🟣राज्यात केळी विकास महामंडळ दोन महिन्यात स्थापन करणार 🟠आ.रणजितसिंह मोहिते-पाटील यांच्या प्रश्नाला फलोत्पादन मंत्र्यांचे उत्तर

🟣राज्यात केळी विकास महामंडळ दोन महिन्यात स्थापन करणार

🟠आ.रणजितसिंह मोहिते-पाटील यांच्या प्रश्नाला फलोत्पादन मंत्र्यांचे उत्तर

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

(आकाश भाग्यवंत नायकुडे यांज कडून)

मुंबई दिनांक 21/7/2023 : आज विधिमंडळाच्या पावसाळी अधिवेशनात बोलतांना राज्यात केळी विकास महामंडळ स्थापन करण्याबाबत प्रश्न आ.रणजितसिंह मोहिते पाटील यांनी उपस्थित केला. त्यास अनुसरुन सोलापूर जिल्ह्यातील केळी निर्यात सर्वाधिक असल्याने केंद्र सरकारच्या केळी निर्यात क्षेत्रात सोलापुर जिल्ह्याचा समावेश करण्याची मागणी केली.
महाराष्ट्रात केळीचे सर्वात जास्त उत्पादन जळगाव जिल्ह्यात होत असले तरी केळीची सर्वाधिक निर्यात सोलापूर जिल्ह्यातून होते. गेल्या वर्षी राज्यातुन निर्यात झालेल्या २४ हजार कंटेनर पैकी १२ हजार कंटेनर केळी सोलापुर जिल्ह्यातुन निर्यात झाली आहे. केळीच्या लागवडीखालील क्षेत्रातही दिवसेंदिवस वाढ होत आहे. त्या अनुषंगाने सोलापूर जिल्ह्यात केळी संशोधन केंद्र स्थापन करण्याबाबत शासनाने लवकरात लवकर कार्यवाही करण्याची विनंती केली.
यावेळेस फलोत्पादन विभागाचे मंत्री संदीपानराव भुमरे यांनी स्मार्ट प्रकल्पांतर्गत स्थापन करण्यात येत असलेल्या केळी पीक परिषदेचे उद्देश व त्याअंतर्गत समाविष्ट बाबी विचारात घेवून केळी विकास महामंडळाचा प्रस्ताव अंतिम करण्याची कार्यवाही कृषी आयुक्त स्तरावर सुरु असून लवकरच केळी विकास महामंडळ स्थापन करणार असल्याचे सांगितले. साधारण दोन महिन्यात केळी विकास महामंडळाची अंतिम स्थापना करण्यात येईल असे त्यांनी अश्वासित केले.
राज्यात १ लाख १८ हजार हेक्टरपेक्षा जास्त क्षेत्रावर केळी लागवड होत असून,राज्यातुन १ लाख ६३ हजार टन केळीची निर्यात होत आहे. जळगाव, सोलापूर, नांदेडसह ९ जिल्ह्यात केळी उत्पादक शेतकऱ्यांची संख्या अधिक आहे.महाराष्ट्रात सर्वाधिक निर्यातक्षम केळीचे उत्पादन होते. २०२२ मध्ये महाराष्ट्रातुन सुमारे २४ हजार कंटेनर केळी एक्सपोर्ट झाली यातील सुमारे १२ हजार कंटेनर सोलापुर जिल्ह्यातुन एक्सपोर्ट झाली.महाराष्ट्रात सर्वाधिक केळीचे उत्पादन जळगाव जिल्ह्यात होते पण केळीची सर्वाधिक निर्यात सोलापुर जिल्ह्यातुन होते. त्या दृष्टीने केंद्र सरकारच्या वाणिज्य मंत्रालया अंतर्गत २० राज्यातील २३० जिल्ह्यात ६० कृषी निर्यात क्षेत्रांना मान्यता दिली आहे.
राज्यातील जळगाव, धुळे, नंदुरबार, वर्धा, परभणी, हिंगोली, नांदेड या ८ जिल्ह्यांचा केळीच्या निर्यात क्षेत्रात समावेश आहे. राज्यात केळी निर्यातीत अव्वल क्रमांकावर असलेल्या सोलापुर जिल्ह्याचा केंद्र सरकारच्या केळी निर्यात क्षेत्रात समावेश करण्यासाठी शासनाने प्रयत्न करण्याची गरज विषद केली. यावर बोलताना फलोत्पादन मंत्र्यांनी महाराष्ट्र शासन केंद्र सरकारच्या कृषी निर्यात क्षेत्रात सोलापुरचा समावेश करण्यासाठी योग्य प्रकारे पाठपुरावा करेल असे सांगितले.
महाराष्ट्रात केळीचे सर्वात जास्त उत्पादन जळगाव जिल्ह्यात होत असले तरी केळीची सर्वाधिक निर्यात सोलापूर जिल्ह्यातून होते.गेल्या वर्षी राज्यातुन निर्यात झालेल्या २४ हजार कंटेनर पैकी १२ हजार कंटेनर केळी सोलापुर जिल्ह्यातुन निर्यात झाली आहे. केळीच्या लागवडीखालील क्षेत्रातही दिवसेंदिवस वाढ होत आहे त्या अनुषंगाने उत्पादन आणि गुणवत्ता वाढवण्याच्या दृष्टी निर्यातीत आघाडीवर असलेल्या सोलापुर जिल्ह्यात केळी संशोधन केंद्र स्थापन करण्याबाबत शासनाने लवकर कार्यवाही करण्याची विनंती केली यावर फलोत्पादन मंत्र्यांनी शासनाकडे प्रस्ताव आल्यानंतर त्यावर त्वरीत कार्यवाही करण्यात येईल असे सांगितले. यावेळी सभागृहात झालेल्या चर्चेत विरोधी पक्षनेते अंबादास दानवे, आ.एकनाथ खडसे, आ.सुरेश धस सहभागी झाले होते.