🟣नवीन बस गाड्या वाढवा विद्यार्थ्यांची प्रवास समस्या सोडवा 🔵कारंजा नागरी समस्या संघर्ष समितीची शासनाकडे मागणी

🟣नवीन बस गाड्या वाढवा
विद्यार्थ्यांची प्रवास समस्या सोडवा

🔵कारंजा नागरी समस्या संघर्ष समितीची शासनाकडे मागणी

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

(वर्धा जिल्हा प्रतिनिधी)

कारंजा ( घा.) दिनांक 29/7/2023 : तळेगाव डेपोला वाढीव नवीन बस गाड्या वाढवा
विद्यार्थ्यांची प्रवास समस्या सोडवा
अशी मागणी कारंजा नागरी समस्या संघर्ष समितीने एका निवेदनाद्वारे शासनाकडे केली आहे. अशी माहिती अकलूज वैभव, वृत्त एकसत्ता, aklujvaibhav.in चे संस्थापक संपादक भाग्यवंत लक्ष्मण नायकुडे यांना नागरी समस्या संघर्ष समितीच्या वतीने वर्धा जिल्हा प्रतिनिधी विनोद चाफले यांनी सांगितली.
कारंजा तालुक्याकरता तळेगाव डेपो च्या बस गाड्या चालतात. परंतु तालुक्यातील नागरिकांना व शालेय विद्यार्थ्यांना अपुऱ्या व स्क्रॅप बसेसमुळे अनेक अडचणीचा सामना करावा लागत आहे. तळेगाव डेपोकडे फक्त २० बसेस आहे. त्यापैकी ४ ते ५बसेस नेहमी नादुरुस्त असतात व त्या वर्कशॉपला असतात. त्यापैकी म्हणजे १५ च गाड्या मार्गस्थ असतात. २० गाड्यापैकी १० गाड्या जवळपास स्क्रॅपला आल्या आहे. या डेपोतील गाड्यांना दररोज ८००० कि.मी.अंतर कापायचे असते. त्यापैकी ४००० कि.मी.शालेय फेऱ्या आहे.
तळेगाव डेपो कडून २५०० मुली अहिल्याबाई होळकर फ्री पासेसची सवलत घेत आहे.तर २००० मुले विद्यार्थी प्रवास सवलतीचा लाभ घेत आहे. म्हणजे जवळपास ४५०० हजार विद्यार्थी दररोज प्रवास करतात.
त्यापैकी कारंजा तालुक्यातील बहुसंख्य विद्यार्थी तळेगाव डेपोच्या बस द्वारे प्रवास करतात परंतु तळेगाव डेपोने कारंजा तालुक्याकरीता फक्त ६ गाड्या उपलब्ध करून दिल्या आहे. कारंजा तालुक्यातील वाढीव विद्यार्थी संख्येनुसार आणि तालुक्यातील १०० खेड्यांच्या तुलनेने या ६ गाड्या कमी पडतात. त्यामुळे विद्यार्थी आणि नागरीकांना प्रवासाच्या अनेक समस्या उद्भवत आहे. यापूर्वी विद्यार्थ्यांनी, नागरिकांनी तळेगाव डेपोकडे अनेकदा वाढीव गाड्यांची मागणी केलेली आहे. परंतु डेपो कडे गांड्याची संख्याच कमी असल्याकारणानें जास्तीच्या गाड्या कारंजा करीता देऊ शकत नाही असे डेपो व्यवस्थापक यांच्या कडून नेहमी सांगितल्या जाते.
कारंजा बसस्थानक वरून एकूण ११२ फेऱ्या सुटतात. या ६ बसेस पैकी काही बसेस स्क्रॅप आहे. यापैकी एखादी गाडी ब्रेक डाऊन झाली किंवा नादुरुस्त झाली तर संपूर्ण शेड्युल बिघडते.कारंजा तालुक्यात जवळपास १०० खेडीआहे. या खेड्यातून अनेक विद्यार्थी शालेय शिक्षण घेण्याकरीता कारंजा येथे येतात. गाड्या कमी असल्याकारणाने आणि त्यातील काही गाड्या स्क्रॅप असल्या कारणाने अनेकदा विद्यार्थ्यांना रात्री उशिरापर्यंत बस स्थानकावर ताटकळत राहावे लागते. कधी शाळेला मुकावे लागते, तर कधी शाळेत उशिरा पोहोचावे लागते, विद्यार्थ्यांना कधी अर्धवट शाळा सोडून बसच्या लगबगीने गावी जावे लागते, महिला सन्मान योजनेअंतर्गत महिलांना अर्ध्या टिकीट मध्ये प्रवास सोडत मिळाल्यामुळे बस गाड्यांमध्ये महिलांची गर्दी वाढलेली आहे. परंतु बसची संख्या मात्र वाढली नाही. त्यामुळे शालेय विद्यार्थ्यांना गर्दी मधून दाटीवाटीने प्रवास करावा लागत आहे.अशा अनेक समस्यांचा सामना कारंजा तालुक्यातील शालेय विद्यार्थ्यांना अपुऱ्या असलेल्या व आहे त्यापैकी स्क्रॅप असलेल्या गाड्यांमुळे करावा लागत आहे.
त्यामुळे विद्यार्थ्यांची ही प्रवासाची मूलभूत समस्या लक्षात घेऊन आणि विद्यार्थ्यांचे त्यामुळे होणारे शालेय नुकसान लक्षात घेऊन महाराष्ट्र शासनाने तळेगाव डेपोला जास्तीच्या नवीन बस गाड्या उपलब्ध करून द्याव्या व तळेगाव डेपोने कारंजा तालुक्याकरता गाड्या वाढवाव्या. अशी मागणी कारंजा नागरी समस्या संघर्ष समितीने तहसीलदार ऐश्वर्या गिरी यांच्या मार्फत निवेदन देऊन मुख्यमंत्री तथा परिवहन मंत्री एकनाथ शिंदे यांच्याकडे केली आहे. व विभाग नियंत्रक वर्धा यांच्याकडे सुद्धा निवेदन पाठविले आहे. निवेदन देतेवेळी कारंजा नागरी समस्या संघर्ष समितीचे पदाधिकारी उपस्थित होते.