🔰 मुख्याधिकारी सचिन पाटील यांचा माळशिरस तालुका काँग्रेस कमिटीने केला सन्मान 💢 अत्यावश्यक मूलभूत सेवा सुविधांवर चर्चा

🔰 मुख्याधिकारी सचिन पाटील यांचा माळशिरस तालुका काँग्रेस कमिटीने केला सन्मान
💢 अत्यावश्यक मूलभूत सेवा सुविधांवर चर्चा

अकलूज वैभव न्यूज नेटवर्क
आकाश भाग्यवंत नायकुडे,
मुंबई दिनांक 28/10/2025 :
माळशिरस तालुका काँग्रेस कमिटीच्या वतीने अध्यक्ष गिरीश प्रभाकर शेटे यांनी अकलूज नगरपरिषदचे नूतन मुख्याधिकारी सचिन पाटील यांचा सन्मान केला.
मंगळवार दिनांक 28 ऑक्टोबर 2025 रोजी दुपारी सव्वा बारा वाजण्याच्या सुमारास अकलूज नगर परिषदेत संपन्न झालेल्या या सन्मान सोहळ्याप्रसंगी [ फोटो नुसार] मुख्याधिकारी सचिन पाटील, नॅशनल युनियन ऑफ बॅकवर्ड एससी एसटी अँड मायनॉरिटी महासंघ दिल्ली अर्थात एनयूबीसी चे महाराष्ट्र प्रदेश उपाध्यक्ष, राज्य संपर्क व प्रसिद्ध प्रमुख पत्रकार भाग्यवंत लक्ष्मण नायकुडे, युवक नेते यशराज गिरीश शेटे, जिल्हा काँग्रेस कमिटी वरिष्ठ उपाध्यक्ष बाळासाहेब आप्पासाहेब मगर, तालुकाध्यक्ष गिरीश प्रभाकर शेटे, चंद्रशेखर प्रभाकर शेटे, पाक्षिक वृत्त एकसत्ता चे कार्यकारी संपादक विलासनंद विठ्ठल गायकवाड इत्यादी मान्यवर उपस्थित होते.
सन्मान सोहळ्यानंतर अकलूज नगर परिषद हद्दीतून जाणाऱ्या टेंभुर्णी माळशिरस हम रस्त्यावर जुना एसटी स्टँड चौक ते अशोका चौक हम रस्त्यावर असणारे मोठमोठे खड्डे, गांधी चौक ते माळशिरस रोड वरील ओढ्या पर्यंत दुतर्फा गटार, महावीर स्तंभ ते नवीन एसटी स्टँड पाठीमागील रस्ता, अकलूज शहरात महिलांसाठी व पुरुषांसाठी स्वच्छता गृह इत्यादी विविध समाज उपयोगी मूलभूत आणि अत्यावश्यक सोयी सुविधां ची उपलब्धता तातडीने करण्याविषयी काँग्रेस कमिटीच्या वतीने चर्चा घडवून मागणी करण्यात आली.