🟢 मनाची शुद्धता

🟢 मनाची शुद्धता

अकलूज वैभव न्यूज नेटवर्क 
वृत्त एकसत्ता न्यूज
संकलक : आकाश भाग्यवंत नायकुडे
मुंबई दिनांक 31/8/2025 :
पालक म्हणून आपली काही कर्तव्ये, असतात. घरात पालक म्हणून जबाबदारीने वागत असताना मुलांकडून आपल्या काही अपेक्षा असतात. त्यांनी आपल्या म्हणण्याप्रमाणे वागावे असे तर प्रत्येक पालकांना वाटते.
आपण ज्या गोष्टींच्या मुलांच्याकडून अपेक्षा करतो त्या आपल्या वर्तनात असतात का? आपल्या वर्तनातून, त्यांनी केलेल्या निरिक्षणातून मुले अनेक गोष्टींचे अनुकरण करतात. त्यासाठी आपले लवकर उठणे, व्यायाम करणे, वेळेला महत्व देणे वगैरे गोष्टी महत्वाच्या असतात.
संस्कार शिकवायचे नसतात, ते होतात. दररोज मुलांशी गप्पा माराव्यात. त्यांच्या अभ्यासाची, इतर गोष्टींची चौकशी करावी. देवधर्म, कुलाचार, पारंपरिक सण, उत्सव साजरे करताना त्यांचा सहभाग असावा. घरातील मोठ्यांचा आपण आदर करत असू तर मुलांना वेगळे शिकवावे लागत नाही.
आजचा संकल्प
पालक म्हणून आपण जबरदस्ती किंवा बळाचा वापर न करता, मोकळ्या वातावरणात गप्पा-गोष्टींच्या स्वरूपात मुलांशी संवाद साधू. त्यांचीही मते जाणून घेऊ व योग्य अयोग्यची चर्चा करू.
सौ. स्नेहलता स. जगताप