🟡 मनाची शुद्धता

🟡 मनाची शुद्धता

अकलूज वैभव न्यूज नेटवर्क
संकलक : आकाश भाग्यवंत नायकुडे,
मुंबई दिनांक 24/10/2025 :
आपण कितीही प्रगती केली, अवकाशात झेप घेतली, सागराच्या तळाशी जाऊन पोहोचलो तरी निसर्ग आपल्यापेक्षा श्रेष्ठ आहे हे निश्चित.
पृथ्वीतलावर मानवाने भरपूर प्रगती केली. नद्या आडवल्या, धरणे बांधली, गगनचुंबी इमारती बांधल्या. वृक्ष-वेलींचे, पिकांच्या, प्राण्यांच्या नवीन संकरीत जाती शोधून काढल्या. तंत्रज्ञान, कृत्रिम बुद्धिमत्ता, अवयवरोपण अशा विविध क्षेत्रात प्रगती केली.
मात्र नैसर्गिक आपत्तीवर अजून मात करू शकलो नाही असे म्हटले तर वावगे ठरणार नाही. पावसाच्या अतिरेक, भूस्खलन, भूकंप, दुष्काळ अशा गोष्टी आपण टाळू शकत नाही. त्यावर मात करणे दुरापास्त आहे.
आजचा संकल्प
मानव म्हणजे आपण कितीही सुधारलो, मोठे झालो तरी निसर्गापुढे आपण खूप लहान आहोत हे लक्षात घेऊ व सर्वश्रेष्ठ निसर्गाचे मोठेपण मान्य करू.
सौ. स्नेहलता स. जगताप.