सहकार महर्षि अभियांत्रिकी महाविद्यालया मध्ये पंडित जवाहरलाल नेहरू यांची जयंती संपन्न
अकलूज वैभव न्यूज नेटवर्क
आकाश भाग्यवंत नायकुडे,
मुंबई दिनांक 14/11/2025 :
सहकार महर्षि शंकरराव मोहिते पाटील इन्स्टिट्यूट ऑफ टेक्नॉलॉजी अँड रिसर्च शंकरनगर, अकलूज या अभियांत्रिकी महाविद्यालयामध्ये पंडित जवाहरलाल नेहरू यांची जयंती उत्साहात साजरी करण्यात आली. या प्रसंगी महाविद्यालयाचे प्राचार्य डॉ. प्रवीण ढवळे, महाविद्यालय समन्वयक, कार्यालयीन अधिक्षक, सर्व विभागाचे विभाग प्रमुख शिक्षक, शिक्षकेत्तर कर्मचारी व विद्यार्थी उपस्थित होते.
प्राचार्यांच्या हस्ते पंडित जवाहरलाल नेहरू यांच्या प्रतिमेचे पूजन करण्यात आले. तसेच अभियांत्रिकी प्रथम वर्ष पदवी विभागातील विद्यार्थिनी कु. ज्ञानेश्वरी सरगर यांनी पंडित जवाहरलाल नेहरू यांच्या जयंती निमित्त आपले मनोगत व्यक्त केले.
महाविद्यालयाच्या प्राचार्यांनी पंडित जवाहरलाल नेहरू यांची जयंती व चिल्ड्रन्स डे च्या सर्वांना शुभेच्छा देवून सांगितले कि आयुष्यामध्ये मुलांनी स्ट्रगल करणे व व्यवहार ज्ञान घेणे गरजेचे आहे.
सदर कार्यक्रम यशस्वीरित्या पार पाडण्यासाठी समन्वयक म्हणून प्रा. भारती चंदनकर व सूत्रसंचालन म्हणून कु.गौरी जाधव व चि.शिवराज शिंदे यांनी काम पाहीले.
