आपला जिल्हा ताज्या घडामोडी प्रेरक सामाजिक

🟣माळशिरस तालुक्यात “महसूल सप्ताहा अंतर्गत “युवा संवाद” संपन्न 🔵माळशिरस तालुक्यात महसूल दिनापासून “महसूल सप्ताह” अंतर्गत विविध कार्यक्रम सुरू

Chief Editor03/08/2023

175

🟣माळशिरस तालुक्यात “महसूल सप्ताहा अंतर्गत “युवा संवाद” संपन्न

🔵माळशिरस तालुक्यात महसूल दिनापासून “महसूल सप्ताह” अंतर्गत विविध कार्यक्रम सुरू

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

(आकाश भाग्यवंत नायकुडे)

मुंबई दिनांक 3/8/2023 :
महसूल विभागाने वर्षभर केलेल्या विविध लोकाभिमुख कामाचा आढावा जनतेसमोर ठेवण्यासाठी शासकीय स्तरावरून दरवर्षी 1 ऑगस्ट हा दिवस” महसूल दिन ” म्हणून राज्यभर साजरा करण्यात येतो. तसेच यावर्षी लोकाभिमुख कामांचा निपटारा करण्यासाठी महसूल दिनापासून 1 ते 7 ऑगस्ट दरम्यान राज्यभरात “महसूल सप्ताह” साजरा होत आहे.
जनतेला देण्यात येणाऱ्या शासकीय महसुली सुविधा उपलब्ध करून देण्यासाठी एक ऑगस्ट रोजी महसूल दिन साजरा करून महसूल सप्ताहाचा शुभारंभ करण्यात आला. दिनांक २ ऑगस्ट रोजी तीन वेगवेगळ्या ठिकाणी युवा संवादाचे आयोजन करण्यात आले होते.आज तीन ऑगस्ट रोजी “एक हात मदतीचा” कार्यक्रम होत आहे. या महसूल सप्ताहा अंतर्गत दिनांक 4 ऑगस्ट रोजी “जनसंवाद”, पाच ऑगस्ट रोजी “सैनिक हो तुमच्यासाठी”, सहा ऑगस्ट रोजी “महसूल संवर्गातील कार्यरत /सेवानिवृत्त अधिकारी/ कर्मचारी संवाद”, तर सात ऑगस्ट रोजी “महसूल सप्ताह सांगता समारंभ” होणार आहे.
महसूल सप्ताह अंतर्गत दुसऱ्या दिवशी (दि.2) अकलूज आणि यशवंतनगर येथे तीन वेगवेगळ्या ठिकाणी नामदेव टिळेकर (उपविभागीय अधिकारी माळशिरस विभाग अकलूज) आणि तहसिलदार सुरेश शेजूळ यांनी युवा संवाद मध्ये मार्गदर्शन केले.
दिनांक 2 ऑगस्ट रोजी अकलूज येथे ज्ञानसेतू अकॅडमी मध्ये प्रांताधिकारी नामदेव टिळेकर आणि तहसिलदार सुरेश शेजूळ यांनी “युवा संवाद” अंतर्गत मार्गदर्शन केले.

त्याप्रसंगी मार्गदर्शन करताना प्रांताधिकारी नामदेव टिळेकर.

रत्नाई कृषी महाविद्यालय अकलूज येथे युवा संवाद मध्ये प्रांत अधिकारी आणि तहसीलदार यांनी मौलिक मार्गदर्शन केले. त्याप्रसंगी मार्गदर्शन करताना तहसीलदार सुरेश शेजूळ.

यशवंतनगर तलाठी कार्यालयात अकलूज कृषी उत्पन्न बाजार समितीचे सभापती मदनसिंह मोहिते पाटील यांच्या प्रमुख उपस्थितीमध्ये प्रांताधिकारी व तहसिलदार यांनी “युवा संवाद” मध्ये विविध दाखल्यांचे वाटप करण्यात आले.
महसूल सप्ताह च्या दुसऱ्या दिवशी झालेल्या “युवा संवाद” मध्ये उपविभागीय अधिकारी माळशिरस विभाग अकलूज नामदेव टिळेकर, तहसिलदार सुरेश शेजूळ, निवासी नायब तहसिलदार अमोल कदम, निवडणूक नायब तहसिलदार प्रवीण सूळ, अकलूज मंडलाधिकारी चंद्रकांत भोसले, अकलूज वरिष्ठ तलाठी किसनराव शिंदे, तलाठी गणेश भानवसे, तलाठी नवनाथ मोरे, तलाठी संजय माने, तलाठी श्रीमती निकम यांचेसह कोतवाल सुभाष मोरे, संजय डावरे, प्रवीण गोडसे तसेच महा-ई-सेवा चालक मालक, बी. एल. ओ. विद्यार्थी, विद्यार्थिनी, शिक्षक, ग्रामस्थ, सामाजिक कार्यकर्ते उपस्थित होते.