🟢गारपीट व अवकाळी पावसामुळे सोलापूर जिल्ह्यात झालेल्या नुकसानीची भरपाई लवकर मिळावी 🔵आ.रणजितसिंह मोहिते पाटील यांची विधानपरिषदेत मागणी

🟢गारपीट व अवकाळी पावसामुळे सोलापूर जिल्ह्यात झालेल्या नुकसानीची भरपाई लवकर मिळावी

🔵आ.रणजितसिंह मोहिते पाटील यांची विधानपरिषदेत मागणी

Akluj Vaibhav News Network.
Chief Editor : Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

(आकाश भाग्यवंत नायकुडे यांज कडून)

मुंबई  दिनांक 21/7/2023 : मार्च, एप्रिल व मे २०२३ या महिन्यांच्या कालावधीत वादळीवारे ,गारपीट, अवकाळी पावसाने राज्यासहीत सोलापूर जिल्ह्याला झोडपले होते, राज्यातील
शेतकऱ्यांच्या १ लाख ९९ हजार ४८६ हेक्टर वरील पिकांचे नुकसान झाले होते. तर सोलापूर जिल्ह्यामध्ये ३७८५ हेक्टर वरील शेतीपिकांचे नुकसान झाल्याची माहिती जिल्हा प्रशासनाने शासनाकडे पाठवली होती. या नुकसानग्रस्त शेतकऱ्यांना ताबडतोब आर्थिक मोबदला मिळावा या संदर्भात आ.रणजितसिंह मोहिते-पाटील यांनी विधानपरिषदेत सरकारकडे मागणी केली.
मार्च, एप्रिल व मे २०२३ या कालावधीत झालेल्या वादळीवारे, अवकाळी पाऊस व गारपीटीमुळे झालेल्या सोलापूर जिल्ह्यात करमाळा, माढा, माळशिरस अक्कलकोट, पंढरपुर सह काही तालुक्यात मयत व्यक्ती 3 ,मयत जनावरे ६२ अंशत: घरपडझड ३९२, नष्ट झालेल्या झोपडया २० जनावरांच्या गोठा ६, व शेतीपिकांचे बाधित ३७८५ हेक्टर असल्याची माहीती जिल्हा प्रशासनाने संकलीत केली होती. त्यानुसार ७७०१४६८०/- रूपयांचे अनुदान शासन स्तरावर प्रस्तावित होते.
सद्यस्थितीत ग्रामीण भागात पावसाने दडी मारलेली आहे. बहुतांश ठिकाणी पेरण्या खोळंबल्या आहेत. काही ठिकाणी दुबार पेरणीचे संकट आहे. अशा परिस्थितीत अवकाळी पावसामुळे व वादळी वाऱ्यामुळे कडधान्य, फळपिके व भाजीपाला इ. पिकांचे व मालमत्तांचे नुकसान झाले. गारपीटीमुळे विविध भागातील जनावरे दगावणे, पावसामुळे शेत जमिनीची प्रचंड धुप होऊन बांध बंदिस्ती अनेक ठिकाणी वाहून गेल्याचे शेतकऱ्यांचे प्रचंड नुकसान झाले. त्यांना तात्काळ मदत मिळावी म्हणून आ.रणजितसिंह मोहिते-पाटील यांनी सभागृहात प्रश्न उपस्थित केला. त्यावर मदत व पुनर्वसन मंत्र्यांनी बाधितांना लवकरात लवकर नुकसान भरपाई देण्याची
प्रक्रीया सुरु असल्याचे सांगितले.
यावेळी सभागृहात झालेल्या चर्चेत आ.रमेश कराड, विरोधी पक्षनेते अंबादास दानवे, प्रविण दटके, उमा खापरे व अन्य सदस्य सहभागी झाले होते.