🟣गिरीजा भोंगळे ठरली स्पर्धेची जनरल चॅम्पियन 🔵महिलांच्या जिल्हास्तरीय विविध स्पर्धांचा बक्षीस वितरण सोहळा संपन्न

🟣गिरीजा भोंगळे ठरली स्पर्धेची जनरल चॅम्पियन

🔵महिलांच्या जिल्हास्तरीय विविध स्पर्धांचा बक्षीस वितरण सोहळा संपन्न

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

(आकाश भाग्यवंत नायकुडे)

अकलूज/मुंबई दिनांक 6/8/2023 : गिरीजा महेश भोंगळे यांनी महिलांच्या जिल्हास्तरीय विविध स्पर्धेची “जनरल चॅम्पियन” ट्रॉफी पटकाविली. श्री विजय गणेशोत्सव मंडळ ट्रस्ट, शंकरनगर-अकलूज यांचे विद्यमाने कै. रत्नप्रभादेवी शंकरराव मोहिते पाटील यांच्या 98 व्या जयंतीनिमित्त दिनांक 16 जुलै ते 6 ऑगस्ट 2023 या कालावधीत दर रविवारी आयोजित केलेल्या महिलांच्या भव्य जिल्हास्तरीय विविध स्पर्धांचा बक्षीस वितरण समारंभ सहकार महर्षि शंकरराव मोहिते पाटील स्मृतीभवन शंकरनगर- अकलूज येथे आज रविवार दिनांक 6 ऑगस्ट रोजी सायंकाळी संपन्न झाला.
श्री विजय गणेशोत्सव मंडळ ट्रस्ट चे अध्यक्ष आणि माजी उपमुख्यमंत्री विजयसिंह शंकरराव मोहिते पाटील यांच्या अध्यक्षतेखाली, सोलापूर जिल्हा परिषदेच्या मुख्य कार्यकारी अधिकारी मनीषा माणिकराव आव्हाळे यांच्या हस्ते बक्षीस वितरण झाले. या सोहळ्याप्रसंगी श्रीमती स्वयंप्रभादेवी उदयसिंह मोहिते पाटील, स्पर्धाप्रमुख व डॉटर मॉम फाउंडेशन अकलूज च्या अध्यक्षा सौ शितलदेवी धैर्यशिल मोहिते पाटील, प्रताप क्रीडा मंडळाच्या अध्यक्षा कु. स्वरूपाराणी जयसिंह मोहिते पाटील, ग्रीन फिंगर्स स्कूलच्या अध्यक्षा सौ. सत्यप्रभादेवी रणजितसिंह मोहिते पाटील, तालुका पंचायत समितीच्या माजी सभापती सौ. वैष्णवीदेवी अर्जुनसिंह मोहिते पाटील, ट्रस्टी लक्ष्मण आसबे, चंद्रकांत कुंभार, फातिमा पाटावाला, श्रीकांत राऊत, तुकाराम जाधव, ॲड. नितीन खराडे, शहाजी रणनवरे, शहीनाज शेख, अभयसिंह माने देशमुख (सेक्रेटरी) इत्यादी उपस्थित होते.

प्रारंभी सहकार महर्षि कै. शंकरराव नारायणराव मोहिते पाटील आणि कै. रत्नप्रभादेवी शंकरराव मोहिते पाटील यांच्या प्रतिमेच्या पूजना नंतर दीप प्रज्वलनाने बक्षीस वितरण सोहळ्याचा शुभारंभ झाला. प्रास्ताविक कु. स्वरूपाराणी जयसिंह मोहिते पाटील यांनी केले.