राष्ट्रीय एकात्मता जपत फिनिक्स इंग्लिश स्कूलच्या मुलांची दिंडी पालखी सोहळा संपन्न.
राष्ट्रीय एकात्मता जपत फिनिक्स इंग्लिश स्कूलच्या मुलांची दिंडी पालखी सोहळा संपन्न.
Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.
अकलूज दिनांक 28/6/2023 :
लवंग (ता.माळशिरस) येथील फिनिक्स इंग्लिश स्कूलच्या विद्यार्थ्यांनी वारकरी वेषभुषेत तर उद्या बकरी ईद असल्यामुळे मुस्लिम समाजातील विद्यार्थ्यांनी आपला पारंपारिक पेहराव परिधान करून एकमेकांची गळाभेट घेऊन एकमेकांना शुभेच्छा दिल्या.यामुळे या शाळेतील मुलांनी समाजापुढे राष्ट्रीय एकात्मतेचा संदेश देऊन एक आदर्श निर्माण केला आहे.
आषाढी एकादशी व बकरी ईद हे दोन सण एकाच दिवशी येत असल्यामुळे या शाळेतील मुलांनी दिंडी पालखी सोहळा साजरा करत बकरी ईदच्या शुभेच्छा देत राष्ट्रीय एकात्मता व जातीय सलोख्याचा संदेश देत चिमुकल्या बाळगोपाळांनी आनंदात दोन्ही सण साजरे केले आहे.
लवंग येथील फिनिक्स इंग्लिश स्कूलच्या मुख्याध्यापिक सौ.नूरजहाॅ फक्रुउद्दीन शेख या नेहमी शाळेत विविध सण समारंभ कार्यक्रमांचे आयोजन करत असतात. त्यामुळे मुलांना लहान वयातच सर्व सण समारंभ साजरा करण्या मागचा हेतू लक्षात येतो. या शाळेत मुलांना सर्व धर्म समभावची शिकवण ही दिली जाते.
छोट्या छोट्या विद्यार्थींच्या गळ्यात तुळशीची माळ, हातात टाळ, मस्तकी टिळा, पांढरे धोतर व शर्ट परिधान करून तर मुली साड्या नेसून डोक्यावर तुळस घेऊन विठ्ठलाचे नामस्मरण करीत छोटे वारकारी आपल्या संस्कृतीची जपणूक करीत होते तर बकरी ईद या सणाला छोटे वारकरी मुस्लिम विद्यार्थ्यांना गळाभेट घेऊन ईदच्या शुभेच्या देत होते.या बाल दिंडीत इस्लामी पोशाखातील विद्यार्थी वारकऱ्यांसमवेत चालत असताना अल्लाहकडे वारकऱ्यांसाठी प्रार्थना करीत होते. या सर्व वारकऱ्यांना दशरथ दगडे यांनी खाऊ वाटप केला. रस्त्याने येणाऱ्या जाणाऱ्या लोकांना या दिंडीतील वेगळेपण पाहून राष्ट्रीय एकात्मता हिच आहे.हम सब एक है चाहे वेशभूषा अलग है…असे उदगार उपस्थित नागरिकांकडून ऐकायला मिळत होते .या बाल दिंडीत पालक ही सहभागी झाले होते.
हा कार्यक्रम यशस्वी होण्यासाठी शाळेच्या संचालिका नूरजहाँ शेख, गुलशन शेख तसेच दशरथ दगडे, समाधान जगताप, भिमराव शिंदे, शाहीन कोरबू, अस्लम काझी, सौ.वैशाली उघाडे यांनी परिश्रम घेतले.
