सहकार महर्षि अभियांत्रिकी महाविद्यालयांमध्ये दुर्गाफेस्ट २०२५ निमित्त “स्वस्थ नारी – सशक्त परिवार” या उपक्रमाअंतर्गत विशेष आरोग्य तपासणी शिबिर संपन्न
सहकार महर्षि अभियांत्रिकी महाविद्यालयांमध्ये दुर्गाफेस्ट २०२५ निमित्त “स्वस्थ नारी – सशक्त परिवार” या उपक्रमाअंतर्गत विशेष आरोग्य तपासणी शिबिर संपन्न
अकलूज वैभव न्यूज नेटवर्क
आकाश भाग्यवंत नायकुडे, मुंबई.
दिनांक 26/09/2025 :
अकलूज येथील सहकार महर्षी शंकरराव मोहिते पाटील इन्स्टिट्यूट ऑफ टेक्नॉलॉजी अँड रिसर्च, शंकरनगर, अकलूज येथे महिला तक्रार व निवारण समिती व प्राथमिक आरोग्य केंद्र, शंकरनगर यांचे संयुक्त विद्यमाने” स्वस्थ नारी – सशक्त परिवार” या अभियाना अंतर्गत महिला व विद्यार्थिनींसाठी विशेष आरोग्य तपासणी शिबिराचे आयोजन महाविद्यालय विकास समिती अध्यक्षा स्वरूपाराणी जयसिंह मोहिते पाटील यांच्या मार्गदर्शनाखाली दुर्गाफेस्ट २०२५ निमित्त करण्यात आल्याची माहिती महाविद्यालयाचे प्राचार्य डॉ. प्रवीण ढवळे यांनी दिली.
या शिबिरात प्रथमिक आरोग्य केंद्रातील आरोग्य सहाय्यीका सुप्रिया मोरे, फैजुनिसा शेख, लॅब टेक्निशियन सुवर्णा कारंजे तसेच आरोग्य सेवक विलास झुरुळे व अविराज पालवे तसेच आशा वर्कर्स व इतर कर्मचारी यांनी सर्व महिला कर्मचारी व विद्यार्थिनींची आरोग्य तपासणी केली. यामध्ये हिमोग्लोबिन, बीपी, कॅल्शियम, थायरॉईड यांसारख्या प्राथमिक तपासण्या करण्यात आल्या. डॉक्टरांनी तपासणीनंतर आहार, व्यायाम, मानसिक स्वास्थ्य आणि नियमित वैद्यकीय तपासणी याविषयी आवश्यक मार्गदर्शन दिले. विद्यार्थिनींनी उत्साहाने या शिबिरात सहभाग घेतला व आपले आरोग्य जपण्यासाठी आवश्यक ती खबरदारी घेण्याचा संकल्प केला.
कार्यक्रम यशस्वीपणे पार पाडण्यासाठी कार्यक्रमाचे समन्वयक म्हणून प्रा. प्रगती पाटील यांनी काम पाहिले.
कार्यक्रमाचे सूत्रसंचालन प्रा. सुजाता रिसवडकर यांनी केले तर आभार प्रदर्शन प्रा. प्रगती पाटील यांनी केले.
