🟣उपमुख्यमंत्री अजित पवार आव्हाडांना खिंडीत गाठणार; 🔵 मतदारसंघातच मोठं आव्हान, 🟢उमेदवारीसाठी मोहरा शोधला!

🟣उपमुख्यमंत्री अजित पवार आव्हाडांना खिंडीत गाठणार;
🔵 मतदारसंघातच मोठं आव्हान,
🟢उमेदवारीसाठी मोहरा शोधला!

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

अकलूज दिनांक 09/07/2023 :
उपमुख्यमंत्री अजित पवार(Ajit Pawar) यांनी राष्ट्रवादीतून बंड पुकारल्यावर थेट यांना आव्हान दिले तसेच राष्ट्रवादीचे नेते आणि मतदारसंघातील आमदार यांचा ठाण्याचा पठ्ठ्या असा उल्लेख करत जोरदार टीका केली. या बंडानंतर आता ठाण्यात आमदार जितेंद्र आव्हाड(Jitendra Aawad ) यांना शह देण्यासाठी अजित पवार गटातून नजीब मुल्ला यांना निवडणुकीच्या रिंगणात उतरवणार असल्याच्या चर्चांना उधाण आले आहे. त्यामुळे आव्हाडांसमोर आव्हान उभे राहणार आहे. राज्यातील राजकीय समीकरण बदलल्यानंतर आता ठाण्यातही वेगानं समीकरण बदलताना पाहायला मिळत आहे. राष्ट्रवादी पक्ष फुटल्यानंतर शरद पवार (Sharad Pawar)आणि अजित पवार(Ajith Pawar) असे दोन गट झालेले पाहायला मिळाले आहेत. मात्र या फुटीनंतर अजित पवार यांनी थेट शरद पवार यांना आव्हान देत आव्हाडांवर निशाणा साधला. फुटीनंतर दोन्ही गटातून शक्तिप्रदर्शन सुरू असून दोन्ही गट एकमेकांना शह देण्याच्या उद्देशाने निवडणुकीच्या रिंगणात उतरणार आहेत. कळवा मुंब्रा मतदारसंघातून राष्ट्रवादीचे आमदार जितेंद्र आव्हाड हे २००९ ला १६ हजार मत्तांनी निवडून आले. तेव्हापासून अद्याप आमदार म्हणून निवडून येत आहेत. मात्र त्यांना शह देण्यासाठी अनेक प्रयत्न सुरू आहेत. आगामी पार पडणाऱ्या निवडणुकीत जितेंद्र आव्हाड यांना आव्हान देण्यासाठी अजित पवार गटातून नजीब मुल्ला(Najib Mulla) हे निवडणुकीच्या रिंगणात उतरणार असल्याच्या चर्चा जोरदार सुरू आहेत. याबाबत नजीब मुल्ला(Najib Mulla) यांनी दोन दिवसांपूर्वी पत्रकारांशी संवाद साधताना पक्षाकडून जी जबाबदारी देण्यात येईल ती पार पडणार असल्याचे सांगितले. आव्हाडांपुढे मुल्ला यांचं आव्हान.. २००९ मध्ये आव्हाड यांनी कळवा मुंब्रा विधानसभा क्षेत्रातून निवडणूक लढवली आणि १६ हजार मतांनी विजयी झाले. त्यांनतर २०१४, २०१९ असे लागोपाठ निवडून आले. मात्र शिवसेना पक्ष फुटीनंतर आव्हाडांच्या आमदारकीसाठी विविध अडचणी निर्माण होऊ लागल्या. शिवसेना फुटीनंतर शिंदे गटाकडून आव्हाडांवर अनेक आरोप-प्रत्यारोप करण्यात आले. तसेच त्या दरम्यान आव्हाडांच्या विरोधात अनेक तक्रारी देखील दाखल झाल्या. या तक्रारी सुडापोटी आपल्याविरोधात दाखल करण्यात आल्या असून माझी प्रतिमा मलीन करण्यासाठी हे सुडाचं राजकारण सुरू असल्याचा आरोप आव्हाडांनी केला होता. हे सर्व सुरू असताना राष्ट्रवादीत दोन गट पडल्यानंतर कळवा मुंब्रा येथून आव्हाड यांना शह देण्यासाठी उपमुख्यमंत्री अजित पवार (Ajit Pawar)गटाकडून नजीब मुल्ला यांना विधानसभेची उमेदवारी देण्यात येणार असल्याचे बोलले जात आहे. नजीब मुल्ला यांची मुंब्रा येथे पकड मजबूत असल्यामुळे आव्हाडांसमोर पुन्हा एक नवीन आव्हान उभे राहणार असल्याचं बोललं जात आहे.