🟢केळी संशोधन केंद्रासाठीची मंजुरी शासनाकडून आणण्याचे आ. मोहिते पाटील यांचे आश्वासन

🟢केळी संशोधन केंद्रासाठीची मंजुरी शासनाकडून आणण्याचे आ. मोहिते पाटील यांचे आश्वासन

🟣 योजनांच्या जाचक अटी मुळे शेतकरी वंचित तर हतबल अधिकाऱ्यांची उदासीनता उघड

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

(आकाश भाग्यवंत नायकुडे)

अकलूज/मुंबई दिनांक 1/8/2023 : सोलापूर जिल्ह्यात करमाळा तालुक्यातील शेलगाव येथे राहुरी कृषी विद्यापीठ व कृषी खात्याच्या 104 एकर क्षेत्रावर केळी संशोधन केंद्र उभारण्याचे अकलूज येथील बैठकीत निश्चित करण्यात आले यासाठी लागणारी मंजुरी व परवानगी राज्य शासनाकडून आणण्याचे आश्वासन बैठकीचे निमंत्रक आमदार रणजितसिंह विजयसिंह मोहिते पाटील यांनी दिले. केळी, डाळिंब, द्राक्ष इत्यादी फळबागां बाबत माळशिरस, माढा, करमाळा, पंढरपूर तालुक्यातील पदाधिकारी, विविध खात्यांचे वरिष्ठ अधिकारी यांची संयुक्त बैठक आ. रणजितसिंह मोहिते पाटील यांनी बोलाविली होती. सहकार महर्षि साखर कारखान्याच्या उदय सभागृह येथे आज (दि.1 ऑगस्ट) संपन्न झालेल्या या बैठकीत शेलगाव येथे केळी संशोधन केंद्र उभारण्याचे धोरण ठरले.
शेतकऱ्यांसाठी असणाऱ्या केळी, डाळिंब, द्राक्ष फळबाग योजना प्रत्यक्षात राबविताना सरकारच्या काही अटींमुळे अडचणी आल्याने त्यापासून शेतकऱ्यांना वंचित राहावे लागत आहे तर याबाबतीत अधिकारी उदासीन असल्याचे शेतकरी प्रतिनिधींनी सांगितले. तर सरकारने जाहीर केलेल्या योजनेतील अटी बदलण्याचा आम्हाला अधिकार नाही. अशी हतबलता अधिकाऱ्यांनी व्यक्त केली.
येथून पुढे तीन महिन्यानंतर या बैठकीच्या आढाव्याची बैठक घेण्यात येईल. ठरलेली कामे वेळेत पूर्ण झाली नाहीत किंवा कामात अधिकाऱ्यांनी कसूर ठेवला तर त्या संदर्भातील थेट अहवाल आणि तक्रार दोन्ही उपमुख्यमंत्री देवेंद्र फडणवीस व अजित पवार यांच्याकडे केली जाईल अशी तंबी द्यायला आमदार रणजितसिंह मोहिते पाटील विसरले नाहीत.
या बैठकीस माजी आमदार नारायण पाटील, भाजपा नेते धैर्यशिल राजसिंह मोहिते पाटील, मनरेगाच्या उपजिल्हाधिकारी चारुशीला देशमुख, जिल्हा कृषी अधीक्षक गावसाने, अकलूज उपविभागीय अधिकारी नामदेव टिळेकर, सार्वजनिक बांधकाम कार्यकारी अभियंता सुनीता पाटील, राज्य केळी उत्पादक महासंघाचे अध्यक्ष किरण चव्हाण, द्राक्ष बागातदार संघाचे जिल्हाध्यक्ष प्रशांत देशमुख, सवितादेवी राजे भोसले, शिवाजीराव कांबळे, भारत पाटील, अजित तळेकर, केळी महासंघ जिल्हाध्यक्ष महेंद्र पाटील, माळशिरस तालुका पंचायत समितीचे माजी उपसभापती अर्जुनसिंह मोहिते पाटील, प्रतापराव पाटील, शिवतेजसिंह मोहिते पाटील इत्यादी उपस्थित होते.