताव फेटाळलेला होता! सहकार आयुक्त कवडे यांनी कंत्राटी सचिव बी जे देशमुख यांची मान्यता फेटाळल्यानंतर तत्कालीन पणन संचालक सतीश सोनी यांनी राज्याचे तत्कालीन प्रधान सचिव सहकार पणन अनुप कुमार यांच्या व सहकार मंत्र्याचे सरकारी सचिव संतोष पाटील यांच्या मदतीने बाळासाहेब जयराम देशमुख उर्फ बी जे देशमुख यांची पुणे येथील आंतरराष्ट्रीय दर्जाच्या, पुणे कृषी उत्पन्न बाजार समिती पुणे चे सचीव पदी कंत्राटी सचिव बी जे देशमुख यांची बेकायदेशीरपणे नेमणूक केल्याने शरद जोशी विचारमंंच शेतकरी संघटनेचे अध्यक्ष तथा राष्ट्रीय निमंत्रक विठ्ठल पवार राजे यांनी थेट मुख्यमंत्री व प्रधानमंत्री, एसीबी, ईडी कडे लेखी तक्रार करत बी जे देशमुख यांची हकलपट्टी करा, अति भ्रष्ट अधिकारी अनुप कुमार, सतीश सोनी, किशोर तोष्णीवाल, मधुकांत गरड यांचेधं आर्थिक मालमत्तेच्या चौकशीसाठी मागणी केल्याने राज्यातील पणन संचालनालय व सर्वच बाजार समितीमध्ये खळबळ उडाली होती.
पुणे कृषी उत्पन्न बाजार समितीचे कंत्राटी सचिव पदी तत्कालीन प्रशासक बाळासाहेब जयराम देशमुख उर्फ बी. जे. देशमुख यांची नेमणूक करण्या पाठीमागचा हेतू अत्यंत दुष्ट प्रवृत्तीचा होता हे आता सिद्ध झालेला आहे. पुणे कृषी उत्पन्न बाजार समितीमध्ये 2014 साली आधुनिक फुल बाजार बांधण्याचे ठरले त्यानंतर त्या ठिकाणी फुल बाजार बांधण्याचा साधारण 36 कोटी रुपयांचा प्रस्ताव मान्य करण्यात आला आणि तो प्रस्ताव नंतर 50.54 कोटी रुपयांवरती जाऊन ते टेंडर साडे 19 टक्के अधिकच्या दराने देण्यात येऊन प्रचंड मोठा आर्थिक भ्रष्टाचार झालेला असल्यामुळे 2014 ते 2023 पर्यंत आधुनिक फुल बाजार अद्यापही पूर्ण झालेली नाही.? हा घोटाळा दाबण्याकरिता खास करून तत्कालीन पणन संचालक सतीश सोनी, किशोर तोष्णीवाल व प्रधान सचिव अनुप कुमार यांनी संतोष पाटील यांच्या मदतीने षडयंत्र रचून बी जे देशमुख यांची कंत्राटी सचिव पदी नेमणूक करून फुल बाजार समिती झालेला प्रचंड अर्थिक घोटाळा दाबण्याचा आटोकाट प्रयत्न केला होता व आहे अशी माहिती विठ्ठल पवार राजे यांनी साप्ताहिक अकलूज वैभव, पाक्षिक वृत्त एकसत्ता, aklujvaibhav.in ला सांगितली.
आंतरराष्ट्रीय ख्यातीच्या पुणे कृषी उत्पन्न बाजार समितीमध्ये कंत्राटी सचिव नेमण्याची संकल्पना ही पुणे कृषी उत्पन्न बाजार समिती मधील तत्कालीन संचालक मंडळ, भ्रष्ट अधिकारी किशोर तोष्णीवाल सतीश सोनी, बी जे देशमुख अलीबाबा आणि चाळीस चोरांच्या डोक्यातील आहे. असा आरोप करत राजे पवार म्हणाले की तत्कालीन कंत्राटी सचिव प्रशासक बी जे देशमुख यांनी पुणे कृषी उत्पन्न बाजार समितीमध्ये आधुनिक फुल बाजार टेंडर 2014 मध्ये प्रकाशित करून सदरचे काम 36 रु.कोटीत दोन वर्षाच्या कालावधी पूर्ण करण्याचे ठरलेले असताना व टेंडरची मूळ रक्कम ही अत्यंत प्रभावीत करणारी असताना, पुन्हा 13 कोटी रुपये वाढीव दराने, थातुरमातुर टेंडर मुदत वाढ करत कोट्यावधी रुपयांपर्यंत नेले. त्यानंतर ही पुणे कृषी उत्पन्न बाजार समितीचा आधुनिक फुल बाजार 2014 ते अद्यापही 2023 पर्यंत पूर्ण झालेला नाही.?, तसेच उत्तम नगर व खेड शिवापुर उप बाजार समितीच्या कंपाऊंड सुधारणा व पुणे बाजार समितीमध्ये पाणी पुरवठा स्वच्छता गृहा साठी 67.08 कोटी रुपये किमतीचे टेंडर साडे एकोणीस टक्के जादा दराने देऊन त्यातही कोट्यावधी रुपयाचा भ्रष्टाचार केला आहे, तसेच आधुनिक फुल बाजारासाठी सुमारे 50.54 कोटी रुपये इतकी वाढीव तरतूद देऊन टेंडर ते सुमारे 19.50% ज्यादा दराने ऐपत नसलेल्या बनावट ठेकेदाराला मंजूर करून करोडो रुपयांचा आर्थिक घोटाळा केलेला असल्याने तत्कालीन कंत्राटी सचिव बाळासाहेब जयराम देशमुख उर्फ बी जे देशमुख यांची प्रधान सचिव अनुप कुमार यांच्याकडे तक्रार केली होती परंतु माझेच नंतर असे लक्षात आले की चोराची तक्रार आम्ही दरोडेखोराकडे केली! तर निकाल कसा लागेल.! त्यामुळे नंतर संघटनेने 117.62 कोटी रुपयांचे टेंडर घोटाळ्याची तक्रार थेट सन 2019 व 2020 मध्ये दिल्ली येथे जाऊन अंमलबजावणी संचालनालय व महाराष्ट्र राज्याचे लाच लुचपत प्रतिबंधक विभागाकडे तसेच महाराष्ट्र राज्याचे तत्कालीन सहकार पणन सचिव अनुप कुमार यांच्याकडे देखील तक्रार केलेली होती सदर तक्रारीची इन्क्वारी ईडी, सीबीआय कडून झाली परंतु तक्रारदार म्हणून मला स्वतःला त्याबाबत कोणतीही कल्पना दिली गेली नाही आणि संबंधित प्रकरणात खुद्द अनुप कुमार, संतोष पाटील आणि प्रशासक मधुकांत गरड ही अडकल्याने त्यांनी अर्थपूर्ण मैत्री संबंधातून बाळासाहेब जयराम देशमुख उर्फ बी जे देशमुख याने केलेल्या 117. 62 कोटी रुपयांच्या बेकायदेशीर कोट्यवधी रुपयांच्या भ्रष्टाचाराला उघडकीस येऊ दिले नाही, झालेल्या चौकशीत क्लीन चीट दिली. त्यानंतर पुन्हा तक्रार करून लेखापरीक्षा मार्फत चौकशी करण्याची मागणी केल्यानंतर पणन कार्यालयाने त्यांनी अत्यंत भ्रष्ट व मद्यकिंग लेखापरीक्षक वर्ग १, जे पी निगडे याची नेमणूक करून बोगस तपासणी करून त्याच्या निकालाची कॉफी देखील तक्रारदार म्हणून मला दिली नाही म्हणून विठ्ठल पवार राजे यांनी केलेल्या तक्रार दाबण्याचा प्रयत्न जे पी निगडे याचेशी अर्थपूर्ण मैत्रीचे संबंधातून केल्याचा आरोप केला आहे. अत्ता त्यांनी पुन्हा दिनांक १० ऑगस्ट २०२३ रोजी माननीय पणन मंत्री अब्दुल सत्तार साहेब यांची भेट घेऊन त्यांना निवेदन दिले त्यावेळी केला. तसेच माननीय मुख्यमंत्री, गृहमंत्री, कृषी मंत्री, मुख्य सचिव, प्रधान सचिव यांचेकडे देखील लेखी निवेदन दिलेले असून त्या निवेदनाच्या प्रती महाराष्ट्र राज्याचे पणन संचालक शैलेश कोतमिरे, पणन चे डायरेक्टर निंबाळकर सश व अविनाश देशमुख यांची भेट घेऊन सदर प्रकरणी सखोल चौकशी करावी व शेतकरी कष्टकऱ्यांचा पुणे बाजार समितीमध्ये असलेल्या कोट्यावधी रुपयाच्या ठेवी खाणाऱ्या भ्रष्ट अधिकाऱ्यांना तात्काळ निलंबित करावे बडतर्फ करावे त्यांच्या आर्थिक संपत्तीची चौकशी करावी अशी मागणी करत केली आहे ती कठोरपणे चौकशी केली नाही तर आपण संबंधिताविरुद्ध सक्षम न्यायालयामध्ये पुणे कृषी उत्पन्न बाजार समिती मधील आधुनिक फुल बाजार, व कंपाऊंड सुधारणा, पाणी पुरवठा स्वच्छता गृहा बांधकामांचे टेंडर मधील 117.62 कोटी रुपयांचे टेंडर घोटाळ्याच्या चौकशीसाठी दाद मागावी लागेल असा इशारा विठ्ठल पवार राजे यांनी यावेळी पत्रकारांशी बोलताना दिला, यावेळी संघटनेचे संजय वाडे, सुषमा राठोड, मयुर गुजर, अनिल ताडगे, अप्पा नानवटे, विराज भोसले, निवृत्ती भराटे, शेतकरी पदाधिकारी उपस्थित होते.